[ميتوكندريا]

جاء الموضوع بوقتوووووووو

اول شي حتكلم عن الاختبار لانو انا هذا اول سميستر ليا في الاقتصاد المنزلي بس اختبرت اختبار المهارات وكان مع بنات التحضيري كمان بتاريخ 22/6
<<<احنا اليوم 20/7

الاختبار ماكان شي قدامنا ونرسمه يعني غيروا طريقتهم !!!


السؤال الاول ينحل في ساعة بس طبعا مو سؤال واحد هو كذا ورقة :
1/ ايش يعني التصميم الداخلي وكيف عرفتيه ولو مادخلتي ايش تدخلي وايش نفسك تكوني بعد 5سنين.....
2/ يدوكي اشكال وتحددي الشكل اللي يكمله << 3 فقرات
3/ تلوني وحدة زخرفية
4/ صورة غرفة او صالة من قريب ومليانة اثاث تحتها خيارات ايش المسقط اللي يمثل هذي الصالة؟ وتحددي انتي وين واقفة <<دوخني هذا السؤال
5/ يدوكي رسمة ادراج وابواب طبعا مفصلة ويقولولك انتي كوني منها مكتبة.
6/ تقريبا نفس الفكرة : رسمة غرفة فاضية بس فيها شباك وباب ويدوكي رسمة كراسي وطاولات بوفيه وطاولة طعام و ... وانتي تسوي منها غرفة الطعام ترتبيها وتحددي الخطوط المساعدة يعني ليش حطيتي هذي هنا وايش اللي عند الشباك زي كذا
هذا اللي افتكرته من السؤال الاول ماادري اذا فيه شي كماان ولا لا


نيجي للسؤال الثاني << ادونا بريك 5 دقايق وتكلموا معانا عن التخصص
وقالولنا لاتقولوا عن التصميم الداخلي ديـــــــــكور لان الديكور جزء فقط من التصميم الداخلي

عبارة عن مجسمات اسطوانة مكعب... تختاري منها ثلاثة اشكال لازم 3 وتكوني منها تكوين مع مراعاة الظل والنور <<هذا السؤال اللي عجبني

السؤال الثالث

رسمة وتلونيها مع مراعاة الظل والنور والملمس بس لازم تستخدمي 3 الوان فقط مع تدرجاتها ممكن << يعني لازم الالوان اللي معاك تكون فيها من اللون الواحد كذا درجة

عندي سؤال لرؤى وقلب المحيط الخرجات اللي بتخرجوها كثير مع الاستاذات او عشان الطلبات
وهل اكيد الشغل في المستقبل حيكون مختلط ؟؟؟؟