المعدل المطلوب

[Reemany93]

السلام عليكم ورحمة الله وبركاته

حابة احول لكلية الادارة واليوم لما رحت لعمادة القبول قالتلي انو اقل نسبة انقبلت 4.75

حسيتها قالت كدا عشان تصرفني لانو مرا المعدل عالي بصراحة :(

وانا معدلي 4.15 فما ادري ممكن يحولوني او لا :((((

[باور هورس]

هذه واضحه تصررررريفه

لكن خليك مصرّه وحوالي ولا تيأسي
الجامعة يبغالها واحد نشبة كل يوم ينط عندهم

[muhannad.15]

والله لو انها طب ما جات بدي النسبه
و زي ما قال الاخ

النشبه هو الي يمشي في جامعتنا العزيزة

[ahmad31]

أحد الزملاء الطلاب حوّل للاقتصاد والادارة ومعدله أقل من4 !!

أعتقد ان الموظفه صرفتك لأنها لاتحترم الامانة والوظيفة ..

[الـرااايق]

المعدلات المطلوبة للطلاب اقل بكثير من البنات

[نوونيتا]

اقل نسبه انقبلت يمكن في الي طلبو تحويل
لأنو النسب لمن تجي تحولي غير لمن تكوني انتي أصلن أنقبلتي من البدايه
انا صحبتي كانت برضو تبا تحول لكليه الاداره قالت لها دا الكلام
وقالت لازم يكون معدلك 5 !!
ف كويس انو نزلو المعدل شويا
بس منجد مررا كتير كمان 4.7

[صباا]

لمن كنت بسجل في ادارة واقتصاد التسكين جاني في الاداب
لمن رحت كلمتهم قالت لي الموظفة أحنا ما قبلنا غير اللي جابوا معدل 4.9 قلت لها طيب أنا جايبه 5 .. ~.~
واستحت على نفسها وقالت روحي كلمي العميدة !!