دي المره دوري أنا أتلقف
33 ساعة كويس ما أشوفها كثير .. :)
|
هوا إلي يفجع أغلب الناس إن مع الثقافه و العربي الجدول يصير في الترم الأول 39 ساعه و الترم التاني 38 ساعه بس طبعاً في منها معامل يعني ممكن ساعات ما تنحسب
طيب أبغى أسألك الثقافة والعربي هذي أقدر أجيب فيها فل مارك بسهولة .. ؟
|
دي مره لا تشيل همها إن شاء الله +a
بس لا تستهين بيها لأن في بنات كانوا ينقصوا فيها أكثر من مواد التخصص
والسبب إن عقلهم ماصار يتحمل معلومات بسيطه العقل إتعود على الأشياء المعقده و الكلام الصعب
وإذا صعبة تنصحني أخليها للصيف ولا أصلاً ما أقدر .. ؟
|
أنا شخصياً ما أحب أحد يقرب من الصيف حقي أبداً
بس طبعاً كل شخص على حسب مايرتاح
سؤال / الوقت بما أنك ولد زينّا كيف تحس الوقت كله مذاكرة .. ولا عندك وقت فراغ تقدر تفل فيه زي بقية الخلق .. ؟
|
<<< لـ د.كيــف
بس على العموم في وقت للفله لا تشيل هم :)
أنا معدلي 4.3 وأبغى أوصله ع الأقل 4.5 يعني عشان يصير منتـاز .. بس سمعت ان المعدل صعب يرتفع بـ سهولة :(
|
صحيح الموضوع مو بدي السهوله لكن لكل مجتهد نصيب و لو ما رفعته أول سنه إن شاء الله تاني سنه أو تالت سنه ترفعه بعد ما تتعود على المواد
وسمعت ان لكل سنة نسبة معينة من المعدل زي (5%،15%) تنرصد بعدين وقت التخرج فـ إذا تعرفها لا تحرمنا منها
|
هذا الشيء للأسف إتلغى دي السنه و صار لكل السنين نفس النسبه
يعني الدرجه إلي تنقصها في التحضيري زي الدرجه إلي تنقصها سنه خامس
أنا والله سمعت بس عن البايو كيمستري أخبار سيئة، وعشان هيك راح أتقبل الوضع من ذي اللحظة
|
هيا لو جات على البايو لحاله مره طيب
لالا شوف لا تسمع كلام أحد و ترسم فكره سلبيه عن أي ماده
إنتا بس أسمع الكلام إلي يساعدك على الدراسه أما الكلام السلبي حطه على جنب لأن تجربتك حتكون مختلفه عن بقية الناس