ضايعة في الماث

[Emiz]

بسم الله الرحمن الرحيـم ..


انا تحضيري خطة أ , الحمدلله احس اني فاهمة المواد و ايش اللي ليا و ايش اللي عليا اذاكرو ..
ما عدا الماث :(
دخلت علينا الاستاذة و مسكت قلم السبورة و بدأت تشرح , ما قالت لنا ايش هو المنهج و الا عن ايش الشابتر و الا ايش نذاكر و لا حتى ايش اسم الكتاب اصلاً

ممكن احد يفهمني ايش اسم الكتاب ؟ و ايش الطبعة اللي نجيبها ؟ و ايش الشابترات اللي معانا ؟ و عن ايش المنهج اصلاً ؟
و ايش الاشياء اللي اشتريها و من فين , زي الملخصات و الوركشوب ؟ و من فين اذاكر ؟؟

و الملخصات و الكتب بشكل عام فين موجودة برا الجامعة ؟


و حكون شاكرة ليكم

[فكر حر]

أهلًا فيك :)

أولًا هدّي نفسك ترى مره سهل و ممتع بس طبعًا يحتاج شغل

أنا زيك خطة أ ,, إنتي مين أستاذتك ؟

أنا عند أ ليندا الزبن

اسم الكتاب هو mathematics for preparatory year students

رياضيات 110

وهذا الموضوع بيفيدك في طريقة المذاكرة و فيه روابط للوورك شوب و ايش الملخصات و كل حاجه

http://www.skaau.com/vb/showthread.php?p=6363583

يعطيها العافية صاحبته لمى .. ممره رائع

موفقه حبيبتي

[صبآآ]

ما يحتاج توتري نفسك بالذات الماث ما يحتاج داك الشيء
الكتاب جداً واضح وبالعكس مبسط الشرح خليه مرجعك الأول
غير تركيزك بالمحاضرة لاااابد منه وأي خطوة ما تفهميها اسألي بنفس المحاضرة
لان فهمك لها حتفهمي اللي بعده ما يحتاج ملخصات أوقات يكون وقت البريك اكسترا
وحل تمارين ونماذج احضريها مرررررة مفيده
وقبل الاختبارات بفتره امسكي نماذج اختبارات حتلاقيها بموقع استاذتك وفي أظن جمال السعدي منزل نماذج
ووبس ....،. موقفه يارب

[romyo mohammed]

^^^^

كلآمهم صححيح


صرآححه الكتآب اشتريته ومااستفدت منه وذاكرت بس من التست بانك حق بروف حمزة ابو جبل وملخصات أشرف بركات >> وعندك بعد ملخصات جمال السعدي


يَ تذاكرين ملخصات وتست بانك او كتاب وتست بانك >> بس لا تذاكرين من الملخصين معا بعض لان كل دكتور له شرح مختلف



الملخصات تلاقيها بمكتبة 2000 اللي بشارع عبدالقدوس الانصاري جنب صرافة الراجحي

[طموحه بالحيل]

الكتاب مهم وفيه الافكار الاساسيه ولازم تحضري لانو في افكار مو واضحه الدكتوره تطرق لها اكيد بس لازم تكوني منتبهه كويس الباب الاول الدومين والرانج وانواع الدوال وبعض خصائصها الثاني النهايات الاشتقاق والثالث الاشتقاق ومو زي الثانوي انا اخذتوه مع مدرسه خصوصي والحمد لله جبت فيه 90 لو تبغي رقمها اديكي هوى الاستاذه ايمان