Urp130 مادة سهله ... لكن درجات غير مرضية !

[Mohannad Al-zahrani]

بسم الله الرحمن الرحيم

السلام عليكمـ ..


أبارك أولآ للجميع النجاح وعقبال التخرج ..


ندخل في الموضوعـ ..

مادة (urp130) يدرسها الدكتور : عبدالمجيد
كلنا نعرف ان المادة هذي تعتمد على المشاريع او ان صح التعبير .. تعتمد على التقارير المقدمة للدكتور ..
واختبار نهائي فقط..



الغريب في الأمر .. قدمنا التقارير على أكمل وجه .. وأضفنا لها تقارير للحصول على درجات اضافية ,, والحمد لله الاختبار سهل ومضمون الدرجة ,,

الغريب ان في النهاية الدرجات غير مرضية بتاتآ ليس من قصور ولكن ليس هناك سبب واضح ومقنع للدرجات التي رصدت لنا ..

سألت أكثر من صديق وصراحة درجات غير مرضية وسيئة جدآ .. انا اتحدث عن 10 اشخاص ع الاقل اخذت منهم الكلام ,,


عمومآ .... نبغى نشوف حل للموضوع .,

اقترح التالي :
.. مجموعة من الطلاب يتوجهون للوكيل لشرح الموضوع والمطالبة بـ(كيرف اب) ,, للجميع.
او الاقتراح التالي:
.. تقديم معروض تظلم لسعادة العميد يوقعه عدد ليس بالقليل من الطلاب.


فما ادري ايش رايكمـ ؟

[ROBOT]

فعلا ،،، شي غريب ... اغلب الدرجات يا f او بين 60 الى70 يعني معقولة كل الشعب درجاتها على ذا الوضع ... اعتقد لازم نراجع الكلية ونشوف ايش الوضع ... والله قهر الدرجات مهزلة ما ينسكت عليها بالمرة ... عموما اخي مهند انا معك في كل ما قلته ... وفي كل ما تفعله ... مشكور على طرح الموضوع فنحن في امس حاجة اليه

[الغامدي07]

اخي العزيز مهند .... انت دائما سباااق ((لاني كنت ناااوي ان اضع موضووع مثل هذا)) لانه بكل صراااحه ظلم انا اتكلم عن نفسي كنت طوول الترم مجتهد وشاااد حيلي في ال130 والمشاريع على اكمل وجه .... والله سبحانه يشهد كم تعبت انا واصحابي في المشاريع وفي الاخير اعطاني درجه مااا توقعتها ابدا !!! ليه اش السبب الله اعلم بس والله لو ماكنت وااااثق من نفسي ما كان كتبت هالمشاركه وانا مستعد لو فيه اي مراجعه اني اكووون اول واحد متواااجد .... ما ابغى اطول بس صدقوني يا شباااب اني قدمت انا واصحاااابي مشروووع جبااار ومتكامل اخذ من وقتنا ايااام وليااالي عن موضووع مهم للغايه ما طلبه منا بس قدمناااه على اساس جهد مميز وارجع واقول انا واصحااابي مظلووومين في الدرجاات (( حسبي الله ونعم الوكيل)) ... انا من رأيي الشخصي ان نتوجه الى الكليه ونطلب منهم النظر في الدرجات والتدقيق فيها ... صدقوني الذهاااب افضل .

[Aburefaei]

اخواني الافاضل
السلام عليكم ورحمة الله وبركاته
اولا كلنا يعرف طريقة الدكتور ومنهجه
والجميع كان متوقع الدرجات بهذا الشكل
واهم شيء كان للدكتور المشاريع الجماعية
واغلب الطلاب ما اهتموا فيها كلها بل بعضها
ولله الحمد انا ومجموعتي ما في منطقة أو
معلم قال عليه الدكتور الا وزرناه وقمنا بعمل
تقرير وافي وشامل عنه والحمد لله كلنا الخمسة
حصلنا على درجات فوق ال 95 ايه بلس
واعتقد انه الدكتور كان عادل وواضح طول الترم
هذا رأي الشخصي واعتذر ان أخطات في شيء
واتمنى للجميع التوفيق أخوكم أبورفاعي.

[ج ــنونكـ ~]

اي والله تكفى ياأبو زهــــرة على يدك

والله درجات غير مرضية مررة اشبنا نجحنا عشان نقول غير مرضية

وبعدين والله مادة سهلة وسوينا كل المشاريع المطلوبة وغير المطلوبة والاختبار حلينا فيه أحلى حل

بس ما أدري اش قصة الدكتور الله يجزاه خير ...,,

بس تكفى اذا في حل وإلا طريقة شكوى وإلا مدري اش هو اللي تقوله انت <<غشيم في نظام الجامعة

انجدنــــــــــا واما مستعد اجمعلك تواقيع عشر طلاب وارووح معك بس تكفى خلنا نشوف لنا حل نبي 60 على الاقل

والله حراااااااااااااااااااااااااااااااااااااااااااام اخـــــذ f .,,

تحياتي

[حموووده]

اخوي مجنونك احب اقوللك واقول لكل اللي مو عاجبتهم درجاتهم تعوضوها ان شاء الله في المواد التانيه..

الشي التاني الدكتور طلب مشاريع يمكن صح سويتوها بس مو كامله غير كدا الاختبار طلب في رسم يمكن ما رسمتو وكمان طلب تلوين يمكن ما لونتو...اشياء كتيره تتوزع عليها الدرجات..
عموما انا حبيت اوضح وبس

الله يوفقكم و يساعدكم في مشكلتكم
لكم ودي و احترامي
[/align]

[OAB]

ههههههههههه
الله يعوضنا خير واذا كنا مظلومين يا ويله من الله
وفي الاول والاخر خيره

[احمد ربيعة]

شباب لاتستعجلو على رزقكم ....راح تحصلوا على ظلم كثيرر خلال مسيرتكم التعليمية في الكلية ....انا الترم دا مادتين ظلم والدكاترة يشهدو على ذلك :(

[Mr.LandScaper]

يا اخواني ,,,

المادة هذي انا اخذتها قبل 5 سنين، ما كان فيها مشروع ،، و كنت فاهمها مزبووط
و اخذت فيها f ، لأني ما حضرت آخر محاضره اللي شرح فيها الدكتور طريقة حل الاختبار
و اللي سويته إني دخلت رسمت و لونت و خرجت ،، ما كتبت ولا كلمة ، مع انه حضوري ممتاز

لما أخذتها ثاني مره السنه اللي بعدها، كان فيها مشروع، واخذت فيها 88 ، بس انا و المجموعة اللي كنت فيها ، ما اعطينا المشروع اهتمام قد اهتمامنا بالمادة نفسها و اختبارها، و مشروعنا ما طلع افضل مشروع حتى،،،،

فعلا زي ما أشار اخي الفاضل حمووده
المادة لها جوانب كثير تتوزع على اساسها الدرجات ،، كل واحد فيكم قبل لا يقول انا مظلوم، يشوف حضوره كيف، و كيف سوى في المشروع، البحوث اللي يطلبها الدكتور، كيف حل في الاختبار النهائي ..... وبعدها يحكم

و نصيحتي لكم،، لا تحطوا نفسكم في موقف عدائي مع الدكتور و انتوا الخسرانين، لأنكم ما راح تاخذوا غير الدرجة هذي و اللي اخذ f و رجع ياخذها، ما ادري اش بيكون موقف الدكتور منه ..

ركزوا على الجاي، واللي فات مات :)

الله يوفقكم و يقدملكم اللي فيه الخير ......

[feras99]

درجات غير مرضية بسببك مو بسببنا لو انك شديت حيلك ما كان اللي انت فيه

الجلوس في الصف الأول , عدم الغياب , مشاريع كامله , جهد مميز وكل مايطلبه والكثير

الدكتور حلف وقال والله اصحح فوق الميه . بس عالم ميته للاسف

والله آنظلمنا حتى الهلالية يقولوها ههههه