التعليم الغير مجاني و مشاكله

[بااتك]

مسائكم أحلى من فاكهة لبنان
وأطيب من عطورات باريس
وأجمل من قطرات الندى بعد صباح ممطر

مقدمه

أنا أدري ان كل واحد فيكم الحين حاط صفحة الأودس هي الصفحه الرئيسيه .. وحاط صفحة المنتدى بالمفظله .. وينام وجواله على العام وكل ماجت رساله قام يطامر وهو يرتجف ويعد للعشره افتح الرساله ولالا ويمكن بعد يفتحها وهو مغمض << تطلع عاد الرساله عزيزي العميل لم يتم تسديد فاتورة جوالك تعرفون الجامعه الله يهديهم ماخلوا لنا دراهم نسدد جوالتنا

المهم نرجع لموضوعنا الي بالعنوان << الله يهديني شطحاتي واجد .. اللي يبيني اطلع له نتيجته الماده الوحده بألف ريال << صاير كني من أدارة الجامعه كل شي بفلوووس خخخخ

وطلاب الخطه (أ) لهم خصم 50 % علشان أنهم من نفس الخطه حقتي

الموضوع..

أخواني انا ملاحظ أن وضعنا مزري من ناحية الأهتمام بالطالب ماديا .. يعني صحيح ان هناك تقديم على الأعفاءت الدراسيه لكن هذا لا يكفي .. نريد مساواتنا بالتعليم الموازي وأعفائهم من الرسوم .. نريد أن يشملنا الأبتعاث الداخلي .. أو على الأقل أن نعفا من نصف التكلفه ونتحمل نحن النصف الأخير .. الكثير لا زالوا في بداية الطريق وأرهقتهم التكاليف ..

أنا ولله الحمد قادر ماديا الى حد ليس ببعيد ولكن هناك من لا يقدر .. والتكاليف مرتفعه خصوصا أننا لانريد من الجامعه سوا مقاعد للأختبارات .. نريد أن نستفيد من الرسوم في أحظار المدرسين الخصوصيين ..

الخلاصه

- كل شي بالجامعه بفلووس وأحقاقا للحق ألا أقلام الرصاص فكانوا يعيروننا أياها مؤقتا .. تبي النتيجه أشترك للجوال ,, تبي تختبر بديرتك أدفع فلوس ,, تبي الجدول ينزل أدفع رسوم .. تبي الكتب تجيك أدفع للمكتبه ,, والحسابه بتحسب << أنا لأريدها أن تكون مجانيه أريدها أن تكون معقوله ....

- الأبتعاث الداخلي نظام نسمع فيه ولا شفناه أتمنى أن نقطف ثماراته جميعا وأن لايكون حكرا على الأنتظام ..

- على كل تلك (العذاريب ) يازين جامعتنا زيناه ولكن نطمع بالافظل

تحياتي