الانقلش في التربية

[butterfly pink]

السلااام عليكم









كيفكم؟؟





بناااات كيف تخصص الانجلش عندكم يعني اسهل من الجاامعة واللي ما عندهاا لغة كتير ماتقدري تمشي فيلوو
ياليت كل وحدة تكتب تجربتهااا
لانو انا ف الجامعة وبحول للكلية اللي ف الفيصلية عشاان اقررب
استنى ردودكم

[MS.Fabulous]

مرحبا
التخصص حلو وممتع مرررررررررره
بس لازم يكون عندك خلفيه للغه عشان تمشي فيه
وبالعكس مو اصعب من الجامعه اصلا نفس المواد والخطه
والاستاذات عسل ماشاء الله
بس انتبهي تغير مسمى الكليه وماصارت التربيه والشهاده مو تربويه يعني لو تبغي تدريس زي الجامعه لازم تاخذي دبلوم تربوي وصار المسمى الجديد (كليه الاداب)لكل التخصصات ماعدا الانجليزي المسمى حقه (اللغات والترجمه)بس لسه مافتحو لنا الترجمه بس فيه لغويات يارب يفتحو الترجمه السنه الجايه
بالتوفيق ياعسل في اي تخصص

[butterfly pink]

انتي قصدك الكلية اللي عند السووور تغير مسمااهاا

[MS.Fabulous]

ايوه
اللي عند السور
وفي كمان كليتين 2 (كليه العلوم)
و(كليه التربيه) وفيها (قسم التربيه الخاصه) وتخصصاتها الاخرى لم تحدد بعد

[butterfly pink]

(كليه العلوم)
و(كليه التربيه)
فين مكااانهاااا ؟؟


ياااليت تقوليلي كيف طورتي اللغة عندك؟
وانتي لما دخلتي كونتي فااهمة الانجلش كتيررر
لو عندك كتب قصص او رواياات عربي وانجلش ياليت تديني اسمهاااا

[MS.Fabulous]

مرحبا أيوه كليه العلوم وكليه التربيه الجديده اللي فيها تربيه خاصه إلا الأن كلهم في الفيصليه اللي فيها سور
أنا الحمد لله كان عندي خلفيه كويسه عن اللغه والحمد لله ماشيه فيه تمام
وإذا رحتي في المنتدى قسم كليه الأداب قسم لغات أوربيه راح تلاقي في المواضيع المثبته حتلاقي مواضيع مفيده
زي مجموعه كورسات عن اللغه وكمان في موضوع قصص مره مفيد
موفقه ياعسل
‏^‏_^

[butterfly pink]

يعني انتي درستي في معهد

[butterfly pink]

تعرفي بنااات كانو يفهمو بس مو كتير مشيوووا فيلوووو

[MS.Fabulous]

يب درست في معهد
وكمان اتفرج افلام ومسلسلات اجنبيه كثير عشان كذا
في بنات مو مره بالانجليزي بس كملوا وبعضهم حولوا من القسم
استخيري والله يوفقك يارب

[joudy Abbout]

هلا حبيبتي

واضح انك متخوفه وقلقانه

انا كنت ما افقه في الانجلش شي اعترف

وبصراحه ما اذاكر >> جاني تبلد بعد الثانوي الله اعلم اش سببه

وبصراحه القسم مررره حلو وممتع

ومايحتاج كثير خلفيه لو
1- شديتي حيييلك وذاكرتي اول باول وسألتي البنات والاستاذات

2- تقرأي قصص وتزوري موقع الجامعه تبع اللغات الاوربيه

عندهم مواضيع مساعده جدا

3- راجعي من النت القرامر والرايتنق وحاولي تكتبي كتير بالانجلش

ومو شرط معهد اعرف بنات طورورا نفسهم بالبيت

واستخيري قبل كل شي وصدقيني اللغه تنبني فيك وانتي ماتدري

والله يوفقك

هذي الروابط من المنتدى

هذا منتدى الجامعه http://www.skaau.com/vb/forumdisplay.php?f=74

بما اننا نفس المنهج ادخلي منتدى الملخصات والمواضيع اللميزه

هذا
فيه ملخصااات رائعه لكل المواد
http://www.skaau.com/vb/forumdisplay.php?f=96

وهذا موضوع جيد وممتاز للقصص
http://www.skaau.com/vb/showthread.php?t=226788

هذا الي عندي

وان شاء الله افدتك وقبل كل شي استخيري وبالتوفيق

واي شي احنا حاضرين