هل اقدر اعيد السنه التحضيريه ؟؟!

[waeldinho]

السلام عليكم ورحمة الله وبركاته

اخواني واخواتي اعضاء منتدى جامعة الملك عبد العزيز اتمنى ان تكونو في تمام الصحه والعافيه ,,

انا حصلت لي ظروف وما قدرت اجيب معدلات حلوه عشان اقدر اختار تخصص جيد

والسؤال هنا موجه الى ذوي الخبره

في مجال اقدر اعيد السنه التحضيريه ولا خلاص راحت علي وادور شي جديد ؟؟؟؟

اتمنى انكم تفيدوني والله يوفقكم ...

[غوالي.]

اخوي افضل شي انك تسأل العماده عشان تتأكد

[The golden girl]

أتوقع واللهـ أعلم

تسحب وترجع تقدم من جديد السنهـ الجايهـ زيكـ زي طلاب الثااانوي

[رياح الشمال]

انا ودي اعيد الفيزياء في الترم الصيفي اقدر والا لا

[smash brain]

نعم تقدر تعيد السنة التحضيرية وكأنك طالب جديد

بس عندي سؤال لقافة : كم معدلك ؟

[M!ss 5o05a]

اتوقع تقدر تعيد ..

بتقديم جديد يعني تختبر قدرآت وتحصيلي السنه دي وتسحب ملفك وتقدم تاني ..

الله ييســر لك دربك.

ريآآح شماليه ..

لو انتي حامله الماده رآح تاخديها صيفي بس ماتعتبر اعاده

أمآ لو ماحملتيها بس تبغي تحسني درجتك مآأتوقع تقدري

[smash brain]

يقدر يعيد السنة بدون مايختبر قدرات وتحصيلي

[dark UNI]

تقدر تعيد بس مدري في شي يبغالك تتاكد فيه .. انو ما يسجلو ف شهادتك منسحب و كمان شي انو لازم لانو في شرط كان السنة الماضية قعدلي شوية مع انو جاي من جامعة تانية الشرط هو انو يكون ساحب ملفك قبل 3 شهور ...

ف احسن شي انو تروح العمادة هما يقدر يفتولكـ ... !!

تحياااااااااتي !!

[AnoOosa NoOoSa]

ايـــوة تقــدر تســحب مـــلفك
وترجع تقدم من جديد عن طريق الأودس
بس لازم تتاكد وتروح للعمادة انو موعد السحب ماخـــلص
بالتوفيق

[3Moree]

يب ياعسل تقدر وكمان انا كنت في العماده قبل اسبوع قلت لهم عندي حرمان في ماده ابغى اعيد الترم الثاني قالوا قدم عذر ويشوفه الرئيس وإن شاء الله تعيده بالصيف كانه ترم صيفي الله يوفق الجميع