الى طالبات ليفل 4 سابقا اتفضلوا لوسمتحتوا

[No0o0oN]

كيفكم بنات ؟؟

انا حابه اسال عن استاذة تدرسني انجلش 4 اسمها مس لبنى ( هنديه )

هل في احد درسته في ليفل 4
يعني كيف تعاملها خاصه بالدرجات يعني هل تحاسب في الرايتنج والسبيكنج
ام تعطي الفل مارك وشكرا ؟؟

وجزاكن الله خير

[No0o0oN]

up up

[SaRaH MoHaMMeD]

مررررررررررررره عسل لاتخافي منها درستني الترم اللي فات و كانت تساعد في الدرجات حقت الرايتنج والسبيكينج ما اعرف كم جبت عشان اقولك بس هيا مره مشالله كويسه

[No0o0oN]

الله يسعدك انك طمنتيني

بس ما نتي فاكره الاختبار الاول الرايتنج يعني تقريبا اللي تغلط

كثير كم اعتطها هل ممكن تعطي 9 ونص لاني مره متعقده لانه درستنا وحدة في ليفل 3 في المحاضرات مرررره عسل

ولكن في الاختبار مره تنقص كثيررروااللي نزلني في ليفل 3 الرايتنج ؟؟؟
موفقه يااارب

[SaRaH MoHaMMeD]

والله مو مره فاكره بالزبط بس اعتقد انو تلات اغلاط تحسبوا بغلط واحد انا مره ناسيه بس لاتخافي اللي افتكرو انها مررره مشت كتييير فيه

[No0o0oN]

يسعدك ربي انك طمنتيني

يعني ان شاء الله ارتاح واضمن الدرجه العاليه ؟؟

والله يوفقك

[SaRaH MoHaMMeD]

انشاالله بس مرررره شدي حيلك في النهائي عشان مرررره كان يلخبط وناس كتييير جابوا درجات ما اتوقعوها وانا منهم عشان حسينا اننا حنجيب درجه احسن من كدا والله يوفقك انتي كمان =)

[No0o0oN]

كيف يعني كان يلخبط

مررررة خوفتيني يعني مافي ولا شئ سهل حتى القرامر ماكان سهل

الله يستر مرررررة خايفه رح ابكي

سؤال يعني الاسئله كانت من خارج الكتاب ام ايش ؟؟

[SaRaH MoHaMMeD]

ايوه مافي شي في الكتاب يجي نفسو هو بس تفهمي وتركزي في جرامر كوييس عشان هو اللي كان يلخبط في النهائي لأنو تحسي الشي الصح اكتر من واحد و vocabulary يجي كتيير يعني لازم تزاكري كويس لأنو احيانا تكوني عارفه جوابو في الاختياري بس تكون في كلمه او اتنين في نفس الاختياري ممكن تكون غريبه عليكي فتشكي انتي بس الي في بالك هو اللي حيكون صح لاتحطي كلمه انتي مو عارفه معناها وتندمي.. الأختبار النصفي مرررره كان سهل يعني احنا ما اتوقعنا انو حيكون مره تافه وممكن احنا كمان مازاكرنا كويس في النهائي عشان حسينا انو حيكون سهل زي اللي قبلو بس طلع العكس..

[SaRaH MoHaMMeD]

ونصيحه انك ماتغيبي عشان منجد في كل يوم تتعلمي شي جديد مع انو اكترو اخدنا في تالت ثانوي بس يكون فيه اشياء زايده او انو تتوضحلك اكتر من اول و بس :)