شرح قاعدات المستوى الثاني _عنوان مخالف! تم تعديله .

[الغدير]

السـلام عليكم اخباركم ان شاء اللـــه بخير ممكن احد يشرح قاعدات المستوى الثاني. وكل وانتم بخير.

[..عـ أنثى ـذوبة..]

إن شاء الله البنات يساااااااااااااااااااااعدوووووووووووكي ..

[Esraa .MD]

اوكي ابشري حبدألك بالقاعدات الي في كتاب listening and speaking
اول قاعدة صفحة 14
1- Deive Adjectives
اولا يقلك adjectives can come after the verb be
المقصود انه الصفة ممكن انها تجي بعد الفعل be الي هوا is او are زي هنا في المثال my job is tiring
is الي هوا الفعل be و tiring الصفة فمعناتو الصفة جات بعد الفعل be

تاني حاجة Adjectives can also come before a noun يعني الصفة ايضا ممكن تجي قبل الإسم
المثال يقول artists are creative people يعني الفنانين ناس مبدعين فهنا الcreative الي هوا الصفة جات قبل people الي هيا الاسم

تالت حاجة يقلك when a singular noun follows an adjective use (a) before the adjective if the adjective begins with a consonant sound
الكلام دا يعني لما يجي اسم مفرد يتبع الصفة والصفة هادي تبدأ بحرف ساكن نقوم نضيف a قبل الصفة زي هنا This isn't a high-paying job هنا paying job هوا الاسم و high هوا الصفة ويبدأ بحرف ساكن قمنا حطينا a قبل الhigh عشان الصفة ساكنة

رابع حاجة when a singular noun follows an adjective use(an) before the adjective begins with a vowel sound
هادي القاعدة شبيها بالي قبلها يعني ازا جانا اسم مفرد وكان يتبع صفة والصفة هادي تبدأ بحرف علة نقوم نحط an قبل الصفة
المثال يقول Peter has an unusual job والاسم هنا هوا job ومفرد طبعا و unusual هو الصفة و تبدأ بحرف علة الي هوا حرف الu فقمنا حطينا قبلها an عشنها بدأت بحرف علة

ان شاءلله يارب تكوني فهمتي مني انا مارضيت اكملك كل القاعدات الا ازا فهميت شرحي هادا اكملك اما ازا مافهمتي مني فبلاش اكمل لانه خفت اكمل وماتفهمي مني او مايعجبك شرحي فازا فهمتي مني قوليلي عشان اكملك

والله يوفقك يارب

[الغدير]

فهمت ياحياتي بس انا ابغي قاعدات يونيت 4و5و6 عشان الاختبار يوم الاربعاء ومــــــشــــــــكـــــوره

[Esraa .MD]

اوكي حاضر حفهمك نبدأ بسم الله الرحمن الرحيم unit 4 في كتاب الlistining and speaking صفحة 64
اولا قاعدة الpresent progressive
يقلك use the present progressive:-
to talk about an event that is happening now as you are speaking.
يعني يقلك استخدمي الحاضر التقدمي عشان نتكلم عن شي حصل او حدث حصل في الوقت هادا شي الان حصل
المثال يقول we are watching. والمثال التاني Mash'al and Mansoor are getting ready to sky surf.
المثال الاول استخدمنا الحاضر لانه شي حصل الان بيقول احنا بنتفرج والمثال التاني نفس الحاجة استخدمو الing عشان الشي دا بيحصل الان.

تاني حاجة to form the present progressive:-
use be + the base form of the verb+ ing

المقصود كيف تصيغي الpresent progressive
I am jumping/I'm jumping
He is falling/He's falling
They are sky surfing / They're sky surfing
هنا الI هيا الbe و jump هوا الفعل وضفنا ing عشان نبين انه الحدث دا صار الان دحين والصورة التانية I'm jumping نفس الشي مجرد اختصار
والمثال التاني is هيا الbe والfall هيا الفعل والing ضفناها عشان نقول انه الشي دا حصل الان
والمثال التالت نفس الطريقة انتي اجلسي مع نفسك واتكلمي قولي i'm ng i'm coming كدا اتخيلي نفسك بتسوي شي دحين وبتقولي علي

تالت حاجة to form negative :
add not after the be verb (notice the contractions)So..
المقصود هنا انه ازا نبا نتسخدم اسلوب النفي نضيف not لبعد الbe وnotice the contractions يعني لاحظي الإنكماش او كيف شكل النفي بعد مايختصرو لانه كتير بيلخبطو في فركزي في شكلو بعد الإختصار
I'am not doing gymnastics / I'm not doing gymnastics هنا ال i'm هيا ال be حطينا بعدها not حقت النفي وبعدها الفعل
He is not wearing a helmet / He isn't wearing a helmet نفس الطريقة حطينا الbe الي هيا الis وبعدها الnot وبعدين الفعل ولاحظي الإختصار شبكنا الis في الnot خليكي حافظة شي لما زي كدا تجي تبي تختصري وتنسي فين تحطي الفاصلة خليها في بالك الفاصلة بعد الn يعني not تقومي تقولي isn't دااائما الفاصلة دي حقت الاختصار في النفي بعد الn والt بعد الفاصلة يعني الn قبل الفاصلة والt بعد الفاصلة
They're not jumping / They aren't jumping نفس الحكاية حطينا الbe الي هيا الare وبعدها الnot حقت النفي وبعدين الفعل ولاحظي الإختصار شبكو الbe في الnot

رابع حاجة To form yes/no questions:
Use be + subject + base form of the verb + ing
يعني عشان تسوي صيغة السؤال بنعم او لا اول حاجة
are you sky surfing؟
is she smiling؟
حطينا ال is الي هيا الي be وبعدين الsubject الي هوا الshe وبعدين الفعل واضفنالو ing انتي كدا احفظيها مع نفسك اي سؤال في الحاضر جوابو نعم او لا ابدأو باال be

بعدين to form wh - questions :
use a wh- word at the beginning of the question
يعني لما نجي نبا نسئل سؤال يبدأ بwh زي what why where when
تقومي تستخدمي الwh اول الجملة
where are you going?
when is the plane talking off?
اول شي استخدمنا الwh في البداية وبعدها حطينا الbe الي هيا الis او الare بعدين كملنا باقي الجملة الي حابة تسئليها


والله يوفقك يارب وان شاءلله اكملك الباقي واتمنى انك تكوني فهمتي واذا مافهمتي شي عادي قولي