[! سلطـــان !]

السلام عليكم ورحمة الله وبركاته

مساء الخيرات اخواني واخواتي ...

اولا اهنئكم بعيد الفطر وعساكم من عواده مع انها متأخره

ثانيا اعتذر عن تغيبي الفترة الماضية بسبب ضروف قاهره ابعدتني عن المنتدى والنت بأكمله ولكن الحمد لله ع كل حال

صراحة انا وصلني مسج بأعادة طلب التخصيص مثل باقي طلاب دفعة 10 الي اختاروا ادارة اعمال

بس ما اهتميت لها كنت مريض ومالي خلق وقلت يمكن لخبطة مثل العاده لاني تخصصت ادارة اعمال وانتهيت

واحد من الشباب اتصل علي وكلمني عن الموضوع وانهم يبون يلغون ادارة الاعمال

ما ادري وش اقول صدمة ؟ تحطيم ؟ عدم احترام لرغبة طلاب التعليم عن بعد ؟

عموما بعد هذي المقدمه ندخل بصلب الموضوع

اليوم رحت لجده عشان افهم وش الوضع بالضبط .. وصلت الساعه 10 ونص تقريبا

توجهت اولا لعمادة التعليم عن بعد ... رحت لمكتب سكرتير العميد وما كان في احد رحت لمكتب الدكتور داوود مشاط وكيل الشؤون التعليمية مقفل

اتصلت عليه وقال انا بالرياض حاليا كلمته بخصوص المشكله ولا قدر يفهم علي يقول ان التخصص فعلا تم الغائه من كلية الادارة والاقتصاد حاول تراجعهم

قلت له يا دكتور عندنا خبر عن هذا الموضوع بس انا اقصد كلية الاعمال برابغ وكان عنده ضجة ما ادري هو فهم علي او لا وكرر علي نفس الحكي ( راجع كلية الاقتصاد والادارة )

قلت له طيب طيب وانا مقفله معي وقفلنا الخط ... رحت لموضف تحت بالشؤون التعليميه استفسر منه عن العميد والسكرتير ابي اقابل اي شخص منهم

وقال ما عندي فكره وسالني وش موضوعك قلت له وقال انصحك تروح للدكتور عابد المشايخي وكيل عمادة القبول والتسجيل لشؤون المنتسبين

طبعا قلت له وش دخل التعليم عن بعد بالانتساب قال ما عليك روح له هو مسؤول بعد عن التعليم عن بعد

انا اساسا كنت ناوي اروح لعمادة القبول والتسجيل عشان احاول اقابل العميد د / عبد الفتاح مشاط ورحت للقبول والتسجيل ودخلت ع السكرتير اسال عن د / عابد مشايخي

وللأسف قال لي السكرتير مو موجود سالته متى بيجي قال بعد صلاة الظهر ان شاء الله

تركته ورحت لمكتب د / عبد الفتاح مشاط وما كان موجود مسافر للرياض ...

قلت خلني ارجع لعمادة التعليم عن بعد توجهت لمكتب العميد وجلست انتظر الين شرف السكرتير سألته عن د / هشام وقال انه مو موجود

الظاهر على حضي اليوم ما كان في احد من العمدا والوكلاء وقال ان شاء الله راح يجي متى الله اعلم سالني وش موضوعك انا مليت صراحه وقفلة معي

قلت له ابي اقابل العميد موضوعي من راسي لراسه تركت المكتب وانا بصراحه ماني عارف وين اروح وتعبت من اللف والدوران من القبول والتسجيل للتعليم عن بعد

شوي ويأذن الظهر وبعد الصلاه رحت مره ثانيه لعمادة القبول والتسجيل عشان اقابل د / عابد مشايخي وللاسف سالت عنه والى الان ما جاء

رجعت مره ثانيه للتعليم عن بعد وشافني الموضف الي دلني ع د / عابد مشايخي وقال وش صار عليك قلت له الوضع قال ليش ما تروح للدكتور ( .................... )

ما اقدر اقول اسمه شوي اعلمكم السبب قال توه واصل رح وشوف وش يقول لك طبعا هو مسؤول بالعماده المهم رحت وكان مكتبه مقفل رجعت للموضف وقال

غريبه توني قبل شوي شفته انتظر يمكن يكون هنا والا هنا انتظرت واول ما وصل رحت له

بصراحه قمه بكل شي اهمها قمة بالاخلاق فهمته عن الوضع كامل مافي مجال اقول التفاصيل لاني جلست اتكلم معه ساعه تقريبا

كان نقاش عن المشكله اكثر من انه مجرد استفسار وقلت له انا مشرف التعليم عن بعد وفي اعضاء كثير ينتضرون وش يصير معي

يوم قلت كذا قال اوكي انا راح اتكلم معك كلام اصدقاء يعني الحكي الي نقوله هنا مو للنشر لاني بصراحه اخربتها وكنت منفعل ومبين على وجهي

قلت له ابشر قال الشي الثاني انا ما اقدر احل هذي المشكله لانها من اختصاص القبول والتسجيل وتجادلنا كثير حول هالنقطه

ولكن سالته سؤال بعد كل الاحداثيات والدراما الي صارت معنا بداية من السماح لنا بالتخصص ونهايه بسحب التخصص منا مره ثانيه

وقبلها تسجيلنا بالجامعه على اساس ان ادارة اعمال كان متاح سألته : هل الحق معنا ؟ قال الحق كله معكم

وقال انا شخصيا متعاطف معكم وراح اتكلم بالموضوع مع الدكتور عبد الفتاح مشاط وماراح اكلمه من مبدأ الحياد راح اكلمه من مبدأ التعاطف والوقوف معكم

ولكن ما اقدر اوعدك بأي شي لاني ما بيدي شي الموضوع كله بيد عمادة القبول والتسجيل وخذيت ايميله الخاص عشان يرد لي خبر وش صار بينه وبين العميد

طلعت من مكتبه الساعه ثلاث الا ربع تقريبا قلت اطلع لمكتب العميد واشوف وصل او لا وللاسف نفس الاجابه الاولى مو موجود


نقطة مهمه احب انبه عليها

خطر في بالي سيناريو ان عمادة القبول والتسجيل يمكن تبي تحطنا امام الامر الواقع وبعض الطلاب يصير عنده يأس ويختار تخصص ثاني الين تصفى على اربع خمس طلاب

وقتها يقولون نفتح قسم لخمس طلاب ... اتمنى جميع الي يرغبون بأدارة اعمال لا يختارون التخصص نهاااائي الين نشوف الوضع شلون يصير

لازم نسوي اضراب عن اختيار التخصص

اعتذ يمكن اطلت بس اعتبروها من باب الدردشه نغير جو شوي وزبدة زيارتي للجامعه كتبتها بأخر الاسطر

اخيرا احسنوا الظن بالله وان شاء الله ينصرنا ونتخصص التخصص الي نبيه

ولو اصروا ع موقفهم ماراح نسكت نرسل خطاب يسلم باليد لمدير الجامعه ونخاطب الجرايد واتمنى اي شخص ساكن بجده يقول انا من جده نرفع قضيه على الجامعه بديوان المظالم

لا يعني اننا فئة قليله تهضم حقوقنا

تمنياتي للجميع بالتوفيق وسامحونا ع القصور بالايام الي فاتت .