إستفسارات عن الترم الصيفي .. ومواد محروم منها !!

[another1]

السلام عليكم .. كيفك يا طلاب / طالبات جامعتنا الموقرة ؟ .... أحبكم

<< يلمح يبغى إجابات سريعة

أنا دحين بثاني مستوى تحضيري .. المستوى الأول عندي مادتين راسب فيها وحده نمت عن الاختبار النهائي والثانية جبت 100% بس الدكتور ضلمني ورسبني لا تصدقوا .. رسبت فيها المهم ..

فأكيد على اللي سمعته انه راح تنزلّي المادتين في الترم الصيفي ؟ وما ادري تنزل دايركت والا لازم أسوي تقديم عليها وأقدم معاملة للبلدية وأستنى الموافقة .. ويمكن يطلبوا شهود عيان

المشكلة مو هنا ؟!
المشكلة إني مخربها يعني غياب عندي بالجملة والإنجليزي هذا ما أدري فين يدرسوا في أي مبنى ؟؟ هو لسه بمنى 30 والا مبنى 73 أمممممم ( شكلو معلوماتي قديمة ! ) ما علينا فأكيد أنه عندي حرمان في مواد كثيرة .. ومدرس الحاسب قللي " بآي بآي " ودكتور الثقافة الاسلامية قالي جيب عذر وننظر في أمرك ! .. أما المواد الثانية حدث ولا حرج .. يعني بالعربي ماشي بالبركة .. دعواتكم الحلوة يا حلوين

هذا الكلام كله اللي فوق كان المشكلة ! نجي دحين للأسئلة ! جاهزين ؟
are you ready ?

طيب دحين إلى حد كم ينزلولي مواد في الترم الصيفي ؟ يعني لو رسبت هالترم بمادتين تصير المجموع 4 مواد .. يعني كلها تنزلي في الترم 4 مواد ؟ طيب لو كانت أكثر مثلا 4 مواد دحين مع 2 اول يعني كلها 6 وإحتمال أكثر كمان !!! فإيش يصير هنا ؟؟ يعني خايف يطردوني لا قدر الله ..

السؤال الثالث
معدلي كان الترم الأول 2.69 على ما أعتقد .. فلازم دحين كم أجيب معدل عشان أعدي أو على الأقل عشان تنزلي مواد أدرسها بالصيف ؟

كمان معليش سؤوال أخير آآآآآد كدا أهو !
هل كل المواد ممكن تنزل ترم صيفي ؟ والا لازم أشد حيلي وأخلصها من دحين اللي ما تنزل ترم صيفي ؟!

وأي سؤوال إحنا حاظرين ..خذو راحتكم البيت بيتكم .. << خير ؟

منتظركم يا حبيباني

[another1]

وبما أنكم تأخرتوا عليا في الرد .. بأجاوب نفسي بنفسي

أمزح

عندي سؤال ثاني .. طبعا كل ما تتأخروا عليا بالإجابة راح ينزل سؤوال جديد .. ما تقولوا ما علمتنا

دحين لو لا قدر الله انتهي الترم الصيفي وكمان شايل مواد معايا << مافي فايدة .. سمعت إنو فيه الترم الجاي مجال أكمل المواد اللي عليا .. يعني يصير 4 أترام تحضيري .. 3 أساسية و 1 صيفي ؟ فهمتوا شيء ؟؟

يعني لو كمان حملت معاي مواد ودرستها في الترم الصيفي .. وكمان ما نجحت فيها .. السؤوال : أقدر أشيلها كمان للترم الأول في السنة الجاية إن الله أحيانا ( يالله حسن الخاتمة .. إحم إحم ) .. وكمان مثلا لو طلعت كل المواد اللي شايلها بعد هذا الترم كثيرة .. يعني مثلا 6 مواد .. شايل 2 من الترم الأول و4 من الترم الثاني .. السؤال : أقدر أدرس مثلا 3 مواد صيفي و 3 مواد في الترم الأول السنة الجاية ؟؟

<<<< جامعة أبوك وأنا ما أدري

يا حبايبي لا تزعلوا علي .. والله إني أحبكم ومالي غيركم يجاوب على أسئلتي هذه .. والا لو ما جاوبتوا علي بالله قولولي فين أروح ؟ << يقطع القلب ؟

دحين الساعة 7 الصباح .. بأنام وما أبغى أصحى الظهر إلى والإجابات متروسة ورا بعض (:

<< منحرج منكم والله .. أووخص يا مرهف الحس إنت

[فرفوووشة]

انصحك في الاسئله دي لا تاخد الجواب الا من عمادة القبول والتسجيل
لاننا نسمع مليون خبر والكلام الاكيد عند العمادة ( الي سمعتو انو مافي فصل صيفي تدرس المواد الي رسبت فيها في الترم الاول السنه الجايه والترم الي بعدو تتخصص)وناس قالوا العكس فاحسلك تروح هناك وتسأل مسؤول كبير مو اي احد عشان تتاكد من الجواب
بالنسبه للمواد لو كانوا 6عادي زي مانت دحين تدرس 6مواد ادرسها كلها صيفي وجهة نظري
سوري طولت:)))
الله يوفقك شد حيلك في باقي المواد

[another1]

شكرا فرفوشة .. أممممم هو أنا أدري فين العمادة حقتهم .. !
وبالنسبة للمواد لو كانت 6 المشكلة مو في إني أدرسها كلها سهلة أو صعبة .. عادي ما عندي مشكلة أدرسها كلها سواء في الترم الصيفي أو الترم الاول السنة الجاية .. لكن ما أدري لو كانت 6 مواد راسب فيها 2 حاملها من الترم الاول و4 من الترم الثاني .. السؤوال هنا .. هل يعطوني فرصة أدرسها مرة ثانية ؟ والا لإنها كثيرة يقولولي مع السلامة إمسك الباب ؟ يعني هل في حد معين لعدد المواد اللي أحملها من السنة التحضيرية والا المجال مفتوح ؟!

ويعطيكي العافية .. إلهي يوفقك يا رب

وبإنتظار الأعضاء الباقين لو أحد عنده أي معلومة يفيدنا فيها .. لإني والله أنزل المدينة خط ولا أروح العمادة !
<< عنده عقدة منهم ):

I`m wating for you ..

[[uni girl]]

معليش والله بس حالتك صعبه مررررررررررررررره
انت مره مره في خطر
خلاص شوي وتنفصل
وتودع الجامعه
ما ابغى احطمك بس والله حالتك مستعصيه
وانا اللي اعرفة اذا خلص الصيفي وانت عليك مواد تنفصل<<وانت كلامك يقول انك ناوي تشيل مواد في الصيف
وزي ما قالت اخت فرفوشه
روح العماده اضمن لك
وكمان حاجه شد حيلك شوي
لان اذا انفصلت ما يفيدك الندم

[manar7000]

شوف انا رسبت في ماده زيي زيك ولمن رحت سألت في بداية الترم قالو لي ما نعرف شي

وبعد ما سار لقاء مع العميده ,, فسألتها فيه ترم صيفي ؟ قالت : ايوه للي حاملين مواد

فسألتها صاحبتي : طيب لو رسبنا في الصيفي ؟ قالت عليكم العوض ,, يعني باي باي ؟

[فرفوووشة]

المشاركة الأصلية كتبت بواسطة another1 شكرا فرفوشة .. أممممم هو أنا أدري فين العمادة حقتهم .. ! وبالنسبة للمواد لو كانت 6 المشكلة مو في إني أدرسها كلها سهلة أو صعبة .. عادي ما عندي مشكلة أدرسها كلها سواء في الترم الصيفي أو الترم الاول السنة الجاية .. لكن ما أدري لو كانت 6 مواد راسب فيها 2 حاملها من الترم الاول و4 من الترم الثاني .. السؤوال هنا .. هل يعطوني فرصة أدرسها مرة ثانية ؟ والا لإنها كثيرة يقولولي مع السلامة إمسك الباب ؟ يعني هل في حد معين لعدد المواد اللي أحملها من السنة التحضيرية والا المجال مفتوح ؟! ويعطيكي العافية .. إلهي يوفقك يا رب وبإنتظار الأعضاء الباقين لو أحد عنده أي معلومة يفيدنا فيها .. لإني والله أنزل المدينة خط ولا أروح العمادة ! << عنده عقدة منهم ): I`m wating for you ..

طيب شوف بما انو لسه بس اختبار واحد راح عليك
حاول تشوف المواد الي حرموك منها وجيب اعذار طبيه من مستشفيات او اعذار من ولي الامر سافرت رحت اي حاجه
وخليهم يشيلو الغيابات وابدا صفحه جديده وكانك دوبك تبدا
مافي حل غيرو
وانا ماعرف والله لو المواد كثيره بالنسبه للرسوب او لا:((((((
الله يوفقك ويفرج همك يا رب
لا تيأس كمل باقي المواد وربك يحلها

[another1]

شكرا يا شباب ( أقصد يا بنات (: )

خوفتوني والله .. يعني ممكن عادي يقولولي " باي باي " ؟!!
وأنا عارف والله إنه حالتي مرررة صعبة خصوصا بعد الاسبوع الاجازة كمان مرضت وما داومت اسبوع كامل

يعني بكره السبت بروح وأشوف إيش يصير .. بأعتذر بأعذار واهية ! وإذا لزّم الدكتور بأقوله أجيب لك عذر طبي .. وأروح أدبر نفسي بعدين ..

السؤوال الكبير اللي يطرح نفسه كم مادة ممكن تنزل ترم صيفي .. يعني لو وصلت مثلا المواد اللي محروم منها واللي شايلها 5 مواد مثلا أو 6 مواد .. معقولة تنزل لي ترم صيفي كلها ؟؟
وإذا ما تنزل هل معقولة بيقلولي مع السلامة إنت موادك كثيرة وما تنزل لك ترم صيفي ويفصلوني ؟؟!
لاز أعرف عشان لو بيفصلوني أروح أسحب ملفي أنا دحين أحسن بدال ما يجيني طي قيد وبعدين ولا جامعة تقبلني ..

عموما أشكركم لتفاعلكم والله يوفقكم وييسرها لكم وتعدي السنة دي على خير لنا ولكم يآرب

[سمووي 1989]

والله انت مره معدوم روح اسحب ملفك احسن ترى والله ماعندهم لعب بالعكس يبغو يتخلصو من الطلاب
فيه زحمه فانتبه كثيرين كانو معاي في الترم الاول انشاتو ولا عاد شفناهم !!

[فرفوووشة]

تفائل بالخير
وما اعتقد ابدا في عدد معين للمواد الي رسبت فيها
حتى لو كلها المهم تنجح فيها بالترم الصيفي
يعني لو قبلوا اعذارك واختبرت عادي كمل الي تقدر عليه وإن شاء الله مايضيع لك تعب
بس لا تطنش وتقول هيا خربانه:))))
صاحباتي نص الترم ماحضروه وجابولهم اعذار طبيه وقبلوها عادي
حاول ماتخسر