إنجليزيه بنات الفرع ؟؟ أرائكم بنات وشباب

[bint aboha]

السلام عليكم ورحمه الله وبركاته

بنااااات الفرع اليوم رحت لمعهد الإنجليزي وسألتهم عن المستويات اللي حصلت ف الجامعه قالتلي

إحنا ف الفرع عندنا ليفل 1 و 2 و 3 و 4 و 5 مو زي الجامعه للأنا شطار <<بتنضرب

المهم يالغوالي هذا اللي سألتهم وجاوبوني يعني تيك إيزي كل وحده تنطق ف ليفلها وإلا

طيب هذا اللي عندي

سؤال : عندي أستاذه إمريكيه تدرسني إنجليزي طيب المهم هيا كاثوليكيه وإذا تبغوا تعرفوا

معناه دوروه ف قوقل هذه الفئه تكون صعب التكلم معها عن الإسلام أقصد يعني يكونوا متعصبين

لدينهم وأكثر شي يحبو دينهم ومايتركوه إلا بطلوع الروح أو اللي عنده صبر وأسلوب حلو

ومقنع المهم أخذت رقمي المس وقالت ميبي إن ون داي أي نيد يو قلت لها اوكي يعني لمن البنات

اللي ف شعبتي مايحضروا الكلاس راح تبلشني بلشه كبيره ماراح تتركني المهم فحبيت أسألكم

بخصوص إني أكلمها عن الإسلام يعني عادي أجيبلها هديه صغيره فيها كتاب بالإنجليزي يتكلم

عن كل مايخص الإسلام ومعاها شي بسيط يعني زي عطر أو شي للأنهم يحبوا الهدايا فأبغا

أرائكم يابنات بخصوص الليفل وبخصوص موضوع الأمريكيه وكمان الشباب لكم الحق ف

إسداء الرأي ولي الحق ف التقبل وإذا سألتني عن الإسلام كيف أجاوبها أنا أقولكم أعرف ف

المنتدى حقين ليفل 5 يعني الله يعينكم بلصق فيكم هههههههههه أمزح موفقني جميعا دعواتكم

[91girl]

يبختك والله

بس انتبهي انتي عنك مسؤلية كبيرة لو غلطتي فتعبير ولا ي ممكن تبعد الفكرة من راسها

والله يحضك يادبة وانشاءالله تتقبل يارب

لواسلمت انتي حتخشي الجنة بدوووون حساب

بس لو اسلمت وفالحالتين ماجورة ياقلبو لانك حاولتي

[SOMAH SWEET]

بالتوفيــــــــق ياقلبي واذا لك قدرة كلميهاااا

[ذبحتني الدراسه]

ههههه >>استغفرا الله اخذت رقم جوالك عشان تدق عليكي (ومن الحب ماقتل هع)
حلوه فكره بنو والله يوفقك وتكسبي فيها اجر بس امكن تزعل وتنقلب عليكي >>>مدري

[HANOoOF]

وعليكم السلام ورحمة الله وبركاته ..

الحمدلله إنو اللفيلات نفسها .. " بس عشان البنات اللي اشتروا الكتب "

ولا أنا حبيت فكرة إنو كلنا نتوحد .. أصلا كل يوم لهم رأي .. يعني عادي ممكن بكرا نجي ويكونوا غيروا كلامهم ..

وبالنسبه للمس حقتك ..

فكرتك مره حلوه إنو تجيبيلها كتاب عن الإسلام ومعاه هديه .. وإن شاءالله ربنا يهديها ويصلحها و تستجيب ..

بس بينو إش عرفك إنها كاثوليكيه ؟!

أما على حكاية إنها أخذت رقمك الله يعينك

" اليوم قعدنا نهرج عليك خخخخخخخخخ ,, وعلى المس إنو أخذت رقمك .. مافي فكه .. سامحينا بس على الحش "

" ويا حلوه شيلي الكلام اللي فوق الصوره الجميله اللي حاطتها !! .. ولا يا ويلك مني>> فيس معصب وحيضرب "

[بني آدمية]

آمممم ما اعتقد إنها فكرة سديدة !! ..
لأنها كأي شخص متدين بأي ديانة متمسك بدينه !!
فتخيلي إنك كنتي مكانها .. تخيلي لو سافرتي برا وواحد مسيحي ولا متدين بديانة أخرى اعطاكي كتيب عن دينه !!..
هيه معتقده إن مفهومها للدين صحيح ..
أنا احس إن اهم شي الأخلاق الحسنة !! لأنو هوا الشي الي ممكن يأثر فيها ..
يعني فرضا لو سويتي شي وعجبها .. قوليلها إن ربنا هوا الي قدرك وخلاكي تسويه .. ولولاه ماكنتي قدرتي ..
ودايما إبتسميلها وزي كدا..

هذا رأي :) ..

[H A N O O]

الله عليكي يابنووووو

فكرررررة حلوووة والله واذا تبغي اي مسااعدة جست تل مي *_^ <~ قاعدة اقلد وحدة اليوم مسوية فيها تعرف انجلش ^_*

الله يسسستر لاتقوم علينا بس

كينسي ^^ < ~ إسهما هيك الله يستر منها بس

لوسمحتي بروفسورهـ بجامعة نيورك خخخخخخخخخخ

بنــو فوكرة جيدة والله يوفقك يااااعسل

[كوثر123]

من جد يا بنوته كيف عرفتي انو هيا كاثوليكيه ......و لازم تفكري في كلام بني ادميه اعتقد انو الموضوع محتاجلو وقت

[دافئ الإحساس]

شوفي هييا فكرة جدا جييدة

لا ممتازة كمان

بس تراها مغامرة وانصحك بتجربتها

ولكي الاجر إن شاء الله

لان فيها اجر جدا عظيم

ودمتم

[bint aboha]

المشاركة الأصلية كتبت بواسطة 91girl يبختك والله بس انتبهي انتي عنك مسؤلية كبيرة لو غلطتي فتعبير ولا ي ممكن تبعد الفكرة من راسها والله يحضك يادبة وانشاءالله تتقبل يارب لواسلمت انتي حتخشي الجنة بدوووون حساب بس لو اسلمت وفالحالتين ماجورة ياقلبو لانك حاولتي

هلا قيرل مشكوره ياقلبي ع المرور والله انا خايفه للن تعامل البنات معاها مو حلو يعني طول

الوقت ضحك وبصراحه حتى انا يعني مو مره ههههههه بس غن شاء الله احاول دعواتك

هذه مسؤوليه دين مو لعبه وإن شاء الله أكون قدها سواء أسلمت ولا لأ المهم عندي إني حاولت

موفقه غلاي إن شاء الله أشوفك بكره ع فكره فهمتي الفيزياء اليوم لمن شرحتلك ولا لأ ؟ ياويلك

لومافهمتي هههههههه فديتك دعواتك

المشاركة الأصلية كتبت بواسطة somah sweet بالتوفيــــــــق ياقلبي واذا لك قدرة كلميهاااا

هلا سومه إن شاء الله ياروحي إنتي دعواتك لاتحرميني منها الله يوفقك يارب والجميع إن شاء الله

مشكوره ع المرور غن شاء الله بكره نتقابل اوكي انتظركي

المشاركة الأصلية كتبت بواسطة ذبحتني الدراسه ههههه >>استغفرا الله اخذت رقم جوالك عشان تدق عليكي (ومن الحب ماقتل هع) حلوه فكره بنو والله يوفقك وتكسبي فيها اجر بس امكن تزعل وتنقلب عليكي >>>مدري

هلا ذبحتني ههههههه لا أما تنقلب عليا أوديها السفاره هههههه أمزح لا إن شاء الله تكون

طيبه اصلا هيا مغلوبه مسكينه دعواتك حبي الله لايحرمني منك ومن دعاويكي ومن مرورك

فاهمه ههههههه يلا يفداها الرقم وعادي عندي مشكوره ع المرور موفقه غناتي