انا حاطة الصيدلة رغبة ثانية, وبعد ما سمعت اخباار قريب, عندي احساس اني ما حنقبل رغبة أولى, فـ الحمدلله اني حطيت صيدلة رغبة ثانية وإن شااء الله انقبل فيها, لأني جد احس ارتحت للتخصص مرررة
|
على فكره في دي الأيام تكتر الإشاعات (جداً) فلا تسمعي أي شيء و تصدقي
وعلى العموم لو كنتي مستخيره أي قسم حتنقبلي فيه حيكون خير لكِ :)
بس عندي سؤال برضو..
ايش نوع الكيما الغاالب في هدا التخصص؟
يعني احنا اخذنا في التحضيري (عارفة انو بس كان مقدمة للكيمياء وشي مررة يعتبر اهبل) بس اخذنا في نوعين, كيميا اللي هيا كلها حسابات, وكيمياء عضوية
في ناس تقلي انو لا الصيدلة اهم حاجة في الكيميا العضوية
بس انا احس انو مددري فيلو حسابات كثير ونسب الخ اكثر من انو بس يعتمد على العضوية ..
|
إنتي حتاخدي مادتين كيمياء وحده فيهم (عضويه) و التانيه (تحليليه)
العضويه إنتي عارفتها و حتاخديها بتوسع مره
التحليليه ممكن تقولي عنها شيء جديد ما أخدناه قبل خصوصاً الترم التاني أما الترم الأول أغلبه معادلات و أشياء بسيطه
بالنسبه للحسابات في حسابات بس مو زي حقت المولاريه و المولاليه و دي الأشياء يعني في شيء بسيط و لايذكر
لكن طبعاً في ماده تانيه غير الكيمياء و كلها حسابات
احس كلاامي مرررة ملخبط ان شاء الله يكون احد فهم
وشكرااا مقدما
|
لا كلامك مفهوم و إن شاء الله يكون كلامي واضح و وصلك
العفو :)