استفسار ممكن الله يعطيكم العافيه ويوفقكم ..

[شـــاكــي زمـــانــة]

السلام عليكم ورحمة الله وبركاته وبعد .
اخواني انا منتسب وباقيلي ثمان مواد إن شاء الله واتخرج وحبيت استشيركم عن صعوبتها وسهولتها وكذلك كيف اسوي ثمان مواد يعني 24 ساعة هل انزل 3 مواد صيفي و 5 الترم الاول او اخلي الصيفي وانزل الترم الاول 4 و الترم الثاني 4 فتكفون يا اصدقائي وويا اخوياي ابي فزعتكم طبعً موادي هي كتالي :
1- انجليزي 101
2- انجليزي 102
3-تشريعات اجتماعية
4- الاسياسي
5- الجنائي
6- التربوي
7-الصناعي
8-التدريب العلمي (2)
فتكفون تكفوووون ابغاء نصيحتكم لي وتوزيع المواد عن اني خايف اني انزل شي في الصيفي واحمل منها مادة او مادتين ويطيح معدلي انتظر نصيحكم والله يوفقك ويخليكم لعيوون ترجيكم

[miss lulu]

وعليكم السلام ورحمة الله وبركاته ،،

شوف أخوي بما إنك حريص ع المعدل ليش ما توزع المواد على ترم صيفي وترم اول وتاني

ف الصيف ادرس انجليزي 101 وأخلص منها ولو حاب تضيف مادة أنا أشوف تختار على حسب الدكاترة اش بيدي ويكون تمام وأغلب الطلاب يمدحوه خد معاه ومبدئياً أرشح تدريب عملي 2

لا تاخد مواد دسمة مع الانجليزي لانو فهمت إن مستواك مش مره تمام فيه << معليش *_^


وبقية المواد قسمها ع السميستر الاول والتاني

إش يعني تزود ترم أهم شي تتخرج ومعدلك حلو ولا تجلس تضغط ع نفسك والمعدل ينزل

دي نصيحتي لك ^^

موفق ،،

[شـــاكــي زمـــانــة]

كلام صحيح يا miss lulu الله يعطيك العافيه بس ثلاث اترام للمنتسب وهي ثمان مواد بس توووووجع مصاريف ايجار ورسوم وقروشه والله يعين الا وش رائك اكنسل الصيفي واخليها الترم الاول 5 مواد والترم الثاني 3 مواد بس المشكله وش السهل في المواد الي عندي ووش الي احط للفصل الاول وللفصل الثاني ياليت الي عنده خبره يفيدني

[شـــاكــي زمـــانــة]

وين ردودكم يا اهل الفزعه

[أميـر بأخلاقي]

تبي آلعلم اللي يجمد على آلشارب
نزل ثلآث مواد فالصيفي وأنصحك تنزل
1/ انجليزي 101
2/ انجليزي 102
3/ علم الإجتماع آلسياسي

وآلترم الأول نزل خمس مواد


أهم شي ياشاكي زمانه يكون أنقليزي 101 و 102
في ترم وآحد لأن منهجها واحد ومواضيعها وحده
اللهم الأختلاف في موضوع أو موضوعين بالكثير
يعني مافيه فرق بين المقررين .

ويقول آلمثل ( أسئل مجرب ولآ تسأل دكتور )
أنا عديت انقليزي 101 و 102 صدقني مافيه فرق
بين المنهجين إلا في موضوع أو موضوعين .

أمير بأخلاقي

[وصايف العسيري]

هلا بك اخوي انا اشوف انك تاخذها الترم اول وثاني وبدون صيفي لان مثلك عارف صيف والواحد مو رايق للمذاكره والتركيز وحطها 4 مواد بترم و4 بترم وانصحك الانجليزي طويل ويبي له مدرس خصوصي اذا مستواك فيه نازل

[أم رهوفي]

شوف اخوي طبعا الترم الصيفي قصير وما يكون فية وقت كافي للمذاكرة فا الافضل تاخذ الترم الاول والترم الثاني وخذ الترم الاول 4مواد والخامسة انجليزي 101 لان الترم الاول طويل والترم الثاني مادتين والثالثة انجليزي وبا التوفيق ان شاء الله

[@الهاشميه@]

من رأي أنا انك تدرس في الترم الاول والثاني وتترك الصيفي حتى تدخل للدراسه بنفس

وتاخذ في كل سمستر 4 مواد ويكون في السمستر الاول انقلش 101 والسمستر الثاني تاخذ انقلش 102

واحب ابشرك ان الانقلش كلا المستويين سهلوهم وحذفوا منهم كثير انا درستهم في السنة التحضيريه قبل ليغيروه ويحذفوا شئ منه اما الان صار غير شكل

والي اعرفه انه انقلش 101 متطلب لانقلش 102 مدري هل هم ممكن تجمعهم في ترم واحد !!!!

موفق

[شـــاكــي زمـــانــة]

الله يعطيك العافيه على نصايحكم لي الله يوفقك دنياء واخره مشكوووورين

[مساهير]

انا انصحك تاخذ ترم صيفي 3 مواد
و5 مواد الترم الاول وتخرج وارتاح ،،،،