والله تعبت ماعرفت اذاكر الانجليزي

[ابو عبدالله2000]

السلام عليكم ورحمة الله وبركاته

صباح الخير ياطلاب ياحلوين

بصراحه ماعرفت اذاكر الانجليزي وابغى تعطوني رايكم وخاصه اللي درسوا السنة التحضيريه وعدوها

طريقة مذاكرتهم الانجليزي والافضل اذاكر من الكتاب او انتظر الملخص بصراحة وربي صرت افكر انسحب من الجامعه

مدري ليه والسبة الانجليزي اخذت دورات دراستي بالكليه انجليزي هههه والحين اببدا من جديد طبعا انا انقطعت عن الدراسه بعد التخرج بفترة طويلة ولكن لما قريت كتاب الانجليزي احس ان ضايع هههههه وعاد محتاج مساعدتكم وربي يوفقكم ويوفق الجميع

[صقر الشمال]

ياخوي هونها وتهون هدي اول شي الانجليزي صح وخطا يعين شوي تركيز ونشااء الله تسهل عليك بس لاتصعبها وتفكر بشكل الكتاب وكذا لا شوف ملخص وركز ونشااء الله تمشي امورك طول بالك كلنا حولك وحواليك 0ههههههههه طول بالك وربي يوفقك

[رياض المانع]

أخي الكريم
الفصل الدراسي في بدايته ولك مني هذه النصيحه
جب لك مدرس خصوصي ويبدأ معك من بداية المنهج ويكون الشرح مكرر مرة ومرتين وثلاث للدرس الواحد حتى يتم فهمه وحفظه بإتقان ثم اطلب منه ان يضع لك أسئله عليه للاختبار
وخله يوسع صدره وانت وسع صدرك واصبر لازال الوقت معك كبير فلا تتردد وتأخر
واذا ممكن تسجل الشرح بكاسيت او فديو اذا معك مجموعه واعيد الشرح كل ماترغب في ذلك
وعليك أختيار المدرس الفاهم وذو الخبرة
وكان الله في عونك

[ابو عبدالله2000]

المشاركة الأصلية كتبت بواسطة صقر الشمال ياخوي هونها وتهون هدي اول شي الانجليزي صح وخطا يعين شوي تركيز ونشااء الله تسهل عليك بس لاتصعبها وتفكر بشكل الكتاب وكذا لا شوف ملخص وركز ونشااء الله تمشي امورك طول بالك كلنا حولك وحواليك 0ههههههههه طول بالك وربي يوفقك

ربي يوفقك ويخليك ومشكووووووووووور اخوي

[ابو عبدالله2000]

المشاركة الأصلية كتبت بواسطة رياض المانع أخي الكريم الفصل الدراسي في بدايته ولك مني هذه النصيحه جب لك مدرس خصوصي ويبدأ معك من بداية المنهج ويكون الشرح مكرر مرة ومرتين وثلاث للدرس الواحد حتى يتم فهمه وحفظه بإتقان ثم اطلب منه ان يضع لك أسئله عليه للاختبار وخله يوسع صدره وانت وسع صدرك واصبر لازال الوقت معك كبير فلا تتردد وتأخر واذا ممكن تسجل الشرح بكاسيت او فديو اذا معك مجموعه واعيد الشرح كل ماترغب في ذلك وعليك أختيار المدرس الفاهم وذو الخبرة وكان الله في عونك

مشكوووور اخوي على النصيحه والله يوفقك ان شاء الله انت والجميع

[السعيد 2009]

لامدرس ولاغيره اكتب الكلمات اللي ماتعرفها في الكتاب إن شاء الله مليون كلمة واحفظها مثل اسمك ومن عندي ماتقل درجاتك عن 90

[$بنت جده$]

والله كنت زيك متنحه لكن لما وديته لمعلمة وترجمت لي الكلمات اتاري الانجليزي موووووووووووووووويه واننا ندرس
الله يسهل عليك وترى الاسئله سهله بس يبغالك تركيز وان شاء الله تعدي

[دنيتي ما تستاهل دمعتي]

فيه ملخص الاستاذ خالد الحربي يشرح المنهج مرة سهلة
أنا بفضل الله ثم ملخصات الاستاذ خالد نجحت فيه الحمدلله.

[لندنية]

الانجليزي اذا عرفت تذاكره ماراح يصير صعب وفيه ملخصات بالمنتدى مرة روعة وراح تفيدك

[أحلام ورديه]

اخوي ابو عبدالله لاتشيل هم الانجليزي ترى سهل كل الدروس حقت الثانوي والمتوسط الاشياء المعتاده عندنا بالانجليزي

بس انت تحظر المحاظرات وتركز اول بأول مع الاستاذ والله بتشوفه مويه بس انت خلص الدوره وادخل على منتدى

الجامعات بتلقى شرح مع ترجمه للكتاب واقعد عليه وإن شاء الله ربي بيسهلها عليك

انا سويت هذي الطريقه ودخلت على المنتدى ونزلت شرح مع ترجمه للكتاب والله جد شفته تافه ..

وبالتوفيق اخوي وترى مافيه شي صعب بس انت شد حيلك احنا اللي نصعبها ولا كله يعتمد عالمذاكره ...