محتاجه مساعدتكم ارجوكم بخصوص مقاييس بحث في رسالة الماجستير !!

[Nahoolah } ~]

بسم الله الرحمن الرحيم ..

السلام عليكم ورحمة الله و بركاته ..

كيفكم ان شاء الله بخير حبايب البي ؟

انا جايتكم و حابة انكم تساعدوني في هذا الموضوع ..

عمي في الاردن بيحضر رسالة ماجستير فاتصل عليه و قالي انو يبغى مقاييس لبعض الاستبيانات كالآتي :

1 - مقياس اساليب التنشئة الاسرية من وجهة نظر الابناء , و يا ليت يكون مقنن على البيئة السعودية !

2 - مقياس آيزينك الصورة السعودية

و طبعا تكون كلها مع دليل التصحيح ..


انا وربي ماني فاهمه شيء من هالكلام وهو دق علي لانو محتاج مساعده و يبغى المعلومات من جامعة الملك عبد العزيز لانو حيسوي البحث و الاستبيان و خلاص ما باقي له الا هالترم و ياخذ الشهاده ..

و انا ماقدر اروح الجامعة و مادري ايش اسوي .. فقلت خليني اجي لقسم التحضيري اكلم الحبايب و الطيبين اللي ما راح يخذلوني و راح يساعدوني ان شاء الله !!

فاتمنى من كل قلبي ماحد يتجاهل الموضوع لانو بجد عمي قاعد يشتغل بشكل رهيب و خلاص قرب يخلص ..

اي شيء ممكن يسآآآعد اتمنى توفروه ..

و اذا احد يقدر يكلم اي دكتور في الكلية تبع قسم علم النفس اكوون ممتنة له و راح ادعي له في صلاتي في ظهر الغيب ان ربي يوفقه دنيا و آخره !!

ارجو من المشرفين ترك الموضوع في هذا المنتدى لاني ابي اي طالب او طالبه يجيب لي المقاييس و يساعدني باقصى وقت ممكن و لان الطلاب هنا كثيرين ما شاء الله .. اتمنى اتمنى من المشرفين عدم حذفه !!

اختكم .

[Majed7]

وعليكم السلام ورحمــة الله ..


أختي كان ودي أساعدك بس ما فهمت المطلوب - اللي باللون الاحمر - .!

بانتظار احد يوضح هالكلام عشان نقدر نجاوب عليه :)

[Nahoolah } ~]

^

مآجد ..

يعني هو يبغى يسوي استبيان او استطلاع بمقاييس معينه ..

المقاييس هي هذي اللي باللون الاحمر ..

يعني لو تقول للدكتور مثلا هالكلام حيفهم اش المطلوب =)

و ان شاء الله احد يساعدني يارب !!

[خالد9921]

وعليكم السلام ورحمة الله وبركاته

صباح الخير
بالنسبه لعمك يا نهوله ايش يبغى بالضبط ؟!
هل يبغانا مثلا نشارك في عملية تصويت هو راح يسويها ؟
او يبغى احد يسوي له استماره وفيها المقاييس هاذي ؟
لاني ما فهمت من مقاييس الا انو اسئلة بالتصويت
وكل سؤال عليه فقرات أ .. ب .. ج الخ زي التصويت كثير .. متوسط .. نادر
فهاذي هيا المقاييس اللي انا فهمتها يمكن يكون فهمي غلط :/
يعني لازم يوضح هوا يبغانا نشارك بشي هوا مجهزه
واللي يبغى واحد يجيب له معلومات عشان يسويه سواء منا او من كلية معينه !!!

سويت سيرش عشان افهم
الموهيم طلع لي هذا اللينك يمكن يفيد
http://www.gulfkids.com/pdf/Ezenex.pdf

يمكن يبغى زي هذا من جامعتنا ويمكن تلقيه بالمكتبه او كلية الاداب

بالتوفيق

[Nahoolah } ~]

^
خالد ..

اقصد انو هو يبغى يسوي استبيان و هالاستبيان يكون مبني على المقاييس اللي انا طالبتها !!

هو باقي ماسوى اي شيء .. ينتظرني ارد عليه و انا قاعده ادور و تعبت و الله =(

يا ريت احد بيفيدني =(

[خالد9921]

و هالاستبيان يكون مبني على المقاييس اللي انا طالبتها !!

طبعا اللينك اللي اعطيتك هوا
فيه بحث ايش طوله وفيه مقاييس بجداول .. زي الكذب .. العصبية .. الانبساط
من البحث اللي بإسم الدكتورين اللي باللينك
وحسب الصورة السعوديه زي ماهو مكتوب وكل النت اظن مافي الا هذا لانو طلعت من سيرش بقوقل
بس هما من جامعة الملك سعود
شوفي وريه لازم توريه او تتصلي وتقولي له يبغى زي كذا ؟
ومدري يبغى بالذات من جامعتنا ؟! ما لقيت عالنت بصراحه
يمكن تلقيها بمكتبة الجامعه كتب فيها نفس الشي او كلية الاداب عندنا وعندكم
نزلي موضوع بكلية الاداب قسم علم النفس ... اظن راح يساعدوك اكثر

[يحَـــآٍــمَـ7ٍــوِن]

روحي لقسم يكون فيه مشاركين من كلية الطب .. عشان يفيدوك هنــآ كل شي حول التحضيري وكيمياء وأحياء ومدري شنو . يعني تتعبي ما تلاقي احد يفهمك .
< آسف ع المرور الشنيع . بس معصب شوي.: