استفسار بخصوص القبول في جامعة الملك عبدالعزيز انتظام

[بسمة الكووون]

السلام عليكم ورحمة الله وبركاته
انا طالبة في جامعة ام القرى سنة تحضيرية طبية طموحي ادخل طب وجراحة خلصت السنة التحضيرية وخصصوني ليلة عيد الفطر في طب المختبرات وانا ما ابغاه فسحبت ملفي من جامعة ام القرى وللاسف الجامعت كلها انتهى تسجيلها فقررت اجلس هالسنة في البيت واقدم السنة الجاية على جامعة عزوز بس عندي استفسارات
1- شهادتي الثانوية مختوم عليها من ورى اني من جامعة ام القرى ولما جيت اسحب ملفي كنت ابغى اخذ ورقة الانسحاب الاصل بس الجامعة رفضت فاخذت صورة منها هل حيكون فيه مشكلة لما اجي اقدم والشهادة مختومة من ام القرى؟؟؟؟
2- انا متخرجة من الثانوي من دفعة 1432 هجري يعني شهادة الثانوي مضى عليها سنتين لما اجي اقدم هل ياثر على موضوع قبولي في الجامعة ولا لا؟؟؟
3-هل حيكون فيه افضلية للبنات اللي يتخرجوا من الثانوي مباشرة ويقدموا على جامعة عزوز مقارنة بيا ولا ما حتفرق يعني اهم شي النسبة المركبة ولا الدفعة الجدد المتخرجات حديثا؟؟؟
4- هل اقدر ادخل طب وجراحة في جامعة عزوز ولا لا لاني حكون من دفعة 1432 هجري يعني هل ياثر على موضوع دخولي للطب والجراحة ولا لا؟؟؟

معليش كثرت اسئلة بس وربي خايفة اتمنى اي احد يجاوبني

وشكرا...

[حيــــــاة]

وعليكم السلام ورحمة الله وبركاته

بخصوص ورقة الانسحاب للأسف ماعندي علم ،،

اما بما انك خريجة 32 فعادي اطمني من هالناحية لانه عندك فرصة تنقبلي في الجامعه طالما ماعدى على تخرجك 3 سنوات.

ومافي فرث في القبول عن الخريج القديم والخريج الجديد ،، الي يحدد قبولك هو موزونك فقط ،
والتخصص كمان مو مشكلة طالما معدلك في التحضيري يسمح بدخولك الطب.

اتمنى اني افدتك ويفيدوكي غيري بالي ما اعرفه

موفقه ، الله يحقق احلامك : )

[بسمة الكووون]

المشاركة الأصلية كتبت بواسطة حيــــــاة وعليكم السلام ورحمة الله وبركاته بخصوص ورقة الانسحاب للأسف ماعندي علم ،، اما بما انك خريجة 32 فعادي اطمني من هالناحية لانه عندك فرصة تنقبلي في الجامعه طالما ماعدى على تخرجك 3 سنوات. ومافي فرث في القبول عن الخريج القديم والخريج الجديد ،، الي يحدد قبولك هو موزونك فقط ، والتخصص كمان مو مشكلة طالما معدلك في التحضيري يسمح بدخولك الطب. اتمنى اني افدتك ويفيدوكي غيري بالي ما اعرفه موفقه ، الله يحقق احلامك : )

شكراا حياة الله يسعدك ويوفقك يااارب :)

[بسمة الكووون]

غريبة 62 مشاهدة بس وحدة ردت عليا :(

[بسمة الكووون]

ليش ماتردوا عليا :( :( :(

[Nutae]

ترى لازم تعيدي الاختبار التحصيلي
انا زيك متخرجة من دفعة 1432 وحاسحب ملفي من سعود واقدم في عبدالعزيز
ونفس الشي كنت ابغى طب وما انقبلت
فاذا كنت حتسحبي ملفك وتقدمي مع خريجات الثنوي لازم تعيدي التحصيلي عشان مدة صلاحيتو سنتين
والقدرات مو لازم تعيديه لانو مدة صلاحيتو 3 سنين

[Nutae]

وترى التسجيل حق التحصيلي يبدأ بكرة
فنصيحتي سجلي في اخر يوم واشتغغغلي مذاكرة من دحين عشان تجيبي درجة حلوة