راح احط أفكار الامتحان حق الاحصاء لأني امتحنت اليوم وكان الامتحان جدا سهل فإن شاء الله الكل يجيب الدرجة الكاملة
اتذكر بعض الأسئلة راح اكتبها :-
1- مانوع بيانات اعمار طلاب المرحلة الابتدائية :
كمية متصلة( هذا الجواب الصحيح لأنه الاعمار بتحتوي على كسور فممكن أقول عمره 6ونص وهكذا )
كمية منفصلة
نوعية
2- لون أعلام الدول ايش نوع البيانات :-
الجواب نوعية
3- قام باحث بدراسة توزيع السكان على مدينة الطائف فقسم المدينة إلى احياء زراعية وصناعية واختار من كل قسم 3 أحياء فايش الاسلوب اللي راح يختاره :
عينة عشوائية عنقودية( انا اخترت هذا الجواب لأنه مدينة الطائف وقسمها الباحث على قسمين وبعدين على 3 احياء اختار فتكون عنقودية لأنه لو طبقية حيكون المجتمع في الاساس مقسم أما لو منتظمة فحيتم الاختيار بطريقة معينة تختلف عن هذا التقسيم أتمنى اكون وصلت الفكرة وتأكدوا من جوابي كمان )
طبقية
منتظمة
بسيطة
4- جمع بيانات كل مفردات المجتمع محل الدراسة :-
المجتمع
العينة
المسح الشامل ( طبعا هذا الجواب )
5- .... هي المجموعة الحزئية من مفردات المجتمع محل الدراسة يتم اختيارها لتمثل المجتمع تمثيلا صحيحا :
العينة الجواب
6- عندما تكون قيمة الالتواء سالبة فيعني :-
التواء إلى جهة اليسار الجواب هذا
بقية الاختبار كان عبارة عن جداول أو بيانات خام أو أسئلة كلها واضحة ومفهومة والقوانين بتكون مرفقة بس يبقى أنه تعرف كيف تطبق
جات أسئلة عن زاوية القطاع والتكرار النسبي والنسبة المئوية وطول الفئة وعن التباين وعن معامل الاختلاف يعني تقريبا كل شيء .
لو أحد عنده أي سؤال أنا حاضرة ولو فيه جزئية مش فاهمينها أنا مستعدة .
بالتوفيق للجميع