لرفع المعدل

[سعد التويمي]

السلام عليكم ورحمة الله وبركاتة

اخواني انا قربت اتخرج وابي ارفع المعدل , هل فيه امكانية اعيد المواد اللي جبت فيها تقدير مقبول وارفعها بحيث المعدل يرتفع او ما اقدر , والله ياليت لو فيه لأن باقي لي شي بسيط عشان اوصل 3.75

اللي عنده خبر ياليت يفيدنا الله يجزاه خير

[عبدالعزيز البهلولي]

لا أخوي ماتقدر تعيد المواد للاسف

كم معدلك وكم عدد الساعات المجتازه ..؟

[سعد التويمي]

معدلي الحالي 3.47 , وباقي لي 23 ساعة وما ادري هل يمديني اوصل 3.75 او لا

مع العلم ان 23 ساعة هذي ثلاث مواد متطلب ( ثقافة 4 + إدارة إستراتيجية mrk +تدريب تعاوني ) , والباقي الـ 15 كلها اختيارية وحرة
ومدري هل يمدي اوصله 3.75 او لا

[عبدالعزيز البهلولي]

يمديك بإذن الله بس ماتجب اقل b او +b

يعني باختصار تشد حيلك عالاخر
واذا تبي تجيب نتايج ترفع معدلك خذ بنصيحتي وقبل النصايح اول شي تسأل الله التوفيق وان الله يرزقك بنتايج تسر خاطرك (انا كنت اخذ عمره قبل الاختبارات )
النصايح :
1 تطبع سلايدات المواد
2 تتابع محاضرات السنترا كامله وتركز فكلللل كلمه يقولها دكتور الماده وتكتبها
3 تذاكر السلايدات وتحفضها زي اسمك وتذاكر الماده من قبل الاختبارات الماده مرتين وتراجع ليلة الاختبار مراجعة حفظ
4 لاتضغط على نفسك في المواد يعني نزل الصيفي 3 مواد والباقي الفصل الدراسي الاول
( اقسم بالله العلي العضيم اني اتبعت هذي الخطوات وكان توكلي على الله قبل كل شي وارتفع معدي من 3.53 الى 4.13 بس كان عدد ساعاتي المتبقيه قريب 50 ساعه بس انت لو اتبعت هالخطوات بالراحه توصل 3.75 )

وفالك التوفيق

[محمد ابو معاذ]

المشاركة الأصلية كتبت بواسطة عبدالعزيز البهلولي يمديك بإذن الله بس ماتجب اقل b او +b يعني باختصار تشد حيلك عالاخر واذا تبي تجيب نتايج ترفع معدلك خذ بنصيحتي وقبل النصايح اول شي تسأل الله التوفيق وان الله يرزقك بنتايج تسر خاطرك (انا كنت اخذ عمره قبل الاختبارات ) النصايح : 1 تطبع سلايدات المواد 2 تتابع محاضرات السنترا كامله وتركز فكلللل كلمه يقولها دكتور الماده وتكتبها 3 تذاكر السلايدات وتحفضها زي اسمك وتذاكر الماده من قبل الاختبارات الماده مرتين وتراجع ليلة الاختبار مراجعة حفظ 4 لاتضغط على نفسك في المواد يعني نزل الصيفي 3 مواد والباقي الفصل الدراسي الاول ( اقسم بالله العلي العضيم اني اتبعت هذي الخطوات وكان توكلي على الله قبل كل شي وارتفع معدي من 3.53 الى 4.13 بس كان عدد ساعاتي المتبقيه قريب 50 ساعه بس انت لو اتبعت هالخطوات بالراحه توصل 3.75 ) وفالك التوفيق

اضافة لكلام اخوي عبد العزيز ترا الجاي كله اسهل من الي راح يعني تطمن اذا شديت حيلك بتوصل للاربعه ان شاء الله.
ولك علي دعوه بظهر الغيب .

[سعد التويمي]

اخوي عبدالعزيز واخوي ابو معاذ والله ما ادري كيف اشكركم على دعمكم لي والله انها كانت علي هم , الله يفرج لكم كل هم وتشوفونها قدامكم يارب

اخوي عبدالعزيز ياليت اتواصل معك على الخاص عشان موضوع السنترا لو تكرمت ولا يهون ابو معاذ

[عبدالعزيز عبدالرحمن]

الكلام اللي فوق غير صحيح

انت مخلص 105 ساعه

إذا تبي توصل معدلك 3.74 كحد أقصى وليس 3.75 لازم تجيب في كل المواد الباقيه a+

وعند طريقه ثانيه: انك تأجل المواد الاجبارية و تنزل مواد حره اكثر من المطلوب عليك يعني تأخذ ساعات اكثر..

[عبدالعزيز البهلولي]

اخوي عبدالعزيز تراك حطمت الادمي

باذن الله يمديه واحد من الزملا وضعه زي وضع الاخ سعد ورفع معدله وتخرج معي هالترم

[عبدالعزيز عبدالرحمن]

يشهد الله اني مابي احطمه بس مو صحيح اللي نكتب فوق!!

ماراح يرتفع المعدل 28 شرطه وهو باقي له 23 ساعة على التخرج!!! ..وانا عطيته الحل اللي يوصل للمعدل اللي هو يبيه:

يأجل المواد الاجباريةويأخذ مواد حرة عشان يقدر يرفع المعدل