ارجوا من الاخوان عامه ومن نواف خاصه الافاده ....

[200258]

مساء الخير ابي ارتب جدولي للترم الجاي إن شاء الله ومتخوف مما سمعته عن با خشوين الله يستر وما قصرت يانواف اعتمدت جدولك للترم الماضي الله يبيض وجهك بالنسبه للمواد المتبقيه المتاحه (علم الاجتماع الاقتصادي+التشريعات الاجتماعيه+الاسري+نصوص اجتماعيه+المشكلات الاجتماعيه+قاعة بحث+التدريب العملي (1) +اساليب الخدمه الاجتماعيه +التخطيطوالتنميه الاجتماعيه) هذا المتاح وايضا ثقافه4 مادتين حره افيدوني ولكم جزيل الشكر والعرفان ...

[abo-yazad]

أقتصادي ___منهجه سبع فصول بمراجعتك له تقول سهل تدخل الاختبار تشوف الاسئله تنجلط(دكتورها السبب) لكن مو صعبه مره عاد وهي متطلب للصناعي وانا أخذته يعني منت ملزوم تنزلها هالترم وكل ما أخرتها أحسن لك...!

تشريعات___ماده ممتعه لكن دكتورها أسئلته متعبه جداً__حالياً لا تنزلها دعها بأخر ترم لك

أسري___دكتورها جديد من هالسنه ولا اعرف عنه شئ

نصوص أجتماعيه ____ماده ممتعه ودكتورها رائع ونجاحك مضمون لو تبي هالشئ فيها فقط

مشكلات____ أعتبرها سهله نوعاً ما ودكتورها متعاون من تالي مع العلم أسئلته لازم تركز فيها كثير

قاعة بحث___ أحسنت ما فيها دكتورها جداً طيب لا من ناحية مراقبه بالاختبارات ولا من ناحية أسئلته بمواده

تدريب عملي1___منهجها طوووويل ومعلوماتها كثيره رغم انها ممتعه

اساليب___ منهجها كذلك طوووويل وتتشابه لحد كبير مع تدريب 1 يعني لا تجمع بينهم بترم واحد

تخطيط وتنميه___ اسهل من المشكلات ودكتورها بالدورات يحدد ولا يطلع عن تحديده أبد

_______________________

كل موادك اللي فوق ما لهم متطلب ولا يعتبرون متطلب لمواد آخرى(حسب المتبقي لك من مواد)

أنت حايس بجداولك السابقه كثير

الصبر لحد ما تعقد الدورات أمر ضروري جداً في إختيار المواد

موفق يا رب...