ايش يعني مادة حرة وايش يعني اختياريه

[ياسمين..]

السلام عليكم...

انا اعرف ان المادة الاختياريه تكون مواد تحت خطتك الدراسيه واحنا نختار كم مادة ع حسب عدد الساعات اللي مسموح بها في المواد الاختياريه <<< صح كدا؟؟؟؟؟؟؟


طيب والمواد الحرة كم مادة لازم اخد؟؟؟ وكيف اعرف انه لازم اخد مثلا 3مواد او اقل اكتر ؟؟؟؟يعني فيها عدد ساعات معينة !!!! ولا كدا في اي ترم نقدر ناخد مواد حرة بس عشان نرفع المعدل ...

اشرحولي بالتفصيل ادا سمحتوا

[ياسمين..]

ايوة وايش يعني ساعات مسجلة وساعات مكتسبة ....؟؟؟!

[مداوي الجروح]

المواد الاختيارية زي ماقلتي مواد محدده تحت الخطة الدراسية تختاري منها 8 أو 9 ساعات على حسب ماهوا موضح في خطتك

المواد الحرة هيا كل المواد في كل الأقسام تختاري منها 6 ساعات أو برضو زي مو واضح في خطتك طبعاً تحاولي تختاري أسهل المواد عشان تكون بفايدة لمعدلك
وبرضو المواد الحرة تقدري تزيدي عن 6 ساعات عشان رفع المعدل بس اللي لازم تآخديها 6 ساعات اجباري

الساعات المسجلة هي كل المواد اللي تسجليها في كل سمستر سواء نجحتي فيها أو لأ
الساعات المكتسبة هي عدد ساعات المواد اللي نجحتي فيها بس

يعني نزلتي أول سمستر 15 ساعه << دي ساعات مسجله
لاقدر الله رسبتي في وحده 3ساعات
بعد النهاية السمستر بتكون زي كدا
الساعات المسجلة 15 ساعه
الساعات المكتسبة 12 ساعه

وبالتوفيق ^_^

[ياسمين..]

جزااك الله خير اخوي ماقصرت