معادلة اللغة الانجليزية؟

[Nada_xo]

سلام عليكم

بس حابة استفسر ايش اسهل اختبار toefl or ielts ؟

صحبتي لما سألت قالولها نتيجة ايلتس تطلع اسرع و التوفل يطول مررة، دا الكلام صح؟ لاني شايفة انو التوفل اسهل صراحة :/ و كم الدرجة المطلوبة؟

و للي جربو يختبرو تحسو عادي اروح اختبر بدون ما اخش كورس او حاجة؟ لانو حيضيع وقتي كمان -_-

انا اصلًا ليڤل فور، خايفة اتأخر في الاختبار و يسير مايعادلولي لأنو يقولو ليڤل فور يبدأ بعد الحج، ولا عادي؟

[Abu Seef]

الصراحة الايلتس اسهل من التوفل والدرجة المطلوبة للمعادلة 4.5 و طبعا اختبار الايلتس هو يحتاج تكنيك يعني لازم تدريب , وعادي تقدرين تعادلين الانجلش بس لازم تجيبين الدرجة قبل ما يبدا الاختبار النهائي تبع لفل فور
اي سؤال انا موجود
بالتوفيق

[Nada_xo]

طيب بالنسبة للاختبار، academic ولا General training ؟؟

ولا مايفرق؟

[أسرار سامي♥]

السلام عليكم
يعني لسه ما بدأتي ليفل فور
اذا يمديك تختبري و تعادلي الانجلش تمام ♡
تركزي على باقي المواد بالنسبة لنوع الاختبار المطلوب
اتأكدي من قسم الإنجليزي أفضل بالتوفيق ♡♡

[الشيمآء]

التةفل نتيجته تطلع بعد عشرة أيام من تاريخ الاختبار :).
الآيلتس ما عندي فكرة :$.

بالتوفيق.

[Nada_xo]

المشاركة الأصلية كتبت بواسطة الشيمآء التةفل نتيجته تطلع بعد عشرة أيام من تاريخ الاختبار :). الآيلتس ما عندي فكرة :$. بالتوفيق.

متأكدة؟ رحت مبنى الانجليزي و سألت قالتلي يمكن ياخد أكتر من شهر و يمكن لما يخلص الترم حتى، و قالت اختبري ايلتس-_-

أسرار رحت استفسر ما فادوني بشي:( كل وحدة ترمي عالتانية و في النهاية طلعت و ماستفدت شي

[osama_ma]

التوفل ياخذ عشر أيام بالضبط وتنزل الدرجات أون لاين
الشهادة هي اللي تطول
بس عادي تراهم يرضون بنتيجة الموقع وهذا اللي صارمعي
لابد تاخذين فكرة عن الاختبار باليوتيوب مقاطع كثيرة تفيدك
المعظم يقولون ايلتس اسهل
أنا دخلت التوفل وما اعرف عن ايلتس

[sweetapple]

السلام عليكم
انا اختبرت ايلتس شهر اغسطس ده السنة
ونزلت درجتي بعد الاختبار writing ب 13 يوم بالزبط
فقدمت صورة من الشهادة في معهد اللغة الانجليزية قبل اسبوعين والان خلاص عادلولي

وبالنسبة لاختبار ايلتس يمديك تشتري ielts exam package من مكتبة جرير لانه راح تستفيدي منه كثير في طريقة الاختبار
بصراحة انا ما كان عندي الا 10 ايام للمذاكرة والحمد لله جبت درجات حلوه

وشيء ثاني بعد ما راح تسجلين للاختبار راح يعطوك رابط خاص للتدريب مجاني

وبالتوفيق

[sweetapple]

عند التسجيل اختاري academic exam لانك بتتعاملي مع الجامعة

[Ranad Ayman]

كنت حابة افيدك ..

بس ماشاء الله الاخوات وفوا ومانقصوا شي .. صح كلامهم ..
انا مريت برضه بالتجربة واختبرت ايلتس لانه اسهل صراحة وكان وقتي ضيق .. والحمدالله حققت الشرط .
النتيجة تنزل بعد 13 يوم بالضبط و ترى حتى التوفل اظن 14 يوم "قريتها لمن فتحت حساب في موقعهم في جزئية نظام اختباراتهم وكدا .."

وبما انه هدفك مو ماجستير ولا دكتوراه وكدا =))
ترى العلامة تجيبيها بسهووووولة لانه طالبين مرة علامة قليلة في كتير اعرفهم ما ذاكروا ولا يحزنون وجابو العلامة " كانت واطية بس اسمها حققتي الشرط خلاص " .

و الشهادة لازم تجيبها قبل الفاينلز للانجليزي .. يعني حتى لو اختبرتي ميد وبعده جبتي الشهادة .. عادي محا ينحسب خلاص حينشال كله الانجليزي ويتعادلك ..

وموفقة حبيبتي ..
لا تنسي "استخيري اولاً"