.gif)
بخصوص التغير اللي حاصل ؟ يابنات أدخلو ضروري وخاصه اللي رايحين للمستوى الثالث }~
بسم الله الرحمن الرحيم
السلام عليكم ورحمه الله وبركاته
عندي كم سؤال و أكيد كثيــــــــــــــــر بنات محيرتهم هالاسأله علشان كذا ياليت أي وحده تعرف تجاوبني وتساعدني و تساعد غيري
أو تسأل الدكتوره نجلاء أو اي أحد يعرف ...
* دحين إحنا صرنا كليه العلوم للبنات أبغى اعرف يعني راح تكون الدراسه زي الكليه الموجوده في الجامعه يعني بالأنجـــــــلش وكتب يعني مراح تكون ملازم زي السنوات اللي فاتت ؟!؟
لانهوه إذا كان إنجلش ومراح تكون الاسأله تبع الاختبارات إختياريه ( يعني راح تكون مقااليه ) فصعب مثلا على بنات الاحياء إنهم يشرحوا او يعددوا حاجه كلها إنجلش أو يكتبو بيانات على الرسوم لان الرسووم مره كثيره في الاحياء <<< أنا متعقده من هالموضوع مرره
و إذا كان الجواب لا يعني مراح يكون المقرر بالانجلش هل راح يكون فيه مخطط او إحتمال إنوه راح تتحول للانجلش ولا لا ؟!؟
لانه إحنا السنه التحضيريه لما جينا العام أثرنا على السنه اللي قبلنا فأحتمال السنه التحضيريه لهاذا العام راح تأثر علينا وخاصه إن دراستهم و مقرراتهم راح تكون نفس السنه التحضيريه اللي في الجامعه ...
* وكمان التحويل من تخصص لثاني داخل الكليه نفسها أنا لما سألت الدكتوره نجلاء قالت لي إنوه المعدل اهم حاجه فوق الــ3 ؟!
و أعتقد إنها تقصد بعد ترم من الدراسه في التخصص المراد التحوي منوه لاكن لما قلت للعميد عبد الفتاح مشاط قالي شوفي موقع العماده <<< يقصد إن الكلام اللي قالته لي خطا أعتقد!!
ولما شوفت هنااك كان مكتووب أن التحويل راح يكوون بعد ترمين يعني سنه كااامله  ؟!
يعني دحين اصدق ميين وخاصه أني اعتقد إن الدكتوره نجلاء قالتلي بحكم التحويل زمااان ( كيه التربيه )؟!؟!
يلاا يابنات نسأل مع بعض علشان نعرف وياليت كل اللي تدخل ترد إذا كانت تعرف أو تسأل علشان نساعد بعض
وربي حاسه إني ضايعه و حايسه مررره و اكيد فيه أحد زيي كمان
...
يارب يسهل لنا أمورنا كلهاا
|
جاء رجل إلى النبي صلى الله عليه وآله وسلم فقال : يا رسول الله أي الناس أحب إلى الله ؟ وأي الأعمال أحب إلى الله ؟ فقال رسول الله صلى الله عليه وسلم : أحب الناس إلى الله أنفعهم للناس ، وأحب الأعمال إلى الله سرور تدخله على مسلم ، أو تكشف عنه كربة ، أو تقضي عنه دَيناً ، أو تطرد عنه جوعا ، ولئن أمشي مع أخ لي في حاجة أحبّ إلي من أن أعتكف في هذا المسجد شهراً - في مسجد المدينة - ومن كفّ غضبه ستر الله عورته ، ومن كظم غيظه ولو شاء أن يمضيه أمضاه ملأ الله قلبه رجاء يوم القيامة ، ومن مشى مع أخيه في حاجة حتى يثبتها له ثبّت الله قدمه يوم تزول الأقدام
|
التعديل الأخير تم بواسطة أحلى حلم ... ; 31-08-2009 الساعة 06:06 PM.
|