يااااااااارب اكون رفعت المعنويات ولو بشي بسيط..؟؟

[rafeeef]

اولا السلام عليكم عالجميع

ثانيا اتمنى الكل يكون بافضل صحه وعافيه

ثالثا والاهم

لاحظت الاغلب اللي جا عليه f او dn متحطم ومااعرف ايه

اولا ترا مره مو اخر العالم ولاانتهت الدنيا عند ماده انا عارفه انو اول ترم والكل كان متامل غير كذا

انا اكتشفت انو على بالنا زي المدرسه حليتي او ماحليتي تجيبي شي كويس

ثانيا يمكن يكون اختبار من ربي لصبر العبد (والله اذا احب العبد ابتلاه او اختبره) وممكن يكون انذار

للعبد انو ينتبه لنفسو

واللي حاس انو قصر لسا وراه ترم ثاني يضغط على نفسو ويشد حيلو واللي حاس انو انظلم طبعا

دحين ماعادينفع مع كل درجه في الدوري انتي شاكه فيها روحي راجعي لاتستكتي على حقك ناس كتير راجعوا واكتشفوا انهم حالين

الشي اللي راح ماحيمدينا نغير فيه انا من الناس اللي درجاتي جت مو زي اللي اتمنيتها بس قلت يمكن خير دايما علشان تاملو نفسكم شوفوا الجانب الايجابي للموضوع زي انا جاني fاو درجاتي ماهي كويسه هذا دافع ليا اني اشد حيلي الترم التاني...

واغلب العلماء والادباء والدكاتره والمعروفين زمان بدايت حياتهم كانت فشل بس مايأسو
اساسا الفشل طري للنجاح
من اللي اعرفهم انشتاين كان مره سيء في المدرسه حتى كانوا يفكروا انو متخلف عقلي وانطرد من المدرسه لكن طلع عالم ..

اهم شي الثقه في النفس انو انا قد الشي حقدر اسويه لاني الشي الفلاني هدفي حسوي المستحيل علشان اوصلوا ...

تعليق بسيط على الانجليزي
(اولا الاسئله هما حاطينها اقسام كل مستوى يقدر يحل شي
ثانيا لو حاس او حاسه انك ضعيف فيالانجليزي طور نفسك بمواقع اوا اختبارات في النت او حتى اغاني بترجمه كلها تتطور هذا طبعا للي حاب - وانا مستعده للي حاب اني اعطيه مواقع كويسه -
ثالثا اللي مايحب الانجليزي اصلا صار شي اجباري انو يحبو لانو يدرسو لازم يتعلموا
بس صدقوني الانجليزي ممتع متى ماتعلمتوا حتحبه .حاول ترا المحاوله تعلم)

اتمنى اكون قدمت ولو شي بسيط من اللي كان نفسي اقدمو او اسويه

تقبلوا فائــــق تحيااااااااااتي واحترامي