ماكافأة الامتياز+ اختبار تحديد مستوى اللغة ((لكل طلآب وطالبات التحضيري))$$

[دودو خالة لولو]

السلام عليكم..
اولآ..ع البركة انتهاء الاختبارات يا حلوين..
وو
باذن الله تكون الدرجات حلوة وع قد التعب...
انا عندي كم سؤال...
قرأت في قسم المسار العلمي انو في اختبار ايتليس ..
اللي هوه يحددو مستواكي ويعطوكي شهادة كمان وهو مجاني ..
بس اللي عندها تفاصيل اكثر تقول لنا ..


+

مكافأة الامتياز ينفع اقدم عليها هذا الترم الصيفي عشان تنزل لي بداية الترم الجاي..!!
اللي عندو خبر اكيد يقول لي...

[الحالمه باالمستحيل!!]

السلام عليكم..
اولآ..ع البركة انتهاء الاختبارات يا حلوين..
وو
باذن الله تكون الدرجات حلوة وع قد التعب...
انا عندي كم سؤال...
قرأت في قسم المسار العلمي انو في اختبار ايتليس ..
اللي هوه يحددو مستواكي ويعطوكي شهادة كمان وهو مجاني ..
بس اللي عندها تفاصيل اكثر تقول لنا ..

وعليكم السلاااام
الله يبارك فيك وان شاء الله نفرح باالدرجات عن قريب

اي اليوم في الاختبار جات مشرفه من المعهد وقالت لنا عليه
تقول هو راح يكون يوم الاثنين والثلاثاء والاربعاء يعني انتي تحضري في اي يوم من هذه الايام وتختبري بس التفاصيل الثانيه ماقالت عليه اكيد بيكون في معلومات عنه على رابط المعهد شوفي او روحي الجامعه واسألي في المعهد بس هذا اللي عندي وان شاء الله اكون افدتك

[للدموع أسرار]

الاختبار يكون بس بنات علمي
ولا في امكانية للإداري .. ؟
ومن متى لمتي ؟ يعني من الساعه كم للساعه كم ؟

[amly 6mo7aty]

في اداري
انا سجلت فيه جونا في الاختبار وكتبو اللي يبغون يسجلون

الايام : من الاثنين للاربعاء
كلها في مبنى 7 العلوم
الوقت من 10 ل 12:30
1- معمل 48 معمل العلوم القديم
2- معمل 150 مبنى العلوم الجديد

[اثيرهـ]

احنا في السلامه ما قالو لنا شي من ذا الكلام !!!

[الــ تـ ـرف ..~}]

اللي تبغى تسجل في الاختبار تلحق تروح يوم السبت الجامعه وتسأل في معهد اللغة عن التسجيل وهم يدلوها هناك ..

[نسمات]

طبعاً هو اختبار يحدد مستواك باللغه ويعطوكي عليه شهاده تنفعك لما تقدمي دراسات عليا او حتى فكرتي تكملي دراستك برى
والجامعه تعمله ببلاش بينما لو حبيتي تعمليه في المعاهد راح ياخذو عليه اتوقع حوالي 500

[Loveless]

بنات اصلاً ليش تبغوا تختبروا اصلا مدة الشهادة سنتيـــن فقط !! يعني عبال ما تجي تتخرجي تكون منتهية لها سنة !!
و ترا الايلتس بالبريطاني تكون و انا اعرف انه التسجيل لها يجب ان يكون إلكترونيا و يكون عندك أكاونت في الموقع حق القنصلية البريطانية عشان تختبري و التسجيل طووول عمره كان أونلاين اصلا و الشهادة تستلم من القنصلية !
يعني هادي الجامعة شكلها تبغى تجرب فينا شيء جديد زي لفل 5 اللي كنا ضحاياه =.= !!

عموما انا من بعد ما أكلت مقلب لفل ٥ هادا عمري محا اجرب شيء جديد من جامعتنا الحبيبة و انتبهوا يا بنات d:

لوعمري كنت أبغى شهادة الايلتس حا اروح على القنصلية البريطانية ان شاء الله بعد التخرج عشان تنفعني صح
و لو كنت أبغى التوفل نفس الشيء راح اسجل من الموقع ان شاء الله ..

[mnoosh]

شكلنا احنا دفعة التجارب هههههههههههههه
الالكتروني وجربو فينا ولفل 5 ودحين الشهادة هذي وانا شوف ديك المصرية مزاجها رايق اليوم غير عن باقي الايام اثرها طلعت تحاول تدخل الفكرة براسنا ههههههههههههههه

[shao0aga]

والله انا من رئيي نروح ونختبر محنا خسرانين شي ...