مت ، يا ماسح بيديك دموع اليتامى ؟
و تركت خلفك مليون دمعة يتيمة
خلاص مت ، وخليت البشر بإتباع طبعك حلامى
لين حسينا بدونك حياة مالها قيمه
أنا لو أقول سلطان ، هو سلطان سيد النشامى
أنار الدنيا ببسماته بعد ما كانت عتيمه
هو جيش ، فوق عرش جيشه تسامى
يطفي نار كل مظلوم ، و الكيد يرده لظليمه
كم من يتيم يضحك ، و اليوم جرحه تلامى
و كم من لمسته جروح منثورة وصارت لميمه
يرحمك رب الكون ، يا سلطان كل النشامى
بعد موتك ، من يواسي مليون دمعة يتيمه ؟
ياموت لو تدري عـن كفـوف (سلطـان)
مـا كـان جبـت لنـا الخبـر والفجيعـه
(السبـت) يـا يـوم المفـارق والاحـزان
ضاقـت بنـا كـل الفـجـاج الوسيـعـه
وكـل الارامـل واليتـامـى والاحـسـان
مـن بعـد( بوخالـد) تـحـس بقطيـعـه
شوف ( الرياض ) و(نجد) وربوع (جيزان)
خبـر الحـزن للنـاس كلـهـا تذعـيـه
جف العشب وتكسـرت صفـر الاغصـان
والـورد يبكـي يــوم قـفـى ربيـعـه
مـا للمطـر قيمـه ولـو بـات هـتـان
الأرض ثكـلـى والمنـاظـر مـريـعـه
(لوحـت باليمنـى) وهـزيـت وجــدان
كـل القلـوب الـلـي لحـبـك مطيـعـه
يا ما سعيت وقمـت فـي نصـر الايمـان
وثبـت حـكـم الله حـسـب الشريـعـه
ما مـات مـن مثلـك لـو ضـم بكفـان
وذكـرك عطـر بضلوعنـا مـا نبيـعـه
عسـاك فـي الفـردوس مابيـن ريحـان
ولك فـي الجنـان اعلـى منـازل رفيعـه