كل واحد حضر المشهد يقول لنا بإيش طلع

[أسير]

في البداية أرجع وأهنئ كل عضوات وأعضاء المنتدى بالعيد و الله يتقبل مننا جميعاً ..
ندخل في صلب الموضوع ..
طبعاً هذا الصباح كان مشحون بمشاعر الفرح و البهجة و التجهيز لاستقبال الضيوف أو الاستعداد للزيارات للمعايدة .. و طبعاً قبلها كثير راحوا صلاة العيد ، المطلوب :
الناس اللي حضروا الخطبة .. إيش الفائدة اللي طلعتوا بها و ممكن تفيدونا بها ؟
يعني باختصار .. وصية أو حديث علق في بالكم من كل الخطبة و كان له أثر في نفسكم ..

راح أبدأ بنفسي ..

اتكلم الإمام عن وجوب صلة الرحم و المصالحة في هذا اليوم ، ووو .. يعني متعلقات هذا الموضوع ، و ذكر في مجمل كلامه إن اللي يقاطع أخوه المسلم ثلاث ليالي و ربنا كتب عليه الموت يموت و يدخل النار .. تخيلوا واحد عبد ربنا في رمضان عبادة تامة و كان متخاصم مع أخوه و مات .. يدخل النار!! والله انفجعت لما سمعت الحديث .
و اللي يهجر أخوه المسلم ( طبعاً مو شرط أخوة دم ) سنة كاملة فكأنه سفك دم أخوه .. يعني كأنه قتله!! شوفوا لأي حد ..
و نقطة كمان مهمة .. من أوجه عقوق الوالدين تأخير مطالبهم إلى ما يتضجروا .. يعني الأب أو الأم ينادوا : ياولد ،سوي لي أو يا بنت افعلي لي و الولد أو البنت ما على لسانهم إلا : طيب طيب إلى ما يطفش الأب أو الأم و يقولوا ليتنا قمنا بنفسنا!
هذا من العقوق ..

بس.. هذي من النقاط اللي علقت في بالي و حبيت أفيدكم بها .

أنتظر تفاعلكم ..
تحياتي ..