طبيبة جلدية .. ضروري يابنات .. شعري طاح

[ابتسامة دمعة]

..السلام عليكم ورحمة الله..
بنات الله يخليكم عندي مشكله كبيرة من فترة طويله شعري يتسااااقط بشكل فضيع وخصوصا من جيت سكنت بجده واتوقع الماء ماناسبني والان مع تقويم الاسنان سارت خصل تطيح من شعري
وخايفه الله يخليكم يابنات اي احد يعرف طبيبة جلدية موثوقه اروح لها ..
قالوا لي بمستشفى السلام في طبيبة بس ابيكم اي وحده عنده مجربة طبيبة لاتبخل علي ..
ولكم مني دعواتي بالتوفيق والنجاح ...

[...nona]

السلام عليكم
اختي اوول شي لازم تسوي تحاليل يمكن يكون عندك نقص في فايتمين
و انا كمان سمعت عن الدكتورة اللي في السلام انها كويسه ويروحو لها البنات قبل الزواج
طمنينا بعد ما تروحي

[حلاها زايد]

سلامتك ياقلبي
في دكتورة حنان ندا في مستشفى سليمان فقيه ممتازة كنت اتابع عندها بس بعدين اتصلت باحجز قالولي باجازة قلتلهم متى ترجع يوقولو مايدرو اجازة مفتوحة بس انتي اتصلي يمكن تكون جات
المهم انا رحت اتابع دكتور ثاني واحس ارتحله اسمه ايمن في سابا بس لسا دوبني بادية بالعلاج
المهم هو قالي التساقط يكون من سوء التغذية والقلق والتوتر والعصبيه وامراض الغدة

[ابتسامة دمعة]

الله يعطيكم العافيه بنات بشوف اللي بالسلام وان شاء الله الاقي عندها حل ...

[حبي لذاتي قمة أولوياتي ~]

والجلدية = عيادات ديرما مبنى بن حمران في شارع التحلية ( د/ قاسم رشيدات ولله الحمد تعالجت عنده من حاجتين بفضل الله راحت بكل سهولة )

[شموخ كبريآئي]

وآنآ كمآن مجربة دكتورهـ حنآن بسليمآن فقيه ومرهـ كويسه ~..

إن شآإءآلله تتحسني وربنآ معآكي ~..

[MS.Fabulous]

في كمان دكتوره مي النقيب في العيادات المثاليه