رد: هل تتزوج فتاة تعرفت عليها في موقع زواج ؟
تعددت الطرق والهدف واحد وهو الزواج
سواء عن طريق
الأهل
أو
الخطابه
أو
مواقع الزواج
وشئ طيب من البنت انها تبحث عن الحلال مع انها لها القدره على انها تروح للشات وتتعرف على الف واحد لكن تبي الحلال وراحت مواقع الزواج
لكن على البنت تنتبه من بعض ضعاف النفوس اللي مايخافون الله ويدخلون مواقع الزواج بغرض التسليه واللعب
والأفضل للبنت ان مايكون هناك اي اتصال بينها وبين الشخص اللي اختارها وتقدم لها عن طريق الموقع بأي شكل من الأشكال الا عن طريق احد محارمها (ابوها او اخوها او ..........) علشان تكتشف جديته
وانا بعد مستغرب من بعض الردود اللي يقول كيف اتزوج وحده مااعرفها!!!
طيب انت اقرا السؤال مضبوط وفكر وبعدين جاوب
الحين اذا اهلك اختارولك وحده على طول راح توافق ؟؟
اكيد لازم تسأل عنها وعن جمالها واخلاقها ووووو
طيب نفس الكلام بالنسبه لمواقع الزواج الموقع مجرد عباره عن تعارف مبدئي بعدين يكون تعارف عن طريق الأهل والسؤال واذا ناسبك بالتوفيق واذا ماناسبك كل طرف الله يسهله
واسمحلي ياكريستانو انت طريقة صياغة السؤال خاطئه
(((((هل تتزوج فتاة تعرفت عليها في موقع زواج ؟ )))))
كيف تسأل واحد تقوله تقبل تتزوج وحده تعرفت عليها عن طريق موقع الزواج !!!
طيب هو اجل ليش يدخل هالمواقع مادام انه رافض الفكره والمبدأ من الأساس !!!!
إلا اذا كان هدفه اللعب والتسليه ببنات خلق الله
المفروض يكون السؤال بهالشكل
هل تقبل بالزواج عن طريق مواقع الزواج
او
هل تؤيد فكره الزواج عن طريق مواقع الزواج
وأسال الله العلي العظيم أن يوفق كل من يبحث عن الستر والعفاف والزواج بأي شكل من الأشكال
ولك تحياتي على سؤالك الحساس
|