مساعدة في عقود المدارس الاهلية؟؟؟

[السعودية]

السلام عليكم

اخواني اخواتي محتاجة مساعدتكم

جاتني وظيفة في مدرسة لكن تقول لازم اكتب عقد معاهم لمدة سنة ؟؟ و انا ماودي ارتبط سنة معاهم ايش اسوي؟؟

انا حفيت علشان الاقيها و ما ابغى اطيرها من يدي ياليت الي عنده خبره يقول لي و يساعدني؟

فرضا كتبت العقد و ما استمريت ايش راح يصير؟

بعدين انا ابغى اقدم على وظيفة بالجامعه , عادة كم شهر تاخذ الجامعه علشان يتم التعيين من يوم ما قدمت الملف؟

مشكورين مقدما

[السعودية]

نسيت اذكر ان مدرسة البيان محتاجين معلمة دين

و مدرسة المنارات محتاجين معلمة رياض اطفال

دعواتكم

[الغامض+]

والله يا أختى انت لو حبيتى تتركيهم خليك نظاميه وأكتبي استقالتك وأذكري فيها ظروفك اللى اجبرتك على ترك العمل .. وما أظن يقدرون يسوون لك شيء حتى لو اشتكوا لان موقفك سليم .. وبالنسبة للسؤال الثاني ماعندي علم للآسف ... ودي قبل وردي

[السعودية]

جزاك الله خير اخوي

[مطالبة]

ايوه طبعا حتوقعي عقد لمدة سنة
هم برضو يبغوا التزام جدي منك
بس طبعا لو ماناسبت ظروفك وحبيتي تتركي العمل
لازم تخطريهم بأدب وذوق
ولازم تلتزمي بالإجراءات الأخيرة
عشان يسلموك اخلاء طرف
يعني ممكن يجيبوا معلمة يقولو دربيها مدة كم يوم
او سلمي تحاضيرك
وهيه كلها اشياء منطقية لنهم حتى هم حيتورطوا في خروجك

لو سا اي شي
فمن حقهم يرفعوا تشهير بالمعلمة المتسيبة لإدارة التعليم في نفس المدينة
وينشر على جميع المدارس تحذير من التعاقد معها


موفقة وتوكل على الله
المؤمنون على عقودهم
تحياتي

" انتبهي لللشرط الجزائي يكون مكتوب في العقد ,ممكن يكون فيه شرط جزائي تدفعي رواتب 3 شهور عند الخروج المفاجئ, طبعا لو مخططة تخرجي بعد شهر مثلا فمو محرزة تشتغلي وبعدين تدفعي اكثر من مدة عملك"

[السعودية]

مشكورة على التنبيه

انا ما اعتقد اني راح اخرج لكن لو قدمت على الجامعه كيف راح يكون الوضع؟

انا اعرف الجامعه تطول اجراءات التوظيف مو صح؟

[رقة الورد]

أنا أختي كتبت عقد لمدة سنة مع المدرسة (مشرفة اجتماعية)

وماكان عندها خبره..لمن بدأت أول يوم وداومت رموا عليها الشغل رمي أدوها مشرفة اجتماعية للروضة والابتدائي

والمتوسط والثانوي وطلبوا منها تسوي اسبوع ترحيبي وتجيب هدايا لسنة أولى ورابع وأولى متوسط وأولى ثانوي

وبلاوي متلتلة كثير وهيه ماعندها خبره وماهي عارفة ايش تسوي ومن فين تبدأ ويبغوا هذا كلة في يوم تسوية

حتى مافيه وحدة قديمة كلفت على نفسها وعلمتها شويه مع انهم عارفين انه ماعندها خبره

فتركت الشغل من ثاني يوم بس داومت أول يوم..

لانه بصراحة المدارس الأهلية ماتخاف الله تكرف البنت ومايعلموها وهما عارفين انه ماعندها خبره وفي الأخر على ريالين الراتب

الله المستعان

هي ذحين شايلة هم انه يعمموا اسمها ومدري ايه وصارلها ذحين يوم في البيت ايش في رأيكم المفروض تسوي؟؟؟؟

[مبنى الجوهره]

انا كمان قدمت في مدرسه اهليه طفشت من قعدة البيت وقبلوني والحمدلله بس خااااااااايفه بعد مااوقع العقد اتركهم

لاني مقدمة في البعثه حق خادم الحرمين وفيها دورة شهرين ونص الله يستر بس ولاقعدة البيت مو مشكله اتركهم بعدين

بادب وذوووووووووووووووق...

فديت ذوقي انا

[مطلع الفجر]

رقة الورد ..

إذا أختك ماعندها خبرة وتبغى تشتغل في مدرسة أهلية أحسن خليها تقدم في مدرسة بسيطة في البداية إدراتها تخاف الله ومريحة تكون مثلاً إبتدائي وروضة أو ابتدائي ومتوسط بالكثير حتى ولوبراتب ألف ريال بس عشان تاخذ خبرة ...أما إذا بتقدم على مدرسة كبيرة وفيها كل المراحل الدراسية وماعندها خبرة..معروف راح يكرفوها ..وهي نصيب سبحان الله موشرط .
أنا لو مكانها أسوي كذا أهم شيء مادام ماعندي خبرة أنه آخذ خبرة في البداية في مدرسة بسيطة أكون مرتاحة فيها ولو براتب قليل ..وبعدين الواحد يتطور شوية شوية لغاية مايتكتسب الخبرة ومن ثم يقدم على مدرسة تكون أفضل من ناحية الراتب ووضعها أفضل ..وأهم شيء إدراتها عادلة وتخاف الله ..لأنه في العمل الراحة النفسية مهمة صراحة عشان الواحد يعمل وهو مرتاح ويقدر ينجز..وبالنسبة لي مايفرق إنه الراتب لازم يكون عالي إذا كان معقول لحدما مادام مرتاحة في المدرسة ..خصوصاً إني لسا في بداياتي .

مادري هذا رأي ..

والله يوفق الجميع ويسرلنا مافيه الخير يااارب

[سووماا]

يااااااااااااااااااااااااااااا مطالبة

سؤال/ إذا داومت يوم واحد في مدرسة أهلية وما ناسبتني ورسلت رسالة أعتذار عن الحضور مبينة السبب هل علي شيء علما باني موقعة عقد مبدئي وما عندهم ولا شيء ليا لا شهادتي ولا بياناتي ولا شهادات خبرتي ..

هل يقومون برفع اسمي والتشهير بي ؟؟؟؟؟