إستفسار عن الشهاده الاصل

[Silent Beauty]

السلام عليكم ورحمة الله ..

ي جماعه انا موعدي اليوم الساعه 8 الصباح .. انا كنت قبل 3 سنين مسجله انتساب وارسلت ملفي كلو بالدي اتش ال للجامعه بكل مافيه من شهادات واوراق اصل وصوره ،، السنه اللي راحت عملت اخلاء طرف عشان ارجع اسجل دي السنه والموظفه قالت خلي ملفك عندنا دامك بترجعي تسجلي ودا اللي سار .. السؤال دحين لما طلبو الشهاده الاصل من ضمن طلبات مقابلة القبول رحت للجامعه وطلبت شهادتي الاصل من العماده قالتلي الموظفه احنا مانستلم اصول وانا ملفي كلو عندهم والاصل مو عندي ومصره انو مو عندهم قمت طلبتها تفتح الملف وتوريني ودا اللي سار ، لما فتحت الملف وهيا بتقلب بالاوراق قال شايفه مانستلم اصول بس بعدين اعطتني شهاده مختومه باللون الازرق وانا فقدت الامل انها عندهم واخدت دي ومشيت من غير لا اشوفها ولما طلعت مع بابا السياره قلت ماعندهم ومش عارفه ايش وشهادتي ضايعه واعطتني الموظفه ورقه وقالت ماعندنا اصول قال وريني اللي ادتك هيا وريتو قال دي مختومه بالازرق معناها الاصل بس يمكن الموظفه ما اعترفت انها اصل لانها بالبدايه قالت احنا مانستلم اصول ومدري ايش بس لسى مو مرتاحه وخايفه ماتكون اصل ، ايش اسوي اروح بكرا واقولهم اني كنت مسجله انتساب وملفي عندهم باللي فيه والموظفه ما اعطتني الا دي " بحالة قالت غير اصليه " ولا مدامها مختومه بالازرق معناها اصليه ؟ الله يسعدكم طمنوني موعدي الساعه 8 ومرررررره خااايفه مع العلم دي اخر فرصه تسجيل ليا بالجامعه وتعبت عليها كتير وما ابغا تروح عليا :(

[قلبي مملكه]

الاصل معروفة شهادة لونه اخضر كدا اكيد حتعرفيها على طول
الي تجيكي تصوير وعليها ختم دي شهادة طبق الاصل
الجامعه طالبة الاصل وطبق الاصل
اذا كنتي متاكدة انك ارسلتيها لهم ارجعي لهم وانشبي لها الين تطلعها لك حصلت مع وحدة من صاحباتي لما جت تاخذ وثيقتها ضيعوا لها شهادة الثانوي ونشبتلهم لما لقيوها
الله ييسرلك امرك ويوفقك

[قلبي مملكه]

نسيت ارد السلام
وعليكم السلام ورحمة الله وبركاته

[Silent Beauty]

ي الله يعني اللي معايا طبق الاصل :( .. طيب مافي وقت ارجعلهم لانو موعدي 8 والعماده تفتح 9 ايش الحل ؟

[Silent Beauty]

خلاص الحمدلله حصصلتها .. يعطيكي العافييهه ياقمر