للشباب اللي اخدو كورس math 204

[Thamer115115]

السلام عليكم ورحمة الله

ياشباب اللي اخذ الكورس ذا لو يعطينا تلميحه بسيطه عن الماده
وهل تحتاج اجتهاد بدرجه كبيره والا متوسطه لاخذ الفل مارك ؟؟

اتمنى منكم المساعده :)
Peace

[TENKEL]

الماده اسمها معادلات تفاضلية ...
قوانين ... وتطبق .... كدا الماده ... وقوانينها مو مره كتيره ...
بس المشكله ... عشان القوانين مو كتيره .... يجيبو اسئله دسمه فيها...

تعتبر اسهل من ٢٠٢ بكتيييير ....

هيا في البدايه مره سهله ... بعدين تصعب حبه حبه ...

يمديك "بسهولة" تاخد ٨٠ .... بس ازا زاكرت واجتهدت تجيب اكتر بالراحة ...

اختباراتها طويله ... وقت الاختبار مايكفي انك تحل كل الاسئله كويس ... بس ازا كرفت ممكن ...


اخدتها الترم الماضي عند محمد الهذلي :)

[Eng:S.T.M]

المشاركة الأصلية كتبت بواسطة TENKEL الماده اسمها معادلات تفاضلية ... قوانين ... وتطبق .... كدا الماده ... وقوانينها مو مره كتيره ... بس المشكله ... عشان القوانين مو كتيره .... يجيبو اسئله دسمه فيها... تعتبر اسهل من ٢٠٢ بكتيييير .... هيا في البدايه مره سهله ... بعدين تصعب حبه حبه ... يمديك "بسهولة" تاخد ٨٠ .... بس ازا زاكرت واجتهدت تجيب اكتر بالراحة ... اختباراتها طويله ... وقت الاختبار مايكفي انك تحل كل الاسئله كويس ... بس ازا كرفت ممكن ... اخدتها الترم الماضي عند محمد الهذلي :)

حيو تنكل
نورت المنتدى
بس 80 بسهولة في الأحلاااااااااااااااااااام
الترم دا ما كان في غير واحد جاب 90 انت عارفوا وواحد جاب 80 والبقية down

[Thamer115115]

حلو ،،
كلام مطمئن ومريح
انا مو متاح ليا الا اني انزلها لوحدها في الصيف دا, كنت متوقع انو لازم اشد فيها حيلي بشكل كبير
بس شكلو كدا اقدر اخد الدورات اللي مخطط لها
واتفرغلها مزبوووط وامخمخ عليها
يعطيك العافيه ياباش مهندس تنكل ماتقصر



اوه دي مشاركتك الاولى هنا ! ،،، كدا تحرجني :q


Peace

[الكريم ابن الكرام]

مادة سهلة ومنهجها قليل

[Thamer115115]

ياكريم ،،

انت انسان بطل والله
صراحه اشكرك على تفاعلك مع الشباب ومشاركتهم معلوماتك
الله يكتبها لك في موازين حسناتك ياشيخ ^^

Peace

[الكريم ابن الكرام]

المشاركة الأصلية كتبت بواسطة thamer115115 ياكريم ،، انت انسان بطل والله صراحه اشكرك على تفاعلك مع الشباب ومشاركتهم معلوماتك الله يكتبها لك في موازين حسناتك ياشيخ ^^ peace

الله يوفقك دنيا وآخرة ويسمع منك

دمت كريماً

[TENKEL]

تصدق دوبي لاحظت انها اول مشاركه ... ؟!
هههههههههههههههههههههههههه

انا ما قلت كدا والله الا لانو باين من كلامك انك انسان مجتد <<<< احلى يا معنويات :)

الله يوفقك في دي الماده ... :)

[medo0o0]

شوف انا اخذت الماده الترم دا
المنهج مو صعب ولا سهل وانتبه لحد يقلك المنهج مررررة سهل المنهج مو سهل ولا صعب متوسط
انا اخذتها على اني اجيب درجه عالليه والحمدلله الدوري الاول اخذت 21 والثاني 20 والفاينل حليت تمام والله
بس ف النهايه كم 71 ليييييييييش ما ادري والله
والاسئله كانت ف الاختبارات والله صعبه والدرجات حقت كلاسنا كااانت مررررررررة طااااايحه
مافي غيري انا وكم واحد درجاتنا عاليه والتصحيح عندهم بطريقة غريبه ما تدري كيف
والله يسهلك ان اما بخوفك بس بقلك انو لا تحط فبالك انو الماده مررررة سهله وتاخدها وتتهاون فيها وتجيب درجة واطيه لا سمح الله او انك تاخد اف
وترى مو بسهوله تجيب 80 ف الماده على حسب كلام اللي فوق لازم تجتهد فيها وتشد حيلك وبلإذن الله تجيب درجه حلوه
والله انا كنت حاط فبالي اجيب 85 واتفجأ ب 71
يلا حمدلله على كل حال

والمنهج فيه اعتماد كبير على ماث 202 يعني اغلب التكاملات تحلها بنفس الطرق اللي في 202

[مهنـ(engineer)ـدس]

شوف حبيبي
المادة ذي قبل لااخذها كانو يقولوا سهلة مررررة ومن الكلام ذا ونا اخذتها على
انها مررة سهلة وما اديتها حقها وانصدمت
انصحك ترى المادة ماهي مرة سهلة هيا تقريبا متوسطة
لازم تديها حقها وتذاكر مزبووووط
نما تذاكر اتحس المادة سهلة وتنفهم بس مشكلة المادة
صعوبة الاسئلة بالاختبار الهذلي معقد الاسئلة وهوا اللي يحطها
الخلاصة
لا تغتر بسهولة المادة ذاكرها مزبووط وشوف نماذج اختبارات سابقة
وان شاء الله فل مارك
بالتوفيق لك