يا بنات الاقتصاد ابغى اعرف متى تنزل الاقسام

[الميسم]

السلام عليكم ورحمته الله وبركاته
انا خلصت السنه التحضيريه واتخصصت اقتصاد منزلي في الجامعه و كاتبولي في الادويس القسم والتخصص اقتصاد منزلي سوالي متى اعرف القسم حقي هل هو(تغذيه ولا نسيج ولا طفوله ولا تربوي ...)؟ الي عندها فكره من السنوات الي فاتت يا ليت تقولي
وشكرا^_^

[الميسم]

ردولي بسرعه لو سمحتوا

[ساكنه في بيتنا]

و عليكم السلام و رحمه الله و بركاته

التخصص ان شاء الله تروحي تراجعيهم في مبنى 43 اول عند أ. نجلا ,,

بما انك مسار علمي فقدامك دي التخصصات

1- تصميم داخلي << يحتاجله اختبار قبول ,, فيه موضوع مثبت للموعد

2- غذاء و تغذيه .

3- ملابس و نيسج .

[daloly]

تابعي الاوديوس >> دايما افتحيه
ينزل اعلان على صفحتك انو لازم ترتبي تخصصات الكلية
في بنات راحت عليهم التخصصات

على ايامي كان ف دا الوقت تقريبا

[رورو^_^]

وعليكم السلام

نزلوا في التقويم الجامعي الوقت وحيكون 22-11 >> على حسب كلامهم طبعا

ويقولوا حندرس مولد عام للكليه و مواد التخصص أنشالله الترم الثاني

الله يوفق الجميع

[meno-chan]

كيف يعني ؟
يعني لو مثلا بدخل تصميم داخلي
اختبر
و استنى ليييييييين الوقت ذا ؟
غريبه مو

جامعه تدوووخ

[رورو^_^]

بالعكس واضح مت التصميم الداخلي أنوا مارح نتخصص دا الترم

لانو لو طلعت التخصصات قبل الدراسه بأسبوع مثلا وأختبار المهارات اول يوم بالدراسه كيذا حيكون أختبار المهارات مالوا داعي صح
يعطيكم العافيه بالتوفيق

[الميسم]

المشاركة الأصلية كتبت بواسطة daloly تابعي الاوديوس >> دايما افتحيه ينزل اعلان على صفحتك انو لازم ترتبي تخصصات الكلية في بنات راحت عليهم التخصصات على ايامي كان ف دا الوقت تقريبا

مرررره شكرا على المعلومه بس ابغى اعرف كيف الطريقه الي يظهر فيها الاعلان (ايقونه ولا شريط في الاوديس ولا......) وشكرا

[Twix~}..]

انا كلامي زي daloly

لانو على ايامنا نزل ترتيب التخصصات على دي الايام ونتائج الفرز نزلت بعد العيد ..

شووفت الجدول الي في معلومات عنك اسمك ورقمك الجامعي ودي الشغلات من فوق راح يطلعلك كدا مستطيل ومكتوب عليهـ ترتيب التخصصات اضغطي عليه ورتبي تخصصاتك بس خليكم متابعين الاوديس دي الايام على طول لانهم ما يعطو خبر لآحد وممكن تروح عليكم وتتطرو تروحو للجامعه وشوفي البهدله الي تصير عشان تتخصصي ..

[الميسم]

شكرا مرره