اختبـار تحديد المستوى قصه حياتي وحياتكم هـع

[ربي معاية =)]

اختبار تحديد المستوى وما ادراك ما اختبار تحديد المستوى



اولا : بسم الله الرحمن الرحيم

كيفكم شخباركم عساكم بخير وحشتوني يا مال الحكه

وكل عام وانتو بخير > لسعوديين فقط

اممم اختبار تحديد المستوى تبعي كان يوم الاحد
طبعا لاني طالبه سكن مارضيو يدخلوني الا بورقه السكن وكرت العايله وصور شمسيه > طبعا مادخلوني حسبي الله عليهم

واختبرت بحمد الله الاثنين

الاختبـار ؟؟؟

كان عبارة عن 200 سؤال
100 ليسيزنج > ناس يقرقرو بالجمله وانتي تختاري الاجابه
100 قرامار> اغلبيتها قاعدات مناهج المدرسه

الأسئله ماكانت تعجيزية بس ما توصل لدرجه السهولة
الوقت قصـير وانا فيه اسئله كثير ماحليتها والسبب ضغط الوقت والتكييف


اكيد حتقولو كيف


انا عندي الروماتيزيم واذا تعرضت لبرد قارس > عاجبتني الكلمه
تصلب يدي يعني ما تتحرك وصلبت باخر الاسئله وماقدرت اكملهاا
وصراحه القاعه مررررة برد مع اني لابسه كوم طويل واصرو اننا نفتح العبايات

وكل ماقولنا لهم طفو التكييف يطفوه 4 او 5 دقايق>يعني صدقني يعني
ويرجعو يشغلوه وربي موتنا من البرد =(

لكن يلله ربي عاانني وان شاء الله اكون حليت في الاسئله اللي قبل

خلينـا نتكلم شويه عن السلبيات اللي صارت

1ـ الأستاذات كان تعاملهم حلو الاغلبيه وفيه بعض البنات الله يهديهم يمشو ولا كأنهم شايفين احد ويتنفخو وكذا عيب والله مايصير

2ـ طبـعا بروووودة التكيييف وانه موصل مع بعض يعني لو طفيناه ينطفي كل اللي في القاعه يكون فردي احسن

3ـ المفروض يكون فيه ساعه رقميه عشان ننتبه للوقت يعني انا افكر وانا احل واقول ان الوقت طويل ويمديني الا وانصدم بالاستاذه تقول باقي 10 دقايق

4ـ الوقت مررررة ضيـق

5ـ اول مادخلنا القاعه طلبو مننا نحط شنطنا على الجدار ونخلي الجوالات صامت بعض البنات الحلوات مايفهمو من اول كلمه
يعني الوحدة ماسكه شنطتها كأن خايفه احد يسرقها
وفيه كثير ما صمتو الجوالات وقعدتت الجوالات ترن ترن على روسنا واحنا نختبر يعني لازم الواحد يحس انو في قاعه اختبار
مو محل جوالات


6ـ اللي كانت تشرح الدايركشن كانت حامل مسكينه وتحسيها تعبانه وماهي قادرة توقف كثير كان رحموها اللي جنبها وهما شرحو عنها ما يحتاج كلها قراءة من ورقه
ولو حطو مايك كان احسن عشان يوضح الصوت للكل

7ـ كانت فيه اعطال فنيه في اللاب او البرنامج تبع اسئله ال ليسينج وطلبو مننا نروح لاسئله القرامر واحس اني تشتت كذا .

8ـ وكان فيه بنتين حتى وقت ما تشرح الاستاذه وهم كر كر كر وكلام بصوووت عالي ولما جت عندهم استاذه وطلبت انهم يسكتو وكذا ردو عليها بطريقه مرة بيئه لا تليق بمستواها كطالبه جامعيه ولا مستوى المكان اللي قاعدة فيه و لا احترمت اللي اكبر منها > شي يحزن و يقهر والله

وبسسس

الوصــايا والتعليمات

1ـ فتحي اذنك وعينك وكل حواسك لان اي كلمه ممكن تكون مهمه واسمعي الكلام من اول مرة

2ـ احترمي نفسك عشان الناس تحترمك والتزمي بانظمه المكان اللي جالسه فيه لان هذا من احترامك للمكان ولنفسك كمان

3ـ حاولي تستفيدي من اسئله البنات اللي يسئلوها لاي مسؤوله عشان لا تكرري نفس السؤال وتقعي في موقف لا تحسدي عليه

4ـ البسي اكمام طويله وثقيل ولا يمنع قبعه وقفازات وشراريب > احتياطات امنيه ههههههههـ

وبسسسس

يلله قوولوا ايش صار معاكم

وعلى طاري الاختبار متى تطلع النتيجه وفين .؟

[A7la remo]

الله يوفقك ياقلبي

بالنسبة للنتيجة تطلع في الاودس

افتحي جدولك وتلاقي مكتوووب

101 اللغة الانجليزية 1 << مستوى اول
102 اللغة الانجليزية 2 << مستوى ثاني
103 اللغة الانجليزية 3 << مستوى ثالث
104 اللغة الانجليزية 4 << مستوى رابع

ويالتوووووووووووفيق حبيبتي

[ربي معاية =)]

المشكله فتحته الاودس ولا طلع لي شي

=(

طلع لكم ..؟

[нαиiи]

يآبنت طلعت النتيجة من أمس مدري أول أمس
أدخلي ع الأودس و شوفي جدولك جنب الانجليزي حطولك رقم كم ؟
بآلنسبة للإختبآر المشؤوم ..
كآن يوم جدآ سيئ بآلنسبة ليآ :(
بسس اللي لآحظته ع الاختبآر ..
1 : الأسئلة سهلة بآلنسبة ليــآ لكن الوقت ضيق !
2 : البرد حسبي الله ع الشيطآن قتلني

بس خلآص هع

بآلنسبة للبنـآت و تصرفآتهم ..
من جد شي يقهر ! شفت كذآ بنت أسلوبهآ مع الاستآذة جدآ قليل أدب !
مرة مرة مآفي احترآم , تحسي نفسك تقومي تلطشيهآ
و أستغرب إنه الاستآذآت مآيقولوهم ششي :)
الله يهديهم بس ..

.

يسلمو

[нαиiи]

المشكله فتحته الاودس ولا طلع لي شي =( طلع لكم ..؟

أرجعي أفتحي جدولك و أتأكدي ..
الجدآول أتغيرت حتى اليوم :)

[A7la remo]

ايوه ياقلبي طلعت لي النتيجة انا مستوى ثاني

ادخلي وشووفي عند الانجليزي ايش مكتوووب
اذا مكتووب لغة انجليزية 1 وتحدد عدد الوحدات 2
معناه انتي مستوى اول حبيبتي
شوفي وطمنيني

[Angelitta]

آآآآخ بس الحمد لله عدا على خير ..

من بين الناس سبحان الله اختبرونا 75 دقيقة ..

وغيرنا ساعتين يعني 120 دقيقة قمة الظلم صراحة والله مررررا حرام ..

وناس اتعاد لهم اللسينينق مرتين ..

وناس اختبرو آخر شي أما إحنا أول شي وربي مية سؤال في ربع ساعة بالزبط ..

وبنات مستهترة كل شويا يزيدوا البنات في الكلاس ..

ومررا مو وقتهم وتتعاد التعليمات عشانهم ..

وبنات برضو زي ما قلتي الموبايلات قروشت جدنا في الاختبار ..

وأسلوب زفت وشايفين نفسهم على إيه مدري اللهم عافهم ولا تبتلينا بس ..

مع إني الحمد لله ممتازة في الإنجلش ..

والأسئلة سهلة ..

لكن الوقت قصير يعني زي القدرات أسئلة سهلة ونو تايم ..

وفي النهاية حطونا أنا وصحباتي مستوى تاني ..

بس قلت الحمد لله ..

أكيد ربي رايد خير عشان اللي تبا تتخصص إنجلش تراجع دحين في المستويات وتخش وهيا مستعدة إن شاء الله ..

الله يسهل يا رب ..

ونشوف النهاية بس على خير ..

بالتوفيق للجميع ياااا رب ..

[ربي معاية =)]

المشاركة الأصلية كتبت بواسطة нαиiи يآبنت طلعت النتيجة من أمس مدري أول أمس أدخلي ع الأودس و شوفي جدولك جنب الانجليزي حطولك رقم كم ؟ بآلنسبة للإختبآر المشؤوم .. كآن يوم جدآ سيئ بآلنسبة ليآ :( بسس اللي لآحظته ع الاختبآر .. 1 : الأسئلة سهلة بآلنسبة ليــآ لكن الوقت ضيق ! 2 : البرد حسبي الله ع الشيطآن قتلني بس خلآص هع بآلنسبة للبنـآت و تصرفآتهم .. من جد شي يقهر ! شفت كذآ بنت أسلوبهآ مع الاستآذة جدآ قليل أدب ! مرة مرة مآفي احترآم , تحسي نفسك تقومي تلطشيهآ و أستغرب إنه الاستآذآت مآيقولوهم ششي :) الله يهديهم بس .. . يسلمو

اهلا اهلا

لا والله ماطلع لي شي في الاودس=(

صح الأسئلة سهلة بس الوقت مرة ضيق
والبرد انتي ادرى

والأستاذات ما يبغوا مشاكل من صباح الله خير
والا هي ودها تلطشها بالشبشب ههههـ

الله يسلمك نورتي

[ربي معاية =)]

المشاركة الأصلية كتبت بواسطة нαиiи أرجعي أفتحي جدولك و أتأكدي .. الجدآول أتغيرت حتى اليوم :)

موووووووووووو طاااااااااااااااااالع شي

=( =( =(

الانقلش مرة مو مذكور بس 3 مواد

ايش الهرجـه

> يمكن يبغو يخففو عليه فديتهم بس ههههههههههـ

[ربي معاية =)]

المشاركة الأصلية كتبت بواسطة a7la remo ايوه ياقلبي طلعت لي النتيجة انا مستوى ثاني ادخلي وشووفي عند الانجليزي ايش مكتوووب اذا مكتووب لغة انجليزية 1 وتحدد عدد الوحدات 2 معناه انتي مستوى اول حبيبتي شوفي وطمنيني

اهلين يا عسل

مادة الانقلش كلها مو موجودة في الجدول =(