تخصصات طلعت متاحه لنا الاداري واغلبنا مايدري...اليوم الارشادي

[الحائرة دائما]

السلام عليكم ورحمة الله وبركاته..

اليوم طبعا كان برنامجنا الارشادي والصراحه انا استفدت لان اكتشفت تخصصات على بالي انها للعلمي بس طلعت تقبل الاداري الحمد لله طبعا عرفت لما سئلت اللي بالمعرض حقون الكليات
طيب اول شي

انو متاح لنا الاداري تخصص تصميم داخلي قلتلها انا اعرف انو بس للعلمي قالت لا متاح لكم من هذي السنه شي زي كدا المهم انو متاح لنا

تخصص تغذيه كمان متاح لنا بس التصميم والتغذيه بالرحاب

والمفاجأة اللي ماتوقعتها تخص اللي كانو ثانويتهم علمي متخرجين من الثانويه بشهاده علميه ودخلو تحضيري اداري يقدرو يدخلو تخصص الحاسب وتقنية المعلومات


بس يابنات انتو استفسروا اكتر لاتاخذو اكيد بكلامي انا كل اللي سويتو انو سئلت المسؤولات كل وحده وكليتها وهما جاوبوني انا انصمدت لان اول مره اعرف انو دي التخصصات متاحه لنا عشان كدا اتأكدو احسن لان انا صراحه مو مسؤوله لو طلع واحد من دي التخصصات مو متاحه لنا انا نقلت لكم كلامهم و بس بغيت افيدكم بوجود دي التخصصات اللي ماحضر او ماسئل اليوم
وبالتوفيق للجميع

[حياة الوورد]

طيب ياعسل انا ماحضرت اليوم لظروف كيف اسأل واذا مثلا فيه في اي كليه لان طلبات التسكين محدده ومااعرف كيف وانا اساسا شهادتي الثانويه علمي وابا حاسب الله يسعدك بلغيني

[الحائرة دائما]

ياقلبي والله انا قلت لك انو انا بس نقلت كلامهم بس كيف والطريقه والله ماادري
اللي عرفتو لو انك ثانوي علمي ودخلتي تحضيري اداري تقدري تدخلي حاسب اعذريني بس تقدري تسألي في الشؤون او القبول والتسجيل

[الحائرة دائما]

ويابنات كمان من الاشياء اللي عرفتها اليوم انو نقدر الاداري ندخل ادارة اعمال بس بعض المسارات اللي فيها منها تسويق ادارة موارد بشريه....الخ بس تكون برابغ للاسف بس برابغ متاح لنا

[حياة الوورد]

ايوا طيب مشكوره ياقممر

[جنوني محليني]

الحائره انا سئلت قالوا لي ماتقدرين حتى لو شهادتك علمي وربي قالوا لي السنه التحضيري اداري ماتخصصي الا
التخصصات المتاحه للاداااااااري ليش كلامهم مو موحد

[البتول 2010]

المشاركة الأصلية كتبت بواسطة الحائرة دائما ويابنات كمان من الاشياء اللي عرفتها اليوم انو نقدر الاداري ندخل ادارة اعمال بس بعض المسارات اللي فيها منها تسويق ادارة موارد بشريه....الخ بس تكون برابغ للاسف بس برابغ متاح لنا

زيي سالتهم قالوا تخصصات نظم معلومات ادارية + موراد بشرية +تسويق ..الخ وقانون برابغ كل بالعلمي ويدرسون باللغة الانجليزية ما عدا القانون بالعربي ويقبلون معدل 3.50

[ياسمين..]

طيب وخدمات صحيه وادارة مستشفيات؟؟
محد يعرف عنه شي؟؟؟

[البتول 2010]

المشاركة الأصلية كتبت بواسطة ياسمين.. طيب وخدمات صحيه وادارة مستشفيات؟؟ محد يعرف عنه شي؟؟؟

في كمان برابغ وتدرس بالانقلش
اصلا كل تخصصات ادارة واقتصاد موجودة نفسها بكلية الاعمال برابغ ونفس نظامها بلغة الدراسة
بس اللي يختلف عن ادارة واقتصاد انو رابغ مفتوحه كل تخصصاتها لعلمي واداري ومعدل المطلوب3.50

[يـآرب]

أختي متأكدده انو تغذية متاح لنا !!!
انا حضرت اليوم الارشادي بس ماسمعتمهم قالو شي عن التغذية :s