السلام عليكم ورحمة الله وبركاته
يالله ان تحييهم
يالربع وش هالأجواء الشينه يالله ارحمنا برحمتك بس
شيء فعلا يدعو الى ان نراجع انفسنا
المهم في هالأجواء طلعت معي هالأبيات
أتمنى تنال إعجابكم
أقول :
يا خاطري هوّن عليك ما عاد فيني للجنون
ولا تزيــد همـــوم قلبي أو تزيــد فـيّــه عــذاب
قـــالوا اول انّ ما بعد العجـــاج الا المـــزون
واليوم خوفــي انّ ما بعد العجاج الا الـتراب
و من كثر شوف التراب ما تنفّسنا دخـــون
والدخون من التراب اصبح اشبه بالســـراب
وكــــل ما قلنـــا اغثـنـــا يا كـــــريم يا منـــون
زاد فينا من العذاب بالمختصر شيءٌ عُجـاب
وصـــار ربعي في التراب بالإجازه يفرحــــون
وصار أكبر همّهم كيف [ أذب ] في الوآتساب
يالله المشكى عليـــك من أُنـــاسٍ غافلــــون
لا هــم اللي يذكـــرون وحَـكْيَهُم كلّـه سبــاب
اســـــألوا يالسائليـــن قبــل لا تستمطـــرون
وش علينا من ذنوب لاجل دعوتنا تُجـــاب
ربّي يرزق كُـــل أمّـــة بالنوايـــا والظنــــون
وافتح القرآن تلقى في الرَّعَد أفضل جواب
ليه قومي اصبحوا مع علمهم لا يفقــهون
واصبحوا فوق العـــلوم للنفوس أكبر خراب
اطلبك يا رب ترزق هالبلاد من العيــون
واطلبك تهدي عبادك للطريق اللي صواب
ويالقارئين ربّي جعلكم سالمون << هتكت عرض اللغة العربية
ودمتم