يابنات الدبلوم العالي الاتي من مكه تعالن رسمت لكن خطه مواصلات

[maryaa]

رسمت خطه ان شالله تعجبكن تتناسب محاضراتنا سوا
السبت :- 1-تخلف عقلي 2-توحد 3- بصري اتحملي 3 ساعات فاضيه 4- عوق سمعي تروح معاكم وترجع مع ابو سرهد 5-موهبه تروح مع ابو سرهد وترجع معاكم

الاحد :- 1-تخلف عقلي 2- بصري 3- توحد بالنسبه للتوحد تروح مع ابو سرهد وترجع معانا 4-صعوبات تعلم تروح مع ابو سرهد وترجع مع ابو سرهد
الاثنين :- 1-عوق سمعي 2-بصري 3- موهبه 4-تخلف عقلي 5-صعوبات تعلم
الثلاثاء :- 1-صعوبات تعلم 2- بصري 3- توحد 4-سمعي 5-موهبه تروح مع ابو سرهد وترجع مع ابو سرهد
الاربعاء :-1- صعوبات تعلم تروح مع ابو سرهد وترجع معانا 2- تخلف عقلي 3-بصري 4-عوق سمعي تروح مع ابو سرهد وترجع مع ابو سرهد

مع العلم ان ابو سرهد ياخذ اجار اليوم 70 ريال يالله يابنات نتفق ونجيب سواق خاص بنا صدقوني تتناسب معانا بس حنا مصعبين الامور

الي تروح مع ابو سرهد بالاسبوع
1- عوق سمعي مرتين بالاسبوع يعني 140 ريال
2- موهبه مرتين بالاسبوع يعني 140 ريال
3-توحد مره واحده 70 ريال
4- صعوبات تعلم مرتين بالاسبوع يعني 140 ريال

يالله يابنات نتفق ونجيب باص تقل التكلفه علينا ممكن على كل وحده تصبح المواصلات 500 ريال فكرن بالموضوع بجديه .

[" طيف "]

الله يجزاك خير اختي ويرزقك ربي

طيب اختى ابو سرهد ما يجي للباب لازم نجمع عند سوق الحجاز وهذا بالنسبه لي واللي معي مرة صعب

نبيه يجي للبيت ينفع ..

طيب انتي من وين لو من الشرايع نعدل جداولنا مع بعض ونصير نشوف شركة الفرحان قال اجيك للبيت اذا مجموعة

من نفس الحي والتوقيت ..

[maryaa]

انا عندي سواق خاص يوصل لتجمع الباصات بالحمرا لبنات الشرائع خصيصاً ويرجعك للشرائع عند العوده بس تكليمه قبل لاتوصلين مكه .
لان باقي الاحياء عند ابو سرهد باص صغير يجمع من الاحياء للباص الكبير
وكذا مشكلتنا انحلت يابنات

[" طيف "]

طيب اختى الباص الخاص ما يجي للبيت والله التجمع في مكان معين مرة صعب بالنسبه لي مافي احد يوديني

كلميه قولي له اهم مجموعة في الشرايع مايجي للبيت .. اديني رقمه اكلمه واتفق معه ..

[ام الدرتين]

الله يعين نشوف يوم السبت ايش حيسير
بس المشكله كيف يوم السبت نرجع الساعه ٤مع مين
خلاص راسي حينفجر من التفكير

[maryaa]

اختي الباص يجيك للبيت وبالرجعه يوصلك للبيت بس نبغا اكثر عدد وياليت نكون من الشرائع
انا بصراحه ماتفقت مع احد بس قالوا اذا تتجمعوا ندبر باص

[maryaa]

ابو سرهد يرجع الساعه 4.30 من الجامعه

[" طيف "]

طيب اختى انا معي دحين 2 صرنا 4 من الشرايع معك طيب الباص كم يبغى وحدة في باصات تتشرط اعداد محدودة

[maryaa]

عدد اربعه ممكن تكون على كل وحد 1200 اذا زاد العدد يكون احسن

[" طيف "]

موكانه مبالغ في المبلغ 1200 على ثلاث ايام في الاسبوع

شركة الفرحان مكلمته وحدة 700 ريال وانا كلمته قال ما اختلف معك اهو قال الاربعاء لام الدرتين تتصل عليه

انا بتصل عليه واشوف ايش يقول ..