طريقة عمل كريم اساس مخملي

[أم خالد2010]

السلام عليكم ورحمة الله وبركاته

عندك بودرة شريتها بالغلط ولا عندك كريم اساس لونه ما يناسب بشرتك لانه فاتح ولا العكس .. عندي الحل تتخلصين من الموضوع كله وبنفس الوقت تستفيدين منه بشكل غير طبيعي ..

اولاً تحتاجين كوب صغير وملعقة صغيره ..

ثانياً تحطين ملعقة صغيرة من اللون الفاتح الي عندك ولون من الغامق .. انا عندي ابيض حق الاعراس بس صج صج توهقت فيه .. وعندي الغامق احس ان وجهي يدهن فيه مادري ليش؟؟

ثالثاً نخلطهم مع بعض لين يمتزجون عدل ..

رابعاً نحك البودرة بطرف الملعقة يا بودرة سمر كيك او كريولان الي بالماي او اي بودره تبغونها
بس انا افضل هالنوعين ..

خامساً نحط البودرة الي حكيناها مع كريم الاساس في الكوب ونخلطه كويس لين نحس ان الخلطة تكتلت معاكي وصارت نفس العجينة وحتى لو ما تكتلت ارجعي حكي البودرة..

سادساً لازم يكون شكل الخلطة بهذي الطريقة ..

اتمنى الكل يستفيد اختكم ام خالد