رد: كم سؤال؟
السلام عليكم ..
حياك الله اخوي عندنا ,, و ان شاء الله نسعد بتواجدك كفرد من أشرة كلية تصاميم البيئة ..
الغامدي مشكورا أجاب عن الأسئلة ، وسوف أضيف على إجابته
- في حال دخولك الكلية الترم الثاني المواد اللي تنزلك مواد الكلية العامة باستثناء ar190 - 191
و تكون ملزم بداية السنة الجديدة انك تدرسها عشان تتخصص السنة اللي بعدها، 190 الترم الأول ، 191 الترم الثاني
للأسف هذا النظام.
- بالنسبة للموهبة ,, مو شرط أساسي إذا انت فنان تصير مصمم ,,,
خليني أشرحلك فكرة كلية تصاميم البيئة ,,
الان المهندس يهمه انه يسوي مبنى على سبيل المثال شكله جداً عادي بس أهم شي يؤدي الوظيفة،
الرسام يسوي نفس المبنى لكن شكله خيالي و إبداع بس مستحيل يتنفذ إلا في الاحلام،
في كلية تصاميم البيئة نجمع ما بين الوظيفة و الجمال لجعل العالم مكانا أفضل للعيش.
إذا انت تحب تصميم المباني شكلها الخارجي و توزيع الغرف داخل كل شقة و كيف المبنى هذا ترفعه ، كم عامود تحتاج و في مكانها، كيف تسوي مبنى شكله غريب و ترفعه.
إذا انت تحت تصمم الفراغات المفتوحة من حدائق و مناطق ترفيهية زي دزني لاند مثلا ، تصمم الملاهي كاملة و بعدين تصمم التبليط و تحط نوع الشجر اللي انت تبغاه و تحط الالعاب اللي تشوفها مناسبة و تحط أعمدة الانارة اللي انت تبغاها
و و و و و ....
إذا مزاجك تخطيط، تخطط مدن و شوارع تحط مجموعة مباني في بلوك سكني واحد و تحدد الأماكن العامة و الاماكن الخاصة، تحدد الشوارع العامة و الفرعية و الخطوط السريعة..
أو إذا حابب الجيوماتكس ,, ما اعرف فيه كثير :)
إذا فيه شي عجبك من اللي كتبته حياك الله و بياك بيننا و يسعدنا تواجدك .. وبالتوفيق
|