موضوع خارج عن نطاق الدراسه ..أستشاره طبيه

[crazy 4ever]

سلام عليكم .. ياجماعه الخير انا محتار بين اني اسوي تقويم او لاء ..أسناني مو مره سيئه بس انه بسوي التقويم عشان نفسي مو عشان المظهر مع العلم انه اللي يشوف اسناني مايطلع فيها عيب بس لو قرب ودقق ممكن يشوف .. سؤالي ياجماعه الخير هل لو سويت تقويم وانا مو مره احتاجه فيله اي اضرار جانبيه ولا اتوكل على الله معنو كشفت في عيادة المدار والدكتور قلي شغلتك بسيطه ومااافيها شي لو سويت تقويم بصراحه ماصدقت قلت ممكن شغلة فلوس وبس .. فايش رأيكم وهل لو مافي ضرر تدلوني على دكتور كويس مجربينه ... thanx dr,s

[crazy 4ever]

no answer.....

[Dr~NanoOok]

اهلا بيك أخي
=)

التقويم اذا انعمل بطريقة صحيحة.. وللمدة المحددة
فما يضر أبدا
وبما انك رحت لعيادات المدار.. وباذن الله كويسين والدكتور عارف شغله
فلا تاخد هم

وكتيرين بيعملوا التقويم وهم مو مره محتاجينه.. وما صارلهم مضاعفات منه

..

وأنا برأيي ما انصحك تعمل التقويم اذا ما كانت الحالة مره تحتاج
لأن الأسنان مازالت تتحرك وممكن تعدل شكلها بنفسها بدون أي تدخل
وكذا واحده اعرفها صارلها زي كده.. واتعدلت اسنانها مع الوقت

لأن عضام الفك ما تكتمل نموها إلا في سن 21-25 سنة
و اذا ما طلعتلك ضروس العقل لسه.. فاحتمال كبير تحرك وتغير من مواضع الأسنان

على العموم استخير الله
وشاور عقلك.. وإن شاء الله تختار الشي اللي يفيدك ويريحك

تحيتي

[crazy 4ever]

تبغيني استنى عبال ماتتخرجي وأسوي عندك التقويم << أمزح لووول


يسلمو خيتو ع النصيحه كلامك في محله ثانكس ...