كويسين ولا لا ؟؟؟

[دافئ الإحساس]

انا اخدت يا حماعه

مادتين حره

الاولى الاقناع عن الدكتور (راكان عبدالكريم على حبيب )

والتانية الراي العام عند الدكتور (محمد جادالمولى حافظ عويس )

ياريت

اللي عندو فكرة عن الدكاتره يفيدني بأي شي

وجزاكم الله خير

[النمر والاسد]

اذا كنت تبغى الدرجات مانصحك براكان لانو دراستو حلوة بس اسئلته شوية صعبة ويبالها تركيز
بالنسبة لمحمد عويس انا درست عندو مادة ونجحت فيها بي 87 واسسلته جدا سهلة

[ابو مشهوور]

وانا رأيي من رأي الاخ الي قبلي انه محمد جاد المولى عويس اسئلته سهلة ومنطقية بنفس الوقت
مايتعمد انه يجبلك اسئلة من بين السطور وموفق إن شاء الله

[عـ ـلآء | Ālอ'อ]

د.رآكان يغير طعم الماده الحره تماماًً وبتحس أنكـ تدرس مآدة تخصص معآه
مآ يتعامل ولا يعطي حتى إحتمال ان الطالب منزل الماده كـ حره ، في مكآن في شعبة د.آنمار لا تضيعهآ عليكـ .

،

[زمردة 2009]

كان تبي درجات إبعد عن راكان الحبيب

الثاني للأمانه ماخذيت عنده شي إن شا الله هالترم أخذ

لكن أي ماده تصح لك عند أنمار سجل دايركت

مووفق

[دافئ الإحساس]

الله يستر عليكم جميعا

وما قصرتو

انا حخلي اجل العويس بدامتو تمام يعني

اما راكان

وقتو سبت.اتنين.ربوع الساعه 9تبدا

فكنت ابا اشوف اي ماده حره بنفس الوقت

فلقيت هادي com210

للدكتور انمار

مادري اش تطلع هادي الماده ؟؟

سهله ولا صعبه ..؟؟

ولو فكرت اخدها اللي بقي دحين 41 طلاب من 43

يعني باقي طالبين وبس

وازا بدي اروحها لازم انا وصاحبي ما ينفع لوحدي انا وهوا سوا عشين دايما

فما ادري وافيدوني لو في اي ماده حرة باللهي عليكم في نفس الوقت اللي قلتلكم هوا قبل شوية

مستني ردودكم ,,

[دافئ الإحساس]

وكمان يا جماعه لقيت الماده دي

اش رايك فيها

مدخل الى علم الاجتماع

soc211

عند الدكتور وجدي شفيق عبداللطيف عبدالسيد

اباكم تقوليلي الماده سهله ولا صعبه ؟؟

الدكتور دا تمام ولا مو مره يعني ؟؟

تنصحوني فيها ولا لا؟؟

[زمردة 2009]

المشاركة الأصلية كتبت بواسطة دافئ الإحساس وكمان يا جماعه لقيت الماده دي اش رايك فيها مدخل الى علم الاجتماع soc211 عند الدكتور وجدي شفيق عبداللطيف عبدالسيد اباكم تقوليلي الماده سهله ولا صعبه ؟؟ الدكتور دا تمام ولا مو مره يعني ؟؟ تنصحوني فيها ولا لا؟؟

هذه الماده ماخذيتها لكن .! الي اعرفه إنها سهله لكن مشكلتها وااااجد كلامها كثير جداً فقط هذا عيبها

والدكتور ماأعرفه للأسف ..

[زمردة 2009]

المشاركة الأصلية كتبت بواسطة دافئ الإحساس الله يستر عليكم جميعا وما قصرتو انا حخلي اجل العويس بدامتو تمام يعني اما راكان وقتو سبت.اتنين.ربوع الساعه 9تبدا فكنت ابا اشوف اي ماده حره بنفس الوقت فلقيت هادي com210 للدكتور انمار مادري اش تطلع هادي الماده ؟؟ نظريات إتصال سهله ولا صعبه ..؟؟ دسمه شوي بس يبيلها مراجعه ومع أنمار راح تكون سهله ووممتعه في آن واحد ولو فكرت اخدها اللي بقي دحين 41 طلاب من 43 يعني باقي طالبين وبس وازا بدي اروحها لازم انا وصاحبي ما ينفع لوحدي انا وهوا سوا عشين دايما فما ادري وافيدوني لو في اي ماده حرة باللهي عليكم في نفس الوقت اللي قلتلكم هوا قبل شوية مستني ردودكم ,,

توكل على الله

[عـ ـلآء | Ālอ'อ]

المشاركة الأصلية كتبت بواسطة دافئ الإحساس الله يستر عليكم جميعا وما قصرتو انا حخلي اجل العويس بدامتو تمام يعني اما راكان وقتو سبت.اتنين.ربوع الساعه 9تبدا فكنت ابا اشوف اي ماده حره بنفس الوقت فلقيت هادي com210 للدكتور انمار مادري اش تطلع هادي الماده ؟؟ سهله ولا صعبه ..؟؟ ولو فكرت اخدها اللي بقي دحين 41 طلاب من 43 يعني باقي طالبين وبس وازا بدي اروحها لازم انا وصاحبي ما ينفع لوحدي انا وهوا سوا عشين دايما فما ادري وافيدوني لو في اي ماده حرة باللهي عليكم في نفس الوقت اللي قلتلكم هوا قبل شوية مستني ردودكم ,,

زي مآ قالت أختي "زمردة" ، الماده إسمها نظريات الإتصال ،
كونهآ مع انمآر هذآ شي ايجابي بحد ذآتـهـ ، بس مآ انصح فيها كـ حره .
اذآ حآبب تآخذ من قسم الإعلام مآده حره لا تخرج من الإقناع او المدخل الى وسائل الإعلام اذا كآنت مع دكتور متعآون ،