الانجليش و a+ (المتخصصات)

[يآآرب]

.
.
.
السلام عليكم
اممممم أصحاب التخصصات قبل لا تشيلوا عـــــــفشكم وتنشغلوا وتنسونا
لو سمحتوا اتمنى تساعدوني في الانجلش ليفل 3 و4 يعني صراحة أبغى طريقة المذاكرة الصحيحة اللي اقدر أضمن فيها 100 او a+ بإذن الله رغم انه مستوايا يعتبر بنظري (متوسط) في الانجلش و بإذن الله أجيبها
فأبغى اللي درسوا المستويين وجابوا الفل مارك او a+ يساعدوني ويقولون لي طريقة مذاكرتهم وبالنسبة لجزئية الاستماع تتعبني فأبغى مواقع تطورني في مهارة الاستماع وووبس مشكورين

[Ibra 3bdallah]

الجرامرز ( القواعد ) احفظيهم وافهيمهم كويس
الفوكابلريز ( المفردات ) احفظيهم كويس
حلي تمارين كثير

اضمن لك a++

[Maha!]

+1

الله يوفقنا ويسهلنا اجمعين ❤️❤️

[M!ss so0so0]

ركزي تماام وقت الكلاس
ولمن تذاكري ذاكري كلل التمارين اللي معاكي بالكتاب حتى المحادثات المسموعه والجرامر والفوكابلري واخر صفحات الكتاب ركزي عليها كتير
واربطي كل جرامر بمثال وركزي عالحالات الخاصة
وطوري نفسك في الرايتنغ والسبيكنغ امشي على نصايح التيتشر تمام
وكتاب التمارين اذا تحبي

[أُنـثــﮯ مـــلآئـكيـة]

ذاكري الكتاب كويس, المفردات الي في كل شابتر مهمة مهمة وتجي عليها اسئلة
مافي اسئلة تعجيزية كله سهل بس اذا كنتي متابعة مع الاستاذة في الكلاس وتحلي معاها وتشاركي
الله يوفقكم
ممكن لو القواعد حسيتي فيها صعوبة افتحي دروس يوتيوب او اسألي الاستاذة المهم ذاكري اول باول عشان تلحقي تركزي ع باقي المواد ومايروح عليكي شيء

[Abu Seef]

الانجلش في السنة التحضيرية يعتمد على 4 اشياء للتقييم , Speaking,Writing, vocabulary and grammar بالاضافة الى القراءة والاستماع .
ركزي على القواعد وافهميها تماااام واحفظي الكلمات الجديدة والمترادفات واختبار المحادثة حاولي تفهمين المحادثات الي في الكتاب لانها ما تطلع منها واختبار الكتابة
دائما تدربي على هذي المهارة وحاولي تعدلين اخطائك والاستماع جدا سهل بس يحتاج ممارسة ..

طبعا من افضل المواقع لتطوير مهارة الاستماع موقع BBC Learning English وهذا الرابط
http://www.bbc.co.uk/worldservice/le...ral/sixminute/

كل يوم اسمعي موضوع لمدة 30 دقيقة وبعد شهر بتلاحظين الفرق.
وفالك اعلى الدرجات

[faisl.ka]

شباب كيفكم بس بغيت اعرف الدكتور محمد العجمي وناس الفقيه هل هو مصري وكيف يشرح هوا حق الأنقلش

[يآآرب]

شكرا عالنصايح كللكم :) :)

[AoDi]

عشان تضمن الفل مارك

اول واهم شئ لا تذاكر من اي مصدر غير الكتاب

الفوكابلوري و القرامر ذاكرهم من بدري و راجعهم ليلة الاختبار

و السماع حاول تقرأ كل القطع في الكتابين لان اغلب قطع الاختبار من هناك ووحدة من برا "هادا اللي صار معانا"

بالنسبة للأختبارات الالكترونية دا الكلام
...........

السبيكنق

اعطي الاستاذ انطباع انك دافور من اول كلاس

ذاكروا الكلمات الجديدة وحاولوا تستخدموها في الاختبار..." تعزيز فكرة الدفرنة "

الاختبار عن اسئلة وانتا تجاوب فعشان تضمن درجتك لا تقول اممم...

اذا ما عندك اجابة اتكلم و قول ما اعرف بالانقلش .." برضها جملة"

ابتسم وخليك واثق

...................

الكتابة

لا تستخدموا جمل معقدة ..

لو بتحكو قصة استخدموا الماضي البسط و المستمر..

لو بتتكلمو عن اي حاجة " جهاز ,تخصص دراسي , دولة ...إلخ" استخدموا المضارع البسيط

و لاتستخدموا القواعد الجديدة اللي درستوها كتير... ترا ما تفرق

و المقدمة "الجمل التعريفية"... نفسها الختام "أخر شئ في القطعة" .. الزيادة ممكن بسيطة بس الافضل تقول المعنى بطريقتين... مثال "my visit to the zoo was great " >>> " It was very good visit" تقريبا زي كدا

و لحد ينسى يكتب عنوان للقطعة



و دا اللي عندي

[يآآرب]

المشاركة الأصلية كتبت بواسطة aodi عشان تضمن الفل مارك اول واهم شئ لا تذاكر من اي مصدر غير الكتاب الفوكابلوري و القرامر ذاكرهم من بدري و راجعهم ليلة الاختبار و السماع حاول تقرأ كل القطع في الكتابين لان اغلب قطع الاختبار من هناك ووحدة من برا "هادا اللي صار معانا" بالنسبة للأختبارات الالكترونية دا الكلام ........... السبيكنق اعطي الاستاذ انطباع انك دافور من اول كلاس ذاكروا الكلمات الجديدة وحاولوا تستخدموها في الاختبار..." تعزيز فكرة الدفرنة " الاختبار عن اسئلة وانتا تجاوب فعشان تضمن درجتك لا تقول اممم... اذا ما عندك اجابة اتكلم و قول ما اعرف بالانقلش .." برضها جملة" ابتسم وخليك واثق ................... الكتابة لا تستخدموا جمل معقدة .. لو بتحكو قصة استخدموا الماضي البسط و المستمر.. لو بتتكلمو عن اي حاجة " جهاز ,تخصص دراسي , دولة ...إلخ" استخدموا المضارع البسيط و لاتستخدموا القواعد الجديدة اللي درستوها كتير... ترا ما تفرق و المقدمة "الجمل التعريفية"... نفسها الختام "أخر شئ في القطعة" .. الزيادة ممكن بسيطة بس الافضل تقول المعنى بطريقتين... مثال "my visit to the zoo was great " >>> " it was very good visit" تقريبا زي كدا و لحد ينسى يكتب عنوان للقطعة و دا اللي عندي

تسلميلي مررة شككرا