توجيه وارشاد طالبات القصيم ابيكم بموضوع ضروري بخصوص مواعيد الدوام

[jodiz]

السلام عليكم

بدخل بالموضوع على طول

اليوم الصباح كلمت استاذه اريج وقالت لي انو الدوام الاربعاء يبدا 3 العصر وينتهي 1 بالليل
والخميس يبدا 8 الصباح وينتهي 5 العصر

طيب على كيذا بننضغط بين اليومين لانك تخلصين 1 بالليل و تبدا محاضرة اليوم الثاني 8 الصباح

من الساعه 1 لين الساعه 8 مافي بينهم الا 6 ساعات
تطلعين 1 على ماتوصلين البيت الا الساعه 1 ونص او 2 على حسب السايق اذا تأخر
بترتاحين شوي يعني اذا مستعجله بتنامين 2 ونص او 3
وضروري تصحين قبل المحاضره بساعه اذا انتي قريبه من الجامعه وساعتين اذا كنتي بعيده
يعني تقريبا مايمدين تنامين الا 3 ساعات او 4 بالكثير

مرررررررره ارهاق

وهذا غير اذا كان عندك اختبار الخميس اوك بتذاكرين من قبل
بس تحتاجين ترتاحين قبل الاختبار وتراجعين الوقت ماراح يكفيك


المهم انا طولت عليكم بالكلام بس حبيت اشرح الوضع بالتفصيل عشان تعرفون ايش قصدي
انا قلت لاستاذه اريج كذا مره ضغط علينا ليش ماتخلون دوام الخميس يبدا الساعه 5 العصر بنفس وقت دوام الاربعاء عشان يصير معنا وقت .. قالت اوك كلمي زميلاتك وتناقشو مع الدكتوره خديجه احتمال تقتنع ويعدلون لكم الوضع


الحين ابي رايكم بالموضوع

واسفه ع الاطاله

[البارونه23]

هل اختي واشكرك على الموضوع
لكن التفاهم على موعد المحاضرات يكون بعد اجتماع جميع الزميلات لان الجميع مو معنا هنا
ولا تنسبن انا فيه من يجي من برا القصيم مثلي انا
اجي من الرياض

[jodiz]

المشاركة الأصلية كتبت بواسطة البارونه23 هل اختي واشكرك على الموضوع لكن التفاهم على موعد المحاضرات يكون بعد اجتماع جميع الزميلات لان الجميع مو معنا هنا ولا تنسبن انا فيه من يجي من برا القصيم مثلي انا اجي من الرياض

ايوه هذا اللي اقصده انا انو اذا الكل اتفق معاي ننقاشهم بالموضوع

حتى انا من برا القصيم راح اجي كل يوم اربعاء والطريق 3 ساعات ونص

ان شاءالله يتفهمون وضعنا

[عمري الخالد]

اهلين بنات : انا من شفت الجدول وانا مو مصدقه حسيت ان الوقت فيه خطأ
ضغغغغغط بقوه
يعني اللي تداوم ,, كيف وضعها ؟
العقل اصلا اكثر من اربع ساعات يوقف عن الاستيعاب كيف 10 ساعات ؟؟؟
اجتمااااااااااااع طارئ o_o

[وهج الحلوه]

مساء الخير انا اداره تربويه لكن وضعنا نفس وضعكم مع اني من برا القصيم لكن كذا من جد ضغط بقوه يعني انا اجي مع زوجي وولدي معقوله بترك ولدي يومين بالشقه كذا وولدي رضيع ؟؟؟؟مشكله صراحه

[البارونه23]

على العموم الجدول لازم يكون مضغوط لانه مره كل اسبوعين فيادوب يلحقو الدكتورات على المحاضرات
واللي سمعته انهم انفسهم يتعبون ويقللو الوقت
فلا نكون من بدايتها نعترض خاصه مع دكتوره خديجه لانها انسانه مرررررررررررره جاده حسب ماقريت عنها
ومن اول محاضره اعطت بنات جده واجب
اهم شي بصراحه نعين لنا منسقه تكون تتكلم بأسمنا وترتب امورنا وتبلغنا دايم عن كل جديد

[jodiz]

المشاركة الأصلية كتبت بواسطة البارونه23 على العموم الجدول لازم يكون مضغوط لانه مره كل اسبوعين فيادوب يلحقو الدكتورات على المحاضرات واللي سمعته انهم انفسهم يتعبون ويقللو الوقت فلا نكون من بدايتها نعترض خاصه مع دكتوره خديجه لانها انسانه مرررررررررررره جاده حسب ماقريت عنها ومن اول محاضره اعطت بنات جده واجب اهم شي بصراحه نعين لنا منسقه تكون تتكلم بأسمنا وترتب امورنا وتبلغنا دايم عن كل جديد

حتى انا سمعت عنها هذا الكلام بس ان شاءالله تصير متفهمه
تدرين وين المشكله بس
اكيد لازم يكون الوقت مضغوط
بس ليش مايخلون الخميس نفس وقت الاربعاء
انا اقصد الوقت بين نهاية محاضرات الاربعاء وبداية محاضرات الخميس مره ضيق
لو كان يبدا نفس وقت الاربعاء يعني يوحدون التوقيت كان يصير شي مرررره جميل

[البارونه23]

الله يكتب اللي فيه الخير
jodiz بسألك حصلتي شقق او فندق جنب الجامعه لاني لسي ابحث ةماني عارفه وين بسكن

[Faha22d]

صعبه جدا تغير الوقت لان الاساتذه والطلاب مرتبطين بحجوزات طيران الخميس بالليل

[ام داليا]

ممكن نبدأ 10 الصباح ونخلص مثلا 7
كذا احلى
بس نداوم 3 ونطلع 1 يوم الخميسً كمان صعبة