نظام السـنة التحضيريـة ,, هل بيستمر ,, ؟؟؟

[أشرف ناصر]

سلام عليكم ,,

الموضوع من زمان أبغا أتكلم عنــه ,,

هل بستمر السنة التحضيرية للسنوات الجايــة ,,

و هــل بيعانوا الطلاب الجايين زي ما عانيينا ؟؟

لأنــه بكل صــراحـة النظام بالنسبة ليا فـاشـل ,,

ما أستفدت منه إلا إنجليزي و على خفيف ,,

حتى المواد الباقية الإنجليزي حقها صعب و معقد و اللي ندرسه حق إنتراكشن ون و تو كله ,, He , She

يعني لو على معدلي من الثانويــة كنت داخل الهندســة بالراااااااحة ,,

أمــا بعد السنة التحضيرية ,, لو إنقبلت في العلوم الطبية التطبيقية شئ طــيب ,,

بيجي واحد يقولي عشان في ناس يجوا من مدارس أهلية و تكون نتايجهم مهي حقيقية ( ادفع و تندف )

أقوله ,, لا ,, لو إنقبل الطالب بنسبة مآخذها من الدف ,, ماراح يكمل لأن الدروس و المقررات بتكون صعــبة عليه ,,

و فيه شئ كمان ,,

أنا من خطــة ب ,, و خطة ب كان مقرر عليهم احياء في الفصل الأول ,, و كان مقرر علينا كوول الكتاب ,, << كتاب إنجليزيته صعبة و مليان مصطلحات تشيب الراس من أبو 18 حرف .

لــكن اللي في خطة أ ,, في الفصل التاني كان مقرر عليهم أحياء و شوفوا إش صار >> حذفولهم نص المقرر <<

يعني كأنه فيه شئ مظلومين فيه ,,

عمومــا :

أسألة للمناقشة :

1- تعتقد إن السنة التحضيرية تبقى زي ما هيا و تستمر للطلاب في السنوات الجاية ؟؟

2- هـل تعتبر السنة التحضيرية فادتك بشئ ؟؟

3- هــل تعتقد إنك ضحيــة من ضحايا السنة التحضيريــة ؟؟




وبس ,, مستني الردود :) ,, ترا كتبت و أنا معصب ,, أعذروني ,,

[rayyan1444]

احلى مافي الموضوع اسئلة المناقشة


ههههههههههههههههههههههاي لوول

[نونـــــا]

من جد عندك حق انوا خطه ب انظلمت والله <<<<مافي احد حاسس بينا
وما اتوقع راح يلغونها وشكلها عاجبتهم وهيه سنه فاشله<<<بكل ما تحمله الكلمه من معنى.......
الله يهديهم ويلغونها........وتعب سنه ولا ثلاث سنوات ولو يرجعوا اسئله الوزارة احسن من اللي قاعدين يسووا فينا.....

[ROoOFaNA]

أسألة للمناقشة :

1- تعتقد إن السنة التحضيرية تبقى زي ما هيا و تستمر للطلاب في السنوات الجاية ؟؟
ان شاء ما تبقى زي ما هي حرام يتعذبوا زي ما اتعذبنا
وإذا بقيت ان شاء راح يدخلوا وهما فاهمين
مو زينا زي الاطرش في الزفه2- هـل تعتبر السنة التحضيرية فادتك بشئ ؟؟
والله ما فادتني غير الا حطمتني وقتلت الأمل فيا

3- هــل تعتقد إنك ضحيــة من ضحايا السنة التحضيريــة ؟؟


اكيد وبكل صدق مواليد حرب الخليج طول عمرنا بقرارات غير البقية

بالتوفيق

[بيو كيميائية ^_^]

- تعتقد إن السنة التحضيرية تبقى زي ما هيا و تستمر للطلاب في السنوات الجاية ؟؟

لا ماأتوقع راح أكيد يكونوا أحسن منا إن شاء الله

2- هـل تعتبر السنة التحضيرية فادتك بشئ ؟؟

إنجليزي صرت أعبر وكسبت أصدقاء أشياء قليلة سبق وذكرتها بس دحين مو فاكره شيء


الأشياء السلبية سببت لي حالة نفسية حزن قهر مرض خوف ورعب لدرجة أني صرت أخاف من ظلي حسستني بأني غبية صراحةً هذا الأشياء السلبية اللي انزرعت في عقلي مادري كيف أشيلها بديت أشك أني محتاجة أخصائي نفسي


3- هــل تعتقد إنك ضحيــة من ضحايا السنة التحضيريــة ؟؟

طبعاً

وربي يوفقنا إن شاء الله

[A N G E L]

المشاركة الأصلية كتبت بواسطة rooofana 3- هــل تعتقد إنك ضحيــة من ضحايا السنة التحضيريــة ؟؟ اكيد وبكل صدق مواليد حرب الخليج طول عمرنا بقرارات غير البقية بالتوفيق

هذه الجملة انا اوافق عليها مية في المية
وان شاء الله ما تستمر
واذا استمرت اتمنى يتفادو الاخطاء اللي احنا انعدمنا وتعبنا بسببها
تقبل مروري

[funtoon]

الصرآحة !! ،،

والصرآحة رآحهـ ||

the only victims we are of is ourselves and our thinkin' ppl

[moon4ever]

آعتقد انو السنه التحضيريه .. حتستمر ... لانو الجامعه فتحت باب القبول * التسجيل* وكانت سنه تحضيريه !!
وهذي السنه اللي حنا فيها .. كانت فآشله بجد .. لانها اول سنه .. لاننا كنا التجربه .. اكيد في السنوات القادمه راح يتفادون الوقوع في الاخطآء اللي صارت معانا ..

اما بالنسبه للفايدهـ من السنه التحضيريه .. اكيد اننا استفدنا اشياء كثيرهـ ... مو شرط تكون علميآ ..
بس كل تجربه يمر فيها الانسان .. لازم يتعلم منها أشيـآء ... واللي مايتعلم من تجاربه ماله داعي بالحيآهـ ..!!..

..تمنياتي القلبيه للجميع بالتوفيق ..

[اريج العمر]

انا سمعت انو هذا نظام خماسي .. يعني بعد خمسه سنين راح يفكرو في الموضوع انو يشيلو ولا لا
وكمان سمعت انو السنه الجايه جميع الجامعات راح تطبق هذا القرار
والله اعلم

[أشرف ناصر]

مشكورين ع المرور و التفاعل . .