[سكووت]

عبد الحق صادق ...

اعجبني موضوعك ..
للاسف كثير من الناس يعتقدون انهم اوصياء على الجميع باسم الدين
ويروجون لافكار غريبة عجيبة ويدعون انهم على طريق النبي عليه الصلاة والسلام ..
خصوصا اذا كان الامر متعلق بالمرأة يمنعون عنها ابسط حقوقها والحجة ايش ؟؟درء المفسدة مقدم على جلب المصلحة !! ولييش يطبق دا الكلام على المرأة فقط
اعتقد في الماضي كنت مخدوعه بكلامهم وخصوصا كلمة انتي جوهرة ومصونة ولؤلؤة وممنوع تعملي كدا وكدا وكدا وهيا اشياء حلال لكن هم منعوها عني !! والسبب الدين ولكن الدين بريئ منهم ومن افكارهم
يبغون قمع الناس ومسح شخصياتهم ولكن خلاص اصبحو مكشوفين لان التشـدد والتطرف ليس من صفات الاسلام ..

حتى في الصلاة في حديث عجبني للرسول عليه الصلاة والسلام ..
جاء رجل إلى النبي صلى الله عليه وسلم فقال: إني لأتأخرُ عن صلاة الصبح من أجل فلان مما يطيل بنا! فما رأيت النبي صلى الله عليه وسلم غضب في موعظة قط أشد مما غضب يومئذ؛ فقال : (( يا أيها الناس: إن منك منفرين، فأيكم أم الناس فليتجوز؛ فإن من ورائه الكبير والصغير وذا الحاجة))..

كان الرسول مايامر الناس بالشدة والعنف زي مايصير دحين ..ولنا في قصة الاعرابي اللي بال بالمسجد عظة وعبرة والرجل اللي جا للرسول وقال ابغى ازني كان اسلوب الرسول معاهم في قمة الرووعه واللباقة..

لكن دحين باسم الدين تشوف اي احد يرتكب حتى لو خطأ بسيط او شي مخالف للعادات مثلا لكن ليس مخالف للدين تجد الكل يغضب عليه ويمنعو وينبذه وشرف القبيلة راح وكلام فاضي بصراحة ..

اعتقد انو خلاص بطلنا ننخدع بالمتطرفين اللي اجبرونا بالماضي على اشياء باسم الدين لكن دحين خلاص اصبح الكل عارف حقو وواجباتو..العبارات الرنانة اللي يقولها وعبارات التهديد والوعيد خلاص ماتنفع اعتقد لازم يبطلو يستخدمو الدين في دي الاشياء لانو الدين بريئ منهم الاسلام دين وسطية ودين وجد لراحة البشر مو لقمعهم كل العالم تطــــورت وراحت وجات واحنا في مكاننا بسبب عقولهم المتحجرة للاسف..

تحياتي ومودتي لك عبدالحق صادق..