[أحبني أموت فيني]

المشاركة الأصلية كتبت بواسطة ذنبي طيبتي احبني اموت فيني تسلمي الله يسعدكي على الرد بس صرااحه انا الترم هاذ منزله مواااااااد صعبه ودكاترتهم اصعب وماابغى اذاكر الماده الحره وفي نفس الوقت ابغى اخذ a+خخخخخخخ ادري اني انكت بس من جد هيا ماده حره مررره ماابغى اذاكر واتعب فابغى اسالك الماده ذي تتكلم عن ايه جغرافيا لو جغرافيا مررره مااحبوه بس اذا الدكتوره متساهله يعني تعطيني a+من غير مذاكره باروح لها طفشتك بكلامي الكثييير واهم شي تعطي a+ماابغى a

طيب ليه ماتاخذي آسيا لو تشوفي الاوراق عددها تضحكي
وربي دلع عندهم مو زي الاقتصاد مطلعين عيننا تهي تهي >طيري بس هع

بجد اتكلم وربي يشهد على كلامي على وقتي كانت نوال ششه تجيب نفس الأسئلة للي غايبين
إنت مالك إلا تغيبي وقت الدوري بس لازم تضمني إنو تاخذي من احد الأسئلة وبيني وبينك ادخلي الاختبار مع الغايبين وانت مذاكرة لأن والله ماتعرفي يمكن تتغير ولا شيء

إنت بس زي ماقلتلك اكتبي معاها المحاضرات أول بأول هي تقرأ الكلام من دفترها وإنت تكتبي

والمذاكرة عاد مو مره ماتذاكري خخخخ تضحكي .
بس ترى ماكنت اذاكر إلا يوم الاختبار حتى وربي ووقت متأخر من كثر ماكنت مستهينه بالمادة

كلنا موادنا تطفش بس والله لازم تضغطي على نفسك لأن إنت عارفة المعدل لما ينزل تتعبي إنو يرتفع فلا تهملي حبيبتي تكفين لا تغلطي غلطتي اهملت مادة ونزل المعدل

المادة فيها تواريخ أنا كنت اكتب التواريخ تحت بعض وكل تاريخ اش صار فيه لأن حفظي بطيء مره
وهذه الطريقة سهلت علي الحفظ ماشاء الله .

وكمان المادة مو جغرافيا من قسم التاريخ بشكل مبسط . والدوريات محذوفة شيء حلو .

لاتنفجعي ولا تخافي بالبداية بتحسي إنو شيء غريب عليك أنا كذا حسيت وكنت أقول:
الله يستر لا أندم بس طبيعي إحساسك لأننا مو متعودين على موادهم فهمتي عليا
يعني كل موادنا إدارة ماإدارة .

والله انا كنت أقول أبغى مادة تفيدني بحياتي بس لما شفت هذه المادة والكل مدحها الكسلان والشاطر
اخذتها لان أبغى درجة حلوة مو ناقصة .

لو عندي المحاضرات والله كان أعطيك هيا بس ماهي عندي .

وعلى فكرة هذه الدكتورة إلى الآن مااحد قال إنها تغيرت ماشاء الله هذا اللي خلاني امدحها عند الكل .

والله يوفقك وإذا في من صحباتك معاك حلو تشجعوا بعض شوف صحباتك .

والله إنت زي حالتي خايفة من الترم الجاي خوف مو طبيعي يارب يعدي على خير