بيع وشراء الكتب >>خاص يالقانون

[المتره]

السلام عليكم ورحمة الله وبركاته

طبعاً المكتوب باين مين عنوانه

كل وحدة عندها كتب ولا تبغى كتب تحطها هنا ..

والعضوة إلي عندها هذي الكتب وتبغى تبيعها تكتبب سعرها الأصلي والسعر إلي تبغى تبيع به وحالة
الكتب؟


مين عندها (مو لازم كلها حتى لو كتاب ولا إثنين)

مبادئ قانون (وردة)

تجاري(سوزان)

أصول فقة (سوسن)

أحوال شخصية (آسية)

مدري يختلف الكتاب بإختلاف الدكتورة ولا لا؟؟؟

[Ano]

عذراً بس ليش بيع الكتب ؟!
كل الكتب الأكاديمية اللي ندرسها ودرسناها ، حنحتاجها وبكثير أوقات ، مو معقولة تبيعيه وبعدين
ترجعي تشتريه مرة ثانية لما تحتاجي معلومات معينة!
بس حبيت أنبهك ، يمكن غايبة عنك هالمعلومة

[بحر الحرية]

^^
جداااا مؤيد لرأيك..

والله أول ما شفت الموضوع في الظهر دخلت وكتبت تعليق عليه بعدين مسحته قلت عشان لا نخرب سوق البيع والشراء

يعني بجد ترا الكتب والله تفيدكم كثير، خصوصا في الربط بين المواد، لأنكم الآن في التخصص، يمكن لو كتب زي كتب السنة التحضيرية أو كتب خارج التخصص يمكن نستغني عنها، لكن الكتب التخصصية كيف تشتروها وترجعوا تبيعوها؟!

على فكرة ترى كتاب المبادئ يحتاجه طالب وطالبة الماجستير لمن يقدموا على البرنامج، وانتوا تبغوا تبيعوخ من دحين

نصيحة لا تبيعوا الكتب اللي تشتروها، بالعكس حافظوا عليها كتير، لأنها راح تكون لكم كمرجعية في الاستشهاد وفي الاستذكار وفي الربط بين المعلومات، وانتوا الآن داخل التخصص يعني..

وحتى في سوق العمل بإذن الله راح تنفعكم كتير، مافي كتاب ما منه فايدة!

بعدين كتب تخصص القانون مهي غالية مرة، تقدروا تشتروها من أول مكافأة، يمكن الكتب في الترم الواحد ما تعدي 300 ريال ويمكن أقل بكتييييير كماان..

لا تخلوا الجامعة مجرد حصول على شهادة وبس!!
قبل ما تبيعوا كتبكم فكروا كتيييييييير!

بالتوفيق للجميع يااارب؛؛