محتارة جدا اين اذهب .. " فستان الأحلام ينتظرني و لكن لا اعلم اين هو "

[ultraviolet]

في البداية
السلام عليكم و رحمة الله و بركاته
كيفكم صبايا .. إن شاء الله تمام
المهم
انا دحين من جدة و الصراحة مرررررررررررة محتارة ايش اخيط فستان لزواج شخص جدا جدا جدا مهم بالنسبة ليا
و الله امكن ليا شهرين و نص و انا بسسسسس " ادور على موديل "
بدي وحدة مصممة تفهم افكاري .. وحدة مصممة شباب و افكارها غريبة و حلوة و في نفس الوقت جريئة ..
انا دخت من كتر ما اروح هنا و هنا و في النهاية ما ارجع بشي لاسباب اهمها
1) الفستان حيكون سعره خيالي " مررررررررررة غالي و على ايه منتي دارية "
2) الخياطة معدومة
3) لا يوجد افكار و لا ذرة ابداع
الللللللللللللللللللللللللللللللللللللللله يخليكم يا بنات و يوفقكم اللي تعرف مصممة جيدة و قيدها سوت عندها قبل كدا و مضمونة الله يخليكم دلوني .. لاني و الله من جد محتاااااااااااااااارة
و لو سمحتو الزواج مرررررررة قرب ,, فعجلوا الله يخليكم

[me 4 islam]

آهلين
وعليكم السلام

اممممم

في المصمم احمد بدوي و زهرة اللوتس وكمان رميال في المساعديه
كمان في عدنان ابكربس حاليا ما اعرف فين فرعه الجديد
وزاكي عبود
انا جربتهم كلهم وكمان اخواتي بس عدنان ابكر مدحتلي هوا صحبتي

وع البركه :)

[ultraviolet]

شكرا عالرد
بس عدنان ابكر ؟ ما اعرفو .. هادا هنا في جدة ؟ و هل هو عندو محل و يخيط الفساتين و حتى الاقمشة من عندو و لا كيف ؟
طيب و باقي المحلات كلها تصمم و نفصل ؟
انا اعرف زاكي عبود بس مو هي ابداعها كلو في الرسم عالقماش ؟
انا ما بدي رسم .. انا بدي تصميم غريب يميل الى الروماني و فيلو كرستالات و ليس تطريز
كمان مو زاكي عبود اسعارها فوق شوية ؟
طيب سمعت عن واحد اسمو زهير ميرة ؟
اظنو هو هنا في جدة بس ما ادري فين محلو بالزبط .. اللي تعرف الله يخليها تقولي

[me 4 islam]

عدنان ابكر مدحتلي هوا صحبتي وبالتحديد مكانه ما آعرف وين

آحمد بدوي بيعملك فرعوني وفي استايل فرعوني عندوه لو طلبيته
وشغلو حلوو واذا تبي تجيبي القماش من عندك ما عندو مشاكل
او إذا تبي من عندو

زاكي اطلبيها بدون رسم وتعملك

رميال برضو زي حكاية زاكي عبود..زهرة اللوتس مررة نعوووم

غريبه تبي روماني !!..صممي حاجه ناعمه وشيك..لا تكثري شغل ع الفستان

وزهير ميره ما اعرفه ...اعرف زهير مراد

وبس

[ultraviolet]

شكرا قلبي يعطيك العافية
بس ممكن تقوليلي فين احصل رميال ؟
و ممكن لو سمحتي تسالي صحبتك عن عدنان ابكر فين مكانو ؟ عشان ارورحو
و لك مني كل الشكر

[me 4 islam]

اممم رميال في بوتيك وفي مصمم وكلهم في المساعديه قريب من آحمد بدوي

ودغاي يا قمر

:)

[a7la_lolo]

شوفي حبيبتي


تبغي فستان اوكي وحلو وسعره كمان حلو


روحي رهيد في فرع في المساعديه وفي فرع في الحفني



اممما اذا تبغي خياطه معقوله وسعرها معقول وترسملك موديل على كيف كيفك


وبصراحه موديلاتها وخياطتها نظيفه تقولي جاهز


مشغل النزهه المصممه اسمها ميشيل فلبينيه مره روعه بس برضو مو مره رخيصه


وإن شاء الله اكون افدتك

[ultraviolet]

الله يسعدكم كلكم يا me 4 islam & a7la_lolo
شكرا على مروركم و على النصايح
ان شالله اروح و اشوف اللي قلتولي عليه
بس ممكن تقوليلي فين دا مشغل النزهة ؟
و كمان انا عندي سؤال .... في احد يعرف مشغل " هبه جمال " اللي في كلام نواعم ؟
انا سمعت انو في المكرونة بس مني متاكدة ؟ و في احد جرب خيط عندها ؟ يعني كويسة و لا كيف ؟ و حتى تصاميمها كيف ؟
و شكرا مرة تانية لكل البنات الحلوين اللي يمروا و يدلوني على اماكن موثوق بيها

[a7la_lolo]

ياقلبي دا مشغل النزهه في حي النزهه


<<< لا ياشيخه؟؟ جبتيها ههههههه


لا عن جد في حي النزهه قريب من مركز جده للمعارض

واذا تبغي رقمهم راسليني ع الخاص


إن شاء الله اكون افدتك

[ultraviolet]

شكرا يعطيكي العافية يا a7la_lolo ما قصرت و الله