هذي سيدي كل الحكايه!!!!!!!!!!!!

[مووون22]

كيفكم يارب تكونو بخير...اكيد متشوقين تسمعون قصتي وحظي اللي وثقت انه عاثررر.
القصه هي سجلت بالجامعه من عامين اول عام فاتني التسجيل واللي بعده لم اقبل بسبب تقادم الشهاده(ع حظي حددت الجامعه من عام1419) وانا 1416 اقول لكم الحظ طايح..السنه هذي بس عرفت ان فيه استثناء فزعت وماخليت احد الا ارسلت له ايميل واتصلت وكلمنا دكتور قريب لنا وجاء القبول في نصف رمضان وكانت خدمة النت صعبه عندي وقتها ويومني دخلت ع بياناتي لقيتهم قبلوني وحتى الرساله ماارسلوا يبلغوني اني انقبلت مستخسرين علي الفرحه(والحظ الردي له دور بعد) رحت سددت قبل الموعد بيوم فقط والحمد لله ورفض السداد( حظ عاثر لاتقولون لا) وحاول زوجي وسدد بعدها انتظرت ارسال البطاقه لين نهايه شهر 10 القى علامة صح عند وصل السداد والبطاقه ماعندها صح اتصلت ع العمادة شطر طلاب قال لي لك ملفين قديم يومنهم رفضوني وملف جديد الحين يومني انقبلت ولازم تسحبين الملف القديم عشان ينزل لك الرقم الجامعي وتوصلك البطاقه طبعا انا عندي رهاب الطياره من فتره قريبه وما اقدر اجي وبعد دوامي ومنهجي بيتعطل مع العلم(السنه هذي اول مره ادرس بعد راحه لمدة 13سنه وكيلة مدرسه في قرية اهلي لاشغل ولا مشغله ونقلت للرياض للتدريس نقله نوعيه خطيره)يعني لوانهم قبلوني من زمان كان ابدعت يومني فاضيه وعند اهلي مو في بيتي وعيالي والربطه(حظ والا ؟؟؟؟) ارسلت قريبتي للجامعه وخذت معها تفويض مني وقال لها رجل الامن عند الباب ماينفع تدخلين ياتجي هي ياتسوي لك وكاله وشوفو المآساة ع الوكاله كل يوم بكره والوكاله لابد من شاهد مع المعرف زوجي طبعا طلبنا اخو زوجي الكبير اعتذر عسكري ومايطلع الا3 العصر كلمنا اخوه الصغير في الشرقيه قال اخر الاسبوع (حظ لاتنسون)وجاء ورحنا وسوينا وبعندها وبعد ماطلعنا ومشينا مسافه من المحكمه واخو زوجي قد وصل بيتنا لقينا اسم جدي غلط رجعنا وطلبو الشاهد ورجعناه (ام الحظ النحس)وارسلنا الوكاله للبنت وراحت البنت للجامعه وقالت لها وحده بالعماده عطيني رقم سجلها المدني يعني انا وقالت ماسددت وراحت عليها الدراسه السنه هذي (حظ حظ حظ)طبعا انا ماعندي وصل (ابوك يالحظ)رحت دايركت للبنك سحبت كشف لقيت السداد وكلمت واحد بشطر الطلاب وقال لي السداد واصل وارسلت بالفاكس الكشف للبنت وراحت لهم واخيرآ سحبت الملف وطلع الرقم الجامعي ع البيانات بس مافعلوه لانهم طلبو ع قريبتي صوره من شهادة الثانويه واربع صور شخصيه وحطيت صوري وشهادتي الاصل وصور منها في ظرف وارسلتها وانا خايفه يقولون ان الشهاده ماهي مصدقه من الوزاره (حظ) وانا الحين قاعده انتظر السبت مدري وش بيصير يعني لو تلعوزت راح انسحب.....مع العلم ان قريبتي عندها دوره الصباح وابوها مريض قلب بس يمشور عشاني الله يسعده ويخليه لهم......وهذي كل الحكايه مع حظي المنحوس بعيد عنكم.